બોલિવૂડ એક્ટ્રેસ સોનાક્ષી સિન્હા વિશે એવા સમાચાર છે કે તે જલ્દી જ તેના બોયફ્રેન્ડ ઝહીર ઈકબાલ સાથે લગ્ન કરવા જઈ રહી છે. આ સમાચારની ચર્ચા આખા મીડિયામાં થઈ રહી છે, જોકે સોનાક્ષીએ હજુ સુધી આ અંગે કોઈ સત્તાવાર નિવેદન આપ્યું નથી.
અહેવાલો અનુસાર 37 વર્ષની સોનાક્ષી સિંહા ઝહીર સાથે તેના પરિવાર અને નજીકના મિત્રોની હાજરીમાં લગ્ન કરશે. ઈન્ડિયા ટુડેના અહેવાલ મુજબ સોનાક્ષી અને ઝહીર 23 જૂને લગ્ન કરશે.
सोनाक्षी सिन्हा 23 जून को मुंबई में अपने पार्टनर और बॉलीवुड एक्टर जहीर इकबाल से शादी करने जा रही हैं। रिपोर्ट के मुताबिक इस शादी में कपल के फैमिली मेंबर्स और क्लोज फ्रेंड्स ही शामिल होंगे। #SonakshiSinha #Wedding #ZaheerIqbal
— Dainik Bhaskar (@DainikBhaskar) June 10, 2024
पढ़ें पूरी खबर- https://t.co/omhOS7E1RF pic.twitter.com/Gk9g2i9yW4
આ દરમિયાન માત્ર તેમના પરિવારના સભ્યો અને કેટલાક નજીકના મિત્રો જ કાર્યક્રમમાં હાજરી આપશે. લગ્ન માટે આમંત્રણ કાર્ડ પહેલેથી જ મોકલવામાં આવ્યા છે. એવું કહેવામાં આવી રહ્યું છે કે આમંત્રણ કાર્ડ મેગેઝીનના કવર જેવું છે જેના પર લખ્યું છે – અફવાઓ સાચી હતી.
આ સિવાય એવી માહિતી પણ સામે આવી છે કે આ કાર્યક્રમ મુંબઈમાં જ એક રેસ્ટોરન્ટમાં યોજાશે. હીરામંડીની આખી કાસ્ટ પણ કાર્યક્રમમાં હાજરી આપશે. મહેમાનોને ફોર્મલ કપડા પહેરીને આવવા માટે કહેવામાં આવ્યું છે.
ઉલ્લેખનીય છે કે ઝહીર ઈકબાલ અને સોનાક્ષી સિંહા લાંબા સમયથી એકબીજા સાથે રિલેશનશિપમાં હતા, પરંતુ ક્યારેય તેની સત્તાવાર જાહેરાત કરી નથી. તેમના ફોટા જોઈને લોકોને આપોઆપ અંદાજ આવી ગયો હતો કે કદાચ બંને વચ્ચે મિત્રતા સિવાય પણ કંઈક વધારે છે. ઝહીરના એકાઉન્ટ પર પોસ્ટ કરાયેલી તસવીરો જોઈને લોકો વધુ અનુમાન લગાવવા લાગ્યા. સોનાક્ષી તેની ઘણી તસવીરોમાં તેની સાથે જોવા મળે છે.
નોંધનીય છે કે સોનાક્ષી સિન્હાના લગ્નના સમાચાર સામે આવ્યા બાદ સોશિયલ મીડિયા પર અલગ જ ચર્ચા ચાલી રહી છે. લોકો તેને પૂછી રહ્યા છે કે જો સોનાક્ષી પોતાનો ધર્મ છોડીને બીજા ધર્મના વ્યક્તિ સાથે લગ્ન કરવા માંગે છે તો શું તે લગ્ન પછી પોતાનો ધર્મ પણ બદલી દેશે.
