Wednesday, February 1, 2023
More
    હોમપેજન્યૂઝ રિપોર્ટહિજાબ ઉતારી રસ્તા પર ઉતરી આવી ઈરાની મહિલાઓ, માથું ન ઢાંકવા બદલ...

    હિજાબ ઉતારી રસ્તા પર ઉતરી આવી ઈરાની મહિલાઓ, માથું ન ઢાંકવા બદલ 22 વર્ષીય યુવતીની હત્યાના ઘેરા પ્રત્યાઘાત: પોલીસે પ્રદર્શનકારીઓ પર ગોળીઓ ચલાવી

    ઈરાનમાં સરખી રીતે હિજાબ ન પહેરવાને લીધે અહીંની મોરલ પોલીસે એક યુવતીને એટલો માર માર્યો કે તેનું મૃત્યુ થઇ ગયું. હવે ઈરાની મહિલાઓ તેના વિરોધમાં રસ્તાઓ પર ઉતરી આવી છે.

    - Advertisement -

    ઈરાનમાં યોગ્ય રીતે હિજાબ ન પહેરનાર 22 વર્ષીય યુવતીની હત્યા બાદ સેંકડો મહિલાઓ રસ્તા પર ઉતરી આવી હતી. આ દરમિયાન તેમણે માથા પર હિજાબ બાંધવાને બદલે તેને હાથમાં રાખ્યો અને તેને હવામાં ઉંચો કરીને પ્રશાસનનો વિરોધ કર્યો હતો. આ પ્રદર્શનમાં ઘણા પુરુષો પણ સામેલ થયા હતા.

    ઈરાનની મહિલાઓ માટે સ્પષ્ટવક્તા પત્રકાર મસીહ અલીનેજાદે આ પ્રદર્શનનો વીડિયો શેર કર્યો છે. તેમણે કહ્યું હતું કે ઈરાન અને સક્કેઝની મહિલાઓએ તેમના હિજાબ ઉતાર્યા અને મહસા અમીનીની હત્યા વિરુદ્ધ પ્રદર્શન કર્યું. આ સાથે ‘તાનાશાહ કો મોત’ જેવા નારા પણ લગાવવામાં આવ્યા હતા.

    તેમણે કહ્યું કે, “ઈરાનમાં હિજાબ હટાવવો એ સજાપાત્ર ગુનો છે. અમે વિશ્વભરની મહિલાઓ અને પુરુષોને એકતા દર્શાવવા હાકલ કરીએ છીએ.”

    - Advertisement -

    અગાઉ પણ મસીહે જ માહિતી આપી હતી કે કેવી રીતે ઈરાનની મોરલ પોલીસે મહસાને નિર્દયતાથી મારીને કોમામાં ધકેલી દીધી હતી. અહેવાલ મુજબ, ઈરાનમાં રહેતી મહેસાએ યોગ્ય હિજાબ પહેર્યો ન હતો, તેથી પોલીસે તેના પર હુમલો કર્યો અને તેણીને એટલી હદે માર માર્યો કે તે પહેલા બ્રેઈન ડેડ થઈ ગઈ, તે કોમામાં ગઈ અને પછી તેનું મૃત્યુ થયું.

    તેણે એક વીડિયો પણ શેર કર્યો છે જેમાં બુરખો પહેરેલી મહિલાઓ સૂટ સલવાર પહેરેલી મહિલાને નિર્દયતાથી માર મારી રહી છે. મસીહનો દાવો છે કે આ વીડિયો ઈરાનની મોરલ પોલીસનો છે. લોકો આવીને યુવતીને બચાવવાની કોશિશ રહ્યા છે પરંતુ પોલીસ તેમને મારવામાં વ્યસ્ત છે. વીડિયોમાં યુવતીઓને બળજબરીથી ખેંચીને મારવામાં આવતી હોવાનું જોઈ શકાય છે.

    ટ્વિટરે ઈરાની પત્રકારનું એકાઉન્ટ બ્લોક કરી દીધું હતું

    આશ્ચર્યની વાત એ છે કે ઈરાનમાં મહિલાઓ સાથે આવી ક્રૂરતા શેર કરનાર મસીહે ટ્વિટર દ્વારા દુનિયાને જમીની વાસ્તવિકતાથી વાકેફ કરી રહી હતી. તે જ સમયે, સમગ્ર ઘટનાની વચ્ચે, ટ્વિટરે તેનું એકાઉન્ટ બંધ કરી દીધું અને ઈરાની તોડફોડનો ભોગ બનેલી મહિલાઓની બે તસવીરો પણ હટાવી દીધી હતી.

    બાદમાં એકાઉન્ટ પાછું ચાલુ કરવામાં આવ્યું હતું પરંતુ તે બે તસવીરો મસીહના એકાઉન્ટમાંથી કાઢી નાખવામાં આવી હતી. ટ્વિટરની આવી કાર્યવાહી જાણ્યા બાદ યુઝર્સે ઈરાની કટ્ટરપંથીઓની સાથે ટ્વિટરનો પણ વિરોધ કર્યો હતો. ગુનાહિત માનસિકતા ધરાવનાર વ્યક્તિ ટ્વિટર પર રહી શકે છે પરંતુ ગુનાનો પર્દાફાશ કરનાર વ્યક્તિ અહીં રહી શકે નહીં તેવા પ્રશ્નો ઉઠાવવામાં આવ્યા હતા.

    ઉલ્લેખનીય છે કે જે રીતે 22 વર્ષની છોકરીની હત્યા પર અવાજ ઉઠાવવા માટે ઓનલાઈન કાર્યવાહી કરવામાં આવી રહી છે તે જ રીતે ઈરાનમાં વિરોધ પર ઉતરેલા લોકો પર ગોળી ચલાવવામાં આવી રહી છે. મસીહ દ્વારા શેર કરવામાં આવેલા વીડિયોમાં તમે જોઈ શકો છો કે ઈરાનમાં કેવી રીતે લોકો બંદૂક અને ટીયર શેલથી ઘાયલ થયા છે. લોકોને લોહીથી લથબથ હાલતમાં હોસ્પિટલ લઈ જવામાં આવી રહ્યા છે.

    - Advertisement -

    સંબંધિત લેખો

    - Advertisement -

    તાજા સમાચાર

    ચૂકશો નહીં