સુપરસ્ટાર રજનીકાંત હમણાં ફરી ચર્ચામાં છે. તાજેતરમાં આવેલી તેમની ફિલ્મ ‘જેલર’ સફળ થઇ છે અને બોક્સઑફિસ પર તગડી કમાણી કરી રહી છે. દરમ્યાન તેઓ ઉત્તર પ્રદેશના મુખ્યમંત્રી યોગી આદિત્યનાથની મુલાકાત કરવા પહોંચ્યા હતા.
શનિવારે (19 ઓગસ્ટ, 2023) રજનીકાંત ઉત્તર પ્રદેશ પહોંચ્યા હતા, અહીં પાટનગર લખનૌમાં તેમણે મુખ્યમંત્રી યોગી આદિત્યનાથ સાથે મુલાકાત કરી. આ દરમિયાન રજનીકાંતે યોગી આદિત્યનાથના ચરણસ્પર્શ કર્યા હતા. જેનો વિડીયો સોશિયલ મીડિયા પર ઝડપથી વાયરલ થઇ રહ્યો છે.
#WATCH | Actor Rajinikanth meets Uttar Pradesh CM Yogi Adityanath at his residence in Lucknow pic.twitter.com/KOWEyBxHVO
— ANI (@ANI) August 19, 2023
વીડિયોમાં જોવા મળે છે કે, રજનીકાંત કારમાંથી ઉતરે છે અને આવાસના દ્વાર પર ઉભેલા સીએમનું હાથ જોડીને અભિવાદન કરે છે. ત્યારબાદ તેઓ આગળ વધીને યોગી CM આદિત્યનાથના ચરણસ્પર્શ કરે છે. સીએમ તેમને બુકે આપીને સ્વાગત કરે છે.
એક તરફ રજનીકાંતનો આ વિડીયો ફરતો થયો ત્યાં બીજી તરફ સોશિયલ મીડિયા પર વામપંથી યુઝરોને માઠું લાગી આવ્યું હતું. તેમણે એક પછી એક ટ્વિટ કરીને નારાજગી દર્શાવવાનું શરૂ કર્યું તો કેટલાકે આમ કરવા બદલ રજનીકાંત વિશે ટિપ્પણીઓ પણ કરી.
એક યુઝરે વિડીયો પોસ્ટ કરીને લખ્યું કે શું ખરેખર રજનીકાંતે સીએમ યોગીના ચરણસ્પર્શ કર્યા? આ સાથે તમિલનાડુના આત્મસન્માનને પણ જોડવામાં આવ્યું.
Did he really touch Yogi Adhiyanat's feet?!!
— Mannu (@mannu_meha) August 19, 2023
Did he leave his self-respect in Tamil Nadu itself?!! pic.twitter.com/NWen9IGN9a
અન્ય એકે આને સૌથી ‘હૃદયદ્રાવક’ ઘટના ગણાવી.
The most heartbreaking thing on the internet today for a #Rajinikanth fan https://t.co/yNFkPeqjB3
— Pooja Prasanna (@PoojaPrasanna4) August 19, 2023
એક વ્યક્તિએ આને ધૃણાસ્પદ ગણાવ્યું અને કહ્યું કે, રજનીકાંતે ફરી વખત આવું ન કરવું જોઈએ.
Disgusting thalaiva plz don't do this type of things again
— 🌞 (@surajviratt) August 19, 2023
રોશન રાઈ નામના યુઝરે લખ્યું કે, રજનીકાંત યોગી કરતાં મોટા છે અને તેમણે તેમના ચરણસ્પર્શ ન કરવા જોઈએ. સાથે એમ પણ કહ્યું કે, સુપરસ્ટાર એક રાજકારણીને પગે કેમ લાગી રહ્યા છે? રજનીકાંતે આજે બધું સન્માન ગુમાવી દીધું.
Rajnikanth who is both bigger in stature and age than Yogi Adityanath is touching his feet.
— Roshan Rai (@RoshanKrRaii) August 19, 2023
Rajnikanth is 72, Yogi is 51.
Why is a superstar touching the feet of a politician? He lost all respect today. pic.twitter.com/edY8rjJ6g9
‘હ્યુમન’ આઈડી ધરાવતા એકે રજનીકાંત વિશે ટિપ્પણી કરી અને કહ્યું કે હવે તેઓ મજાક બનીને રહી ગયા છે, કારણ કે તેમણે એક રાજકારણીના ચરણસ્પર્શ કર્યા.
Touching a politician's feet, how low has this man fallen too. Rajnikanth has become a joke.#Jailer#YogiAdityanath https://t.co/7BPQfuyMOU
— Human (@1amongthehumans) August 19, 2023
જોકે, આ સિવાય ઘણા સામાન્ય યુઝરોએ રજનીકાંતના આ જેસ્ચરને બિરદાવ્યું હતું અને મુખ્યમંત્રી યોગી આદિત્યનાથને સન્માન આપવા બદલ તેમની પ્રશંસા પણ કરી. ઉલ્લેખનીય છે કે સીએમ યોગી ગોરકક્ષનાથ પીઠના પીઠાધીશ્વર પણ છે.
રજનીકાંતની ફિલ્મ જેલરની વાત કરવામાં આવે તો આ ફિલ્મ 10 ઓગસ્ટ, 2023ના રોજ રિલીઝ થઇ હતી અને 10 જ દિવસમાં તેણે 500 કરોડની કમાણી કરી લીધી છે. હજુ ફિલ્મ 200 કરોડનો કારોબાર કરી શકે તેવી શક્યતા છે. ફિલ્મમાં રજનીકાંતે ‘જેલર ટાઇગર’ની ભૂમિકા નિભાવી છે.
