ઈરાનમાં માથું બરાબર ન ઢાંકવાને કારણે મહસા મહસા અમીનીની હત્યાના વિરોધમાં ઈરાની મહિલાઓએ જાહેરમાં વાળ કાપ્યા હતા, હાલ સોશિયલ મીડિયા પર હિજાબને લઈને ભારે રોષ જોવા મળી રહ્યો છે. આ ઘટનાઓનો એક વીડિયો સામે આવ્યો છે જેમાં મહિલાઓ ખુલ્લા વાળ લઈને તેમના હિજાબ સળગાવી રહી છે અને કેટલીક મહિલાઓ તેમના વાળ કાપીને ઘટનાનો વિરોધ કરી રહી છે.
આ તમામ વીડિયો એકત્ર કરીને ઈરાની પત્રકાર મસીહ અલીનેજાદે પોતાના ટ્વિટર પર શેર કર્યો છે. તેણે લખ્યું છે કે, “ઈરાની મહિલાઓ મહસા અમીનીની હત્યા પર તેમના વાળ કાપીને અને તેમના હિજાબને સળગાવીને પોતાનો ગુસ્સો દર્શાવી રહી છે.”
Iranian women show their anger by cutting their hair and burning their hijab to protest against the killing of #Mahsa_Amini by hijab police.
— Masih Alinejad 🏳️ (@AlinejadMasih) September 18, 2022
From the age of 7 if we don’t cover our hair we won’t be able to go to school or get a job. We are fed up with this gender apartheid regime pic.twitter.com/nqNSYL8dUb
એલિનજાદ જણાવે છે કે 7 વર્ષની ઉંમરથી જો ઈરાનમાં છોકરીઓ તેમના વાળ ન ઢાંકે, તો તેમને શાળાએ જવાની મંજૂરી નથી અપાતી અને નોકરી પણ નથી મળતી. ઈરાનમાં મહિલાઓ આ લિંગ ભેદભાવ પ્રણાલીથી કંટાળી ગઈ છે.
વીડિયોમાં જોઈ શકાય છે કે મહિલાઓ પોતાનો આખો ચોટલો કાતરથી કાપી રહી છે. તે જ સમયે, કેટલીક મહિલાઓ ખુલ્લા રસ્તા પર વાળ ખોલીને હિજાબને આગ લગાવી રહી છે. સોશિયલ મીડિયા પર ઘણા લોકો આ મહિલાઓને સમર્થન આપી રહ્યા છે. જોકે, આ બધું જોઈને કટ્ટરવાદી નેતાઓ કહી રહ્યા છે કે આ રીતે ઉઘાડું માથું રાખીને રસ્તા પર આવતી મહિલાઓ મુશ્કેલીમાં મૂકી શકે છે, તેમને જેલમાં ધકેલી શકાય છે.
હિજાબ ઉતારીને પ્રદર્શન
ઉલ્લેખનીય છે કે આ પહેલાં મહસા અમીનીના અંતિમ સંસ્કાર દરમિયાન સેંકડો મહિલાઓએ હિજાબ ઉતારીને રસ્તાઓ પર ‘મોરલ પોલીસ’ સામે વિરોધ પ્રદર્શન કર્યું હતું. જેમાં ઘણા પુરુષો પણ સામેલ હતા. વિરોધ એટલો વધી ગયો હતો કે પોલીસે તેમને રોકવા માટે ગોળીબાર કર્યો અને ટીયર ગેસ પણ છોડવામાં આવ્યો હતો. આ ઘટનામાં ઘણા લોકો ગંભીર રીતે ઘાયલ થયા હતા. તેમ છતાં મહિલાઓએ પ્રદર્શન બંધ કર્યું ન હતું. તે ભીડમાં રસ્તા પર આવી અને વિરોધ નોંધાવવા “ડરશો નહીં, અમે બધા આમાં સાથે છીએ.” કહેતી જોવા મળી હતી.
These brave women stormed into the streets on day 2 after #Mahsa_Amini was murdered by hijab police.
— Masih Alinejad 🏳️ (@AlinejadMasih) September 18, 2022
They chant:
“Don’t be afraid, we are all united.”
Yesterday the security forces opened fire at protesters and injured some of them. People won’t give up. #مهسا_امینی pic.twitter.com/8RtpMlwSN2
મહસા અમીનીની હત્યા
ઉલ્લેખનીય છે કે ઈરાનમાં થોડા દિવસો પહેલા 22 વર્ષની માહસાને નિર્દયતાથી માર મારવામાં આવતા તે કોમમાં જતી રહી હતી. અહેવાલ મુજબ, ઈરાનમાં રહેતી વખતે મહસાએ યોગ્ય રીતે હિજાબ પહેર્યો ન હતો, તેથી પોલીસે તેના પર હુમલો કર્યો અને તેણીને એટલી હદે માર માર્યો કે તે પહેલા બ્રેઈન ડેડ થઈ ગઈ, તે કોમામાં ગઈ અને પછી તેનું મૃત્યુ થયું હતું.
