મુંબઈ બ્લાસ્ટના ગુનેગાર આતંકવાદી યાકુબ મેમણને 2015માં ફાંસી આપવામાં આવી હતી. જે બાદ તેને મુંબઈમાં ઇસ્લામિક પરંપરા અનુસાર દફનાવવામાં આવ્યો હતો. પરંતુ હવે મેમણની કબર મજારમાં ફેરવી નાંખવામાં આવી હોવાના આરોપ લાગ્યા છે. તેની ઉપર ટાઇલ્સ અમે માર્બલ લગાવીને સજાવવામાં આવી છે. ભારતીય જનતા પાર્ટીએ આ કૃત્યનો આરોપ ઉદ્ધવ ઠાકરે સરકાર પર લગાવ્યો છે.
મહારાષ્ટ્રના ભાજપ નેતા અને ધારાસભ્ય રામ કદમે કહ્યું હતું કે, ઉદ્ધવ ઠાકરે મુખ્યમંત્રી હતા ત્યારે પાકિસ્તાનના ઈશારે 1993ના મુંબઈ બ્લાસ્ટ કરનારા આતંકવાદી યાકુબ મેમણની કબરને મઝારમાં ફેરવી નાંખવામાં આવી હતી. શું આ જ તેમનો મુંબઈ પ્રત્યેનો પ્રેમ છે? દેશભક્તિ છે? તેમણે શરદ પવાર અને રાહુલ ગાંધી તેમજ ઉદ્ધવ ઠાકરેને મુંબઈના લોકોની માફી માંગવા માટે કહ્યું હતું.
उधव ठाकरे मुख्यमंत्री थे .उस क़ाल में मुंबई में पाकिस्तान के इशारे पर 1993 में बंबकांड करने वाला ख़ूँख़ार आतनवादी याकूब मेमन की कबर मझार में तब्दील हो गयी .
— Ram Kadam (@ramkadam) September 7, 2022
यही है इनका मुंबई से प्यार , यही इनकी देश भक्ती ?
उधव ठाकरे समेत शरद पवार तथा राहुल गांधी माफ़ी माँगे मुंबई की जनता की pic.twitter.com/TAQNhBb36G
ભાજપ નેતાએ ટ્વિટ કરીને આ કબરની તસ્વીરો પણ વાયરલ કરી હતી. તસ્વીરોમાં જોવા મળે છે કે, યાકુબ મેમણની કબર પર ફૂલ ચડાવવામાં આવ્યાં છે અને ચારેતરફ બાઉન્ડ્રી બનાવવામાં આવી છે.
તસ્વીરો વાયરલ થયા બાદ અને ફરિયાદ થયા બાદ મુંબઈ પોલીસે કાર્યવાહી કરીને કબર પરથી એલઈડી લાઈટ હટાવી દીધી હતી. પોલીસે જણાવ્યું કે, સોશિયલ મીડિયા પર યાકુબની કબર પર માર્બલ ટાઇલ્સ અને એલઈડી લાઈટ લગાવવામાં આવી હોવાના વિડીયો વાયરલ થયા બાદ આ કાર્યવાહી કરવામાં આવી હતી.
પોલીસ અનુસાર, બાબા કબ્રસ્તાન ખાતે યાકુબ મેમણ અને તેના પરિવારના 14 સભ્યોની કબર આવેલી છે. તેમણે એ પણ જણાવ્યું હતું કે આ એલઈડી લાઇટ ગત માર્ચ મહિનામાં લગાવવામાં આવી હતી.
Maharashtra | Lighting arrangements that were put up at the grave of 1993 Mumbai blasts convict Yakub Memon are now being removed. Latest visuals from Bada Qabrastan in Mumbai. pic.twitter.com/i3rOi2VgVl
— ANI (@ANI) September 8, 2022
પોલીસે જણાવ્યું કે, આ મામલે પ્રશાસનનો સંપર્ક કરવામાં આવતાં જાણવા મળ્યું હતું કે, કબરની ફરતે આવેલ માર્બલ્સ ત્રણ વર્ષ પહેલાં બનાવવામાં આવ્યા હતા અને હેલોજન અને એલઈડી લાઈટ માર્ચ મહિનામાં લગાવવામાં આવી હતી.
મુંબઈમાં 12 માર્ચ, 1993ના દિવસે થયેલા સિરિયલ બૉમ્બ બ્લાસ્ટમાં કુલ 257 લોકો માર્યા ગયા હતા અને 700થી વધુ લોકોને ઇજા પહોંચી હતી. યાકુબ મેમણ આ બ્લાસ્ટના પ્લાનિંગમાં સામેલ હતો. સીબીઆઈએ રજૂ કરેલી ચાર્જશીટ અનુસાર, યાકુબ મેમણ દાઉદ ઇબ્રાહિમ અને ટાઇગર મેમણના આતંકવાદી સંગઠનના નાણાકીય વ્યવહારોનું કામ જોતો હતો.
યાકુબ મેમણની ધરપકડ 1994માં કરી લેવામાં આવી હતી. તેની સામે કેસ ચાલ્યા બાદ 2013માં સુપ્રીમ કોર્ટે તેને ગુનેગાર ઠેરવ્યો હતો અને ફાંસીની સજા સંભળાવવામાં આવી હતી. વર્ષ 2015માં તેને નાગપુર જેલમાં ફાંસીએ લટકાવી દેવામાં આવ્યો હતો.
યાકુબ મેમણની કબર પર લાઇટિંગ અને માર્બલ ટાઇલ્સ લાગતાં હવે ફરી તે ચર્ચામાં આવ્યો છે અને ભાજપે આ માટે ઉદ્ધવ સરકાર પર આરોપ લગાવ્યો છે.
