બુધવાર 14 સપ્ટેમ્બરના રોજ, ગોવાના પૂર્વ મુખ્યમંત્રી દિગંબર કામત અને વિપક્ષના નેતા માઈકલ લોબો સહિત ગોવામાં કોંગ્રેસના અગિયારમાંથી આઠ ધારાસભ્યો ભારતીય જનતા પાર્ટી (BJP)માં જોડાઈ જાય તેવા અહેવાલ છે.
આઠ ધારાસભ્યો ચાલ્યા જતા હવે કોંગ્રેસના ગોવામાં માત્ર 3 ધારાસભ્યો વધ્યા છે. NDA ના 25માંથી 20 ધારાસભ્યો ધરાવતું ભાજપ હવે પોતાના આંકડાઓ સુધારી રહ્યું છે. કોંગ્રેસના ધારાસભ્યોના પક્ષ છોડવાના અહેવાલો એવા સમયે આવ્યા જ્યારે કોંગ્રેસના નેતા રાહુલ ગાંધી તેમની ‘ભારત જોડો યાત્રા’ દ્વારા ભારતને “એક” કરવાના “મિશન” પર છે. આઠ ‘બળવાખોરો’એ ગોવાના સીએમ પ્રમોદ સાવંત સાથે પણ મુલાકાત કરી હતી.
Goa | 8 Congress MLAs incl Digambar Kamat, Michael Lobo, Delilah Lobo, Rajesh Phaldesai, Kedar Naik, Sankalp Amonkar, Aleixo Sequeira & Rudolf Fernandes to join BJP today; also met with CM Pramod Sawant pic.twitter.com/rAffvBqMzB
— ANI (@ANI) September 14, 2022
અહેવાલો મુજબ, લોબોએ કોંગ્રેસ ધારાસભ્ય દળના સભ્યો સાથે મહત્ત્વપૂર્ણ બેઠક કરી હતી અને ભાજપમાં ભળવાનો સંકલ્પ કર્યો હતો. બીજેપીમાં જોડાનારા અન્ય નેતાઓ છે ડેલિલા લોબો, રાજેશ ફાલદેસાઈ, કેદાર નાઈક, સંકલ્પ અમોનકર, એલેક્સો સિક્વેરા અને રુડોલ્ફ ફર્નાન્ડિસ. આ વર્ષે જુલાઈમાં, કોંગ્રેસ પાર્ટીએ માઈકલ લોબોને ગોવા રાજ્યની વિધાનસભામાં વિરોધ પક્ષના નેતાના પદ પરથી હટાવી દીધા હતા જ્યારે તેમના પક્ષ છોડીને ભારતીય જનતા પાર્ટીમાં જોડાવાની અફવા ઉડી હતી.
નોંધનીય છે કે, પક્ષપલટા અંગેના અહેવાલો બહાર આવે તે પહેલાં, કોંગ્રેસના નેતા મનીષ તિવારીએ ગોવામાં ‘કંઈક રંધાઈ રહ્યું છે’ એવો સંકેત આપ્યો હતો. તેણે ટ્વીટમાં કહ્યું, “એક કોયલ પક્ષી ચીમકી રહ્યું છે. અગાઉના પોર્ટુગીઝ પ્રદેશમાં દેખીતી રીતે કંઈક રાંધવામાં આવે છે. સારી ગંધ નથી! આશા છે કે કોયલ પક્ષી ખોટું હોય.”
A cuckoo bird is chiming Something is apparently cooking in an erstwhile Portuguese Territory . Does not smell good…….! Hope the cuckoo bird is wrong…….
— Manish Tewari (@ManishTewari) September 14, 2022
જાન્યુઆરી 2022માં કોંગ્રેસની ટિકિટ પર ચૂંટણી લડનારાઓએ ભગવાનની સામે પક્ષને વફાદાર રહેવાના શપથ લીધા હતા.
રસપ્રદ વાત એ છે કે આ પહેલીવાર નથી જ્યારે ગોવાના કોંગ્રેસના નેતાઓ પાર્ટીથી અલગ થઈને ભાજપમાં જોડાયા હોય. જુલાઈ 2019માં કોંગ્રેસના 10 ધારાસભ્યો ભાજપમાં ભળી ગયા હતા. પરિણામે, બીજેપી સૌથી મોટી પાર્ટી બની અને તેમને ગઠબંધન ભાગીદાર ગોવા ફોરવર્ડ પાર્ટીને દૂર કરવાની તાકાત આપી હતી. હાલમાં ગોવા ફોરવર્ડ પાર્ટી પાસે વિધાનસભામાં માત્ર એક જ ધારાસભ્ય છે જે યુપીએના બેનર હેઠળ વિપક્ષમાં બેસે છે.
