બૉલીવુડ અભિનેતા શાહરૂખ ખાન ફરી ચર્ચામાં છે. આગામી મહિને શાહરૂખની ફિલ્મ ‘પઠાણ’ રિલીઝ થઇ રહી છે ત્યારે હવે તેઓ માતા વૈષ્ણોદેવીના દરબારમાં પહોંચ્યા હતા. આ પહેલાં તેઓ ઉમરાહ માટે મક્કા પણ પહોંચ્યા હતા.
माता वैष्णो देवी के दरबार पहुंचे शाहरुख खान
— News24 (@news24tvchannel) December 12, 2022
◆ शाहरुख खान ने पैदल ही माता वैष्णो देवी के दरबार में जाकर हाजिरी लगाई@iamsrk #ShahRukhKhan𓀠 @PANKAJNEWS241 pic.twitter.com/vXlkQlSPBK
માતા વૈષ્ણોદેવીના મંદિરે પહોંચેલા અભિનેતા શાહરૂખ ખન્ના અનેક તસ્વીરો અને વિડીયો સામે આવ્યાં છે. જેની ઉપર મિશ્ર પ્રતિક્રિયાઓ જોવા મળી રહી છે. કેટલાક લોકો આ બદલ શાહરૂખની પ્રશંસા કરી રહ્યા છે તો અમુક કટ્ટરપંથીઓ ગુસ્સે પણ ભરાયા હતા અને આક્રોશ સોશિયલ મીડિયા પર ઠાલવ્યો હતો. બીજી તરફ, કેટલાક લોકો આને શાહરૂખની આગામી ફિલ્મ સાથે પણ જોડી રહ્યા છે.
અલી બિન મોહમ્મદ નામના યુઝરે ટિપ્પણી કરતાં કહ્યું કે, શાહરૂખ ખાને મજહબને મજાક બનાવીને મૂકી દીધો છે.
Mazak bana ke rakh diye mazhab ko
— Ali Bin mahmood (@alibinmahmood81) December 12, 2022
આફતાબ આલમે લખ્યું કે, કોઈ કંઈ પણ કરે, આ લોકોનું નાટક ચાલતું રહે છે.
कोई कुछ करे, इन की नौटंकी चलती रहती है
— Aftab Alam 2.0 (@AlamJitwarpur) December 12, 2022
એક યુઝરે લખ્યું કે, શાહરૂખ ખાને આમ કરવા બદલ શરમ અનુભવવી જોઈએ.
Sharm kar sharam.
— بل سفین (@ilalsuf) December 12, 2022
મોહમ્મદ નામના એક યુઝરે શાહરૂખના ઉમરાહ અને માતા વૈષ્ણોદેવીના દર્શન કરવા જવાને સ્ટન્ટ ગણાવીને કહ્યું કે, આવા લોકોને કોઈ શ્રદ્ધા હોતી નથી.
Pity for those who fall for him Umrah stunt. His Umrah was for attention as well as this is, such people have no faith. https://t.co/Fx7ZJIHmvc
— Mohammed (@IKON1436) December 12, 2022
સૈફુદ્દીન નામના યુઝરે લખ્યું, ‘મુશરિક.’ જેનો અર્થ થાય છે અલ્લાહ સિવાય પણ અન્ય ઈશ્વરમાં માનનારો વ્યક્તિ.
MUSHREEK.
— Saifuddin Siddiqui (@saifykaifyy) December 12, 2022
જોકે, આ પહેલીવાર નથી જ્યારે શાહરૂખ ખાને કટ્ટરપંથીઓના નિશાને આવ્યો હોય. આ પહેલાં પણ શાહરૂખ ખાન આ મહિનાની શરૂઆતમાં મક્કામાં જોવા મળતાં કટ્ટરપંથીઓએ સવાલ ઉઠાવ્યા હતા અને તેને અડધો હિંદુ અને અડધો મુસ્લિમ ગણાવ્યો હતો. શાહરૂખ ખાન ઘરમાં ભગવાન ગણેશની મૂર્તિઓ રાખે છે તેમજ તેની પૂજા પણ કરે છે, જેને લઈને પણ મુસ્લિમ કટ્ટરપંથીઓએ તેને આડેહાથ લીધો હતો.
નોંધનીય છે કે ઓગસ્ટ 2022માં બોલિવૂડ એક્ટર શાહરૂખ ખાને ગણેશ ચતુર્થીના અવસર પર ભગવાનની મૂર્તિની તસવીર સોશિયલ મીડિયા પર શેર કરી હતી. આ સાથે સૌને ગણેશ ચતુર્થીની શુભકામનાઓ પાઠવી હતી. આ પોસ્ટ પર તેના મજહબને લઈને કેટલાક લોકો ગુસ્સે થઈ ગયા અને તેને મેણા-ટોણા મારવા લાગ્યા હતા. તૈમૂર ઉલ હસન નામના યૂઝરે લખ્યું હતું કે, “મુસ્લિમો માટે કેટલી શરમજનક વાત છે સર. તમારે મુસ્લિમ કે હિંદુમાંથી કોઈ પણ એક ધર્મ પસંદ કરવો જોઈએ. તમને ખબર જ હશે કે મુસ્લિમો માત્ર અલ્લાહની ઈબાદત કરે છે અને પયગંબર મુહમ્મદ માનવતાના જીવનને બદલવા માટે આવ્યા હતા. પયગમ્બરે આપણને સુંદર ધર્મ આપ્યો છે.”
