ગુજરાત રમખાણોને લઈને BBCએ બનાવેલી વિવાદિત ડોક્યુમેન્ટ્રી હાલ ચર્ચામાં છે ત્યારે જાણીતા અભિનેતા કબીર બેદી અને ફિલ્મ ડાયરેક્ટર શેખર કપૂરે પણ આ અંગે પોતાનો મત વ્યક્ત કર્યો છે. તેમણે BBC ડોક્યુમેન્ટ્રીને પક્ષપાતી ગણાવી હતી અને કહ્યું કે આ ભારતને અસ્થિર કરવાના પ્રયાસો કરવામાં આવી રહ્યા છે.
શુક્રવારે (20 જાન્યુઆરી 2023) અભિનેતા કબીર બેદીએ બ્રિટિશ સાંસદ લૉર્ડ રામી રેન્જરે BBCના ડાયરેક્ટરને લખેલો પત્ર શૅર કરીને BBC ડોક્યુમેન્ટ્રીને પક્ષપાતી ગણાવી હતી અને ઉમેર્યું કે, મોદીનું ભારત અસ્થિર છે તેવા દાવા કરવા માટે વર્ષો જૂના આરોપો લગાવવામાં આવી રહ્યા છે, જે કોર્ટમાં પણ અમાન્ય ઠર્યા છે. તેમણે આને ‘ગટર જર્નલિઝમ’ ગણાવીને કહ્યું કે આવું સનસનાટી ફેલાવવા માટે થઇ રહ્યું છે. ત્યારબાદ શેખર કપૂરે પણ ટ્વિટ કર્યું હતું.
“The Modi Question“ is an utterly biased documentary by @BBCNews, claiming Modi’s India is in “religious turmoil”, harping on decades old allegations, long settled by the courts. It’s gutter journalism, scavenging for sensationalism, blind to the bigger picture.
— KABIR BEDI (@iKabirBedi) January 20, 2023
#BBCDocumentary pic.twitter.com/tPwlRs7oXn
તેમણે વધુ એક ટ્વિટમાં એમ પણ કહ્યું હતું કે, કોંગ્રેસના શાસન દરમિયાન જ સુપ્રીમ કોર્ટ દ્વારા નિયુક્ત કરવામાં આવેલી એક તપાસ સમિતિએ પીએમ મોદીને નિર્દોષ ઠેરવ્યા હતા. તેમણે રમખાણો અંગેની બ્રિટિશ તપાસ ઉપર પણ સવાલો ઉઠાવ્યા હતા.
The #BBCDocumentary glosses over a fundamental fact:
— KABIR BEDI (@iKabirBedi) January 22, 2023
A Special Investigation Team appointed by the Supreme Court, during Congress rule, exonerated PM Modi.
The British Inquiry of 2002 has as much credibility as their reports of weapons of mass destruction in Iraq. @BBCWorld https://t.co/y7x8ui8KjI
તેમના આ ટ્વિટને ક્વોટ કરીને શેખર કપૂરે પણ સહમતિ દર્શાવી હતી અને કહ્યું કે, ભારતને અસ્થિર કરવા માટે સતત પ્રયાસો ચાલી રહ્યા છે. તેમણે કબીર બેદીને ક્વોટ કરીને લખ્યું કે, ભારત સુપરપાવર બનવા તરફ આગળ વધી રહ્યું છે તે બાબત અમુક લોકોને પચી રહી નથી.
You’re right Kabir @iKabirBedi .. I’m constantly seeing attempts to destabilise India .. it’s like some cannot handle India on its way to become a super power.. https://t.co/YWZktU0rG6
— Shekhar Kapur (@shekharkapur) January 23, 2023
અહીં ઉલ્લેખનીય છે કે થોડા દિવસો પહેલાં બ્રિટિશ બ્રોડકાસ્ટ કોર્પોરેશન (BBC)એ એક ડોક્યુમેન્ટ્રી રિલીઝ કરી હતી, જે બે ભાગોની સિરીઝ છે. જેનો પહેલો ભાગ રિલીઝ થયા બાદ એટલો વિવાદ થયો કે તેને યુ-ટ્યુબ પરથી હટાવવામાં આવ્યો હતો. બીજી તરફ, ભારત જ નહીં પરંતુ વિશ્વભરમાંથી તેની ખૂબ ટીકા થઇ હતી.
ભારત સરકારે આ ડોક્યુમેન્ટ્રીને ‘પ્રોપેગેન્ડા પીસ’ ગણાવી હતી તો બ્રિટનના વડાપ્રધાન ઋષિ સુનક પણ પોતે વડાપ્રધાન નરેન્દ્ર મોદીના સમર્થનમાં આવ્યા હતા અને પાકિસ્તાની મૂળના સાંસદને ચૂપ કરી દઈને કહ્યું હતું કે, તેઓ નરેન્દ્ર મોદીના આવા પાત્રાલેખન સાથે બિલકુલ સહમત નથી.
BBCની આ ડોક્યુમેન્ટ્રી રિલીઝ થતાંની સાથે જ સવાલોમાં ઘેરાઈ ગઈ હતી કારણ કે ડોક્યુમેન્ટ્રીમાં ક્યાંક ગોધરાની ટ્રેન સળગાવનારા ઇસ્લામીઓને છાવરવામાં આવ્યા હતા તો ક્યાંક એવાં સ્ટિંગનો આધાર લેવામાં આવ્યો હતો જેને ભારતની સુપ્રીમ કોર્ટ જ અમાન્ય ઠેરવી ચૂકી છે. ઉપરાંત, કુખ્યાત અધિકારીઓ અને મોદી વિરોધી ગણાતા એક્ટિવિસ્ટોના પાયાવિહોણા આરોપોનો પણ આધાર લેવામાં આવ્યો હતો.
