બિહારમાં નકલી પોલીસ સ્ટેશન ઝડપાયું હોવાનો આશ્ચર્યજનક કિસ્સો સામે આવ્યો છે. બિહારના બાંકા જીલ્લામાં એક ગેસ્ટ હાઉસમાં આ નકલી પોલીસ સ્ટેશન ધમધમી રહ્યું હતું. અહેવાલો અનુસાર આ પોલીસ સ્ટેશનમાં કોન્સ્ટેબલથી માંડીને ડીએસપી સ્તરના અધિકારીઓની નિમણૂંક કરવામાં આવી હતી. પોલીસ સ્ટેશનમાં ઇન્સ્પેકટરના હોદ્દા ઉપર એક યુવતી પણ ફરજ ઉપર હાજર હતી. બિહારના નકલી પોલીસ સ્ટેશનમાં 500 રૂપિયાની હાજરી ઉપર નકલી પોલીસ જવાન પણ ફરજ બજાવતા હતા.
बिहार में पिछले 8 महीने से चल रहा था नक़ली पुलिस थाना, चौकीदार से लेकर दारोग़ा तक सब नक़ली https://t.co/VKEbUe4jcm
— देश दुनिया-Today (@DeshDuniyaToday) August 18, 2022
આ નકલી પોલીસ સ્ટેશનના નકલી પોલીસકર્મીઓ ગામના ભોળા અને ગરીબ લોકો પાસેથી ગેરકાયદેસર રીતે રૂપિયાની ઉચાપત કરતા હતા. આ સાથે પોલીસ વિભાગમાં નોકરી અપાવવાના નામે લોકો પાસેથી પૈસા પડાવવાની વાત પણ સામે આવી છે. દરમિયાન (અસલી) પોલીસે 2 મહિલા સહિત કુલ 4 લોકોની અટકાયત કરી છે. પોલીસે બુધવારે (17 ઓગસ્ટ 2022) આ નકલી પોલીસ સ્ટેશન પર કાર્યવાહી કરી હતી.
बिहार में चल रहा था फर्जी थाना.. नकली पुलिस वाले सॉल्व कर रहे थे केस https://t.co/XXZC7VU9Oy
— ETVBharat Bihar (@ETVBharatBR) August 17, 2022
મીડિયા રિપોર્ટ્સ અનુસાર બાંકાના અનુરાગ ગેસ્ટ હાઉસમાં લગભગ 8 મહિનાથી નકલી પોલીસ સ્ટેશન ચાલી રહ્યું હતું. આ નેટવર્કનો મુખ્ય સુત્રધાર ભોલા યાદવ નામનો ઈસમ જણાવવામાં આવી રહ્યો છે. પોલીસ પૂછપરછમાં આરોપીઓ શરૂઆતમાં દાવો કરી રહ્યા હતા કે તેમને ઝારખંડના મુખ્યમંત્રી હેમંત સોરેન દ્વારા પુનઃસ્થાપિત કરવામાં આવ્યા હતા.
આ ઘટના બાબતે બાંકા એસપી ડૉ. સત્યપ્રકાશે જણાવ્યું હતું કે પેટ્રોલિંગ દરમિયાન પોલીસને એક શંકાસ્પદ મહિલા પોલીસ યુનિફોર્મમાં જોવા મળી હતી. જ્યારે તેને પૂછપરછ માટે રોકવામાં આવી ત્યારે તેણે ભાગવાનો પ્રયાસ કર્યો હતો. મહિલાની ધરપકડ બાદ સમગ્ર મામલો સામે આવ્યો હતો. વધુમાં તેમણે જણાવ્યું કે આરોપીઓએ ‘સ્કોટ પોલીસ ટીમ પટના’ નામનું ટ્રસ્ટ બનાવ્યું હતું. તેના દ્વારા પોલીસમાં ભરતી કરાવવાનું કામ ચાલતું હતું.
#BREAKING: बिहार के बांका में फर्जी थाने का हुआ खुलासा; थाने में DSP से लेकर कॉन्स्टेबल तक थे तैनात, रिवॉल्वर की जगह रखते थे देसी कट्टा, 8 महीनों से चल रहे फर्जी थाने का भंडाफोड़ कर पुलिस ने 2 महिलाओ समेत 5 नकली पुलिस वालों को पकड़ा।@bihar_police @yadavtejashwi#BiharNews #Bihar pic.twitter.com/w9cauRpoGU
— Newslive 24×7 (@kanpurtak) August 18, 2022
પોલીસના જણાવ્યા અનુસાર, આરોપી પાસેથી બિહાર પોલીસના બેજવાળા બે યુનિફોર્મ, ચોકીદારના બેજ સાથેનો એક યુનિફોર્મ અને એક પિસ્તોલ મળી આવી છે. ધરપકડ કરાયેલ મહિલા આરોપીઓના નામ અનિતા કુમારી અને જુલી કુમારી છે. અનિતા કુમારી પાસેથી કટ્ટા (દેશી બંદુક) મળી આવ્યા હતા. જુલી કુમારીની નકલી પોલીસ સ્ટેશનમાં ક્લાર્ક તરીકે નિમણૂક કરવામાં આવી હતી. ધરપકડ કરાયેલા અન્ય 2 આરોપીઓના નામ રમેશ કુમાર અને આકાશ કુમાર છે. જ્યારે મુખ્ય આરોપી ભોલા યાદવ ફરાર છે.
જ્યાં નકલી પોલીસ સ્ટેશન ચાલતું હતું તે અનુરાગ ગેસ્ટ હાઉસના સંચાલક રોહિત કુમાર મંડલે જણાવ્યું હતું કે અહીં લગભગ અઢી વર્ષથી 5 લોકો રહે છે. તેઓ અઢીથી ત્રણ હજારની વચ્ચે ભાડાની ચૂકવણી કરતા હતા. અનુરાગના કહેવા પ્રમાણે તે તમામે પોતાનું ઓળખપત્ર પણ જમા કરાવ્યું હતું. તેઓએ પોતાને કોન્ટ્રાક્ટર ગણાવી ઓફિસનું કામ કરાવવાના નામે ગેસ્ટ હાઉસમાં રૂમ ભાડે લીધો હતો.
