યુગાન્ડાના જાણીતા ગાયક વિક્લીપ તુગુમે ઉર્ફ યકી બેન્ડાએ હાલમાં જ ધર્મ પરિવર્તનને લઈને ચોંકવનારા ખુલાસા કર્યા છે. તેમણે કહ્યું કે, તેઓ ઇસ્લામ ધર્મમાં પરિવર્તિત થવા માંગે છે. આ પાછળ તેમણે જે કારણ જણાવ્યું છે તેણે ખાસ્સો વિવાદ જગાવી મૂક્યો છે. રિપોર્ટ અનુસાર, યુગાન્ડાનો આ ગાયક ઇસ્લામ ધર્મ એટલા માટે અપનાવવા માંગે છે જેથી એકથી વધુ પત્નીઓ રાખી શકે.
સોમવારે (2 મે 2022) ઇદના દિવસે તેમણે મુસ્લિમોને ભોજન આપતી વખતે સ્થાનિક મીડિયા સાથે વાતચીત કરતી વખતે આ ઈચ્છા વ્યક્ત કરી હતી. વાતચીત દરમિયાન ખુલાસો કરતા તેમણે કહ્યું કે તેમને ઇસ્લામ એટલા માટે પસંદ છે કારણ કે તેમાં અનેક સારી બાબતો વિશિષ્ટ છે, જેમ કે તમે ચાર મહિલાઓ સાથે પણ લગ્ન કરી શકો છો.
તેઓ કહે છે, ઇસ્લામિક લગ્નોમાં તમામ પત્નીઓ કોઈ પણ લડાઈ-ઝઘડા વગર એકસાથે મળીસમજીને રહે છે એ જોઇને ઘણું સારું લાગે છે. આવું અન્ય ધર્મોમાં ભાગ્યે જ જોવા મળતું હશે. ઉલ્લેખનીય છે કે યકીને એક સંતાન છે અને મહિલાઓ સાથે તેમના સબંધોમાં ઉતાર-ચડાવ આવતા રહે છે. જણાવવામાં આવી રહ્યું છે કે આ જ કારણ છે કે શા માટે તેઓ ઇસ્લામમાં પરિવર્તિત થવાનો વિચાર કરી રહ્યા છે.
તાજેતરમાં જ યુગાન્ડાના આ ગાયકે કોઈ ખાસ વ્યક્તિ સાથે તેમના સબંધો હોવાની વાત કહી હતી. તેમણે કહ્યું હતું કે છેલ્લા બે વર્ષોમાં એક વ્યક્તિ સાથે તેમના ઘણા સારા સબંધો વિકસ્યા છે. જોકે, તેમણે તેનું નામ કે તસવીર શેર કરવાનો ઇનકાર કરી દીધો હતો.
અનેક વખત પ્રેમમાં નિષ્ફળતા મળ્યા પછી પણ યકીએ મહિલાઓ સાથે સબંધો રાખવાનું ચાલુ રાખ્યું છે. એક મીડિયા સાથે વાત કરતા યુગાન્ડાનો આ ગાયક કહે છે, મારી પાસે કોઈ એવું છે જેના માટે હું ઘરે પરત ફરું છું. તેઓ મારા જીવનના ખાસ વ્યક્તિ છે. અમારી વચ્ચે લગભગ બે વર્ષ સુધી સ્થિર સબંધો રહ્યા છે પરંતુ હું એ જ ઈચ્છું છું કે આ યકી બેંડા યુગાન્ડાના એક પુરુષ કલાકાર છે. તેઓ પોપ, ડાન્સ હોલ સહિતની અનેક શૈલીઓમાં ગીતો ગાય છે. તેઓ તેમના સિંગલ બુંડુબુ અને એન્ડેસહોલ જેવા ગીતો માટે વધુ પ્રખ્યાત છે. તેઓ યુગાન્ડામાં ઘણા લોકપ્રિય છે. અહીં એ નોંધવું જરૂરી છે કે આ પહેલાં જિયોસ્ટેડી અને વિન્સેન્ટ સેગાવા જેવા કલાકારો પોતાનો ધર્મ છોડીને ઇસ્લામ કબૂલ કરી લીધો હતો. નોંધવું જરૂરી છે કે ઇસ્લામિક બાબતોના જાણકાર વિદ્વાનો અનુસાર, ઇસ્લામમાં ચાર પત્નીઓની મંજૂરી આપવામાં આવી છે.
