મંગળવારે (26 સપ્ટેમ્બર) ઇસ્કોને સાંસદ મેનકા ગાંધી દ્વારા તેમની સંસ્થા પર લગાવવામાં આવેલા આરોપોને પાયાવિહોણા અને ખોટા ગણાવીને ફગાવી દીધા હતા. ઇન્ટરનેશનલ સોસાયટી ફોર ક્રિષ્ના કોન્શિયસનેસ (ISKCON) એ એક સત્તાવાર નિવેદન બહાર પાડીને ભારપૂર્વક જણાવ્યું હતું કે તે ગાયની સુરક્ષા અને સંભાળ માટે ઉચ્ચ ધોરણો ધરાવે છે.
તેમણે દાવો કર્યો કે તેઓ ગાયો અને બળદોની તેમના અંતિમ શ્વાસ સુધી સેવા કરે છે અને તેમને કસાઈઓને વેચતા નથી.
ISKCON તરફથી સત્તાવાર પત્ર
ઇસ્કોનના રાષ્ટ્રીય પ્રવક્તા યુધિષ્ઠિર ગોવિંદા દાસે જણાવ્યું હતું કે, “શ્રીમતી મેનકા ગાંધીના અપ્રમાણિત અને ખોટા નિવેદનો પર પ્રતિક્રિયા. ઇસ્કોન માત્ર ભારતમાં જ નહીં પરંતુ વૈશ્વિક સ્તરે ગાય અને બળદના રક્ષણ અને સંભાળમાં મોખરે છે. ગાયો અને બળદોની જીવનભર સેવા કરવામાં આવે છે અને આરોપ મુજબ કસાઈઓને વેચવામાં આવતા નથી.”
Response to the unsubstantiated and false statements of Smt Maneka Gandhi.
— Yudhistir Govinda Das (@yudhistirGD) September 26, 2023
ISKCON has been at the forefront of cow and bull protection and care not just in India but globally.
The cows and bulls are served for their life not sold to butchers as alleged. pic.twitter.com/GRLAe5B2n6
સત્તાવાર નિવેદનમાં કહેવામાં આવ્યું છે કે મેનકા ગાંધીનો એક વીડિયો જેમાં તે ઈસ્કોન અને તેના ગાયની સંભાળના ધોરણો પર આરોપો લગાવી રહી છે તે તેમના ધ્યાન પર આવ્યો છે અને કહ્યું છે કે આરોપો ખોટા છે.
તેના અધિકૃત નિવેદનમાં, ઇસ્કોને સમજાવ્યું કે તે અનેક ગૌશાળાઓ ચલાવે છે અને ઘણી ગાયોની સંભાળ રાખે છે, જેમાંથી ઘણી ગાયોને કતલ થવાથી બચાવી લેવામાં આવી હોય છે. તેમણે કહ્યું કે તેઓએ એવા દેશોમાં ગાય સંરક્ષણ તરફ કામ કર્યું છે જ્યાં ગૌમાંસનો મુખ્ય આહાર તરીકે ઉપયોગ થાય છે.
“ઇસ્કોને વિશ્વના ઘણા ભાગોમાં ગાય સંરક્ષણની પહેલ કરી છે જ્યાં ગૌમાંસ મુખ્ય આહાર છે,” પત્રમાં જણાવાયું છે. “ભારતમાં, ઇસ્કોન 60 થી વધુ ગૌશાળાઓ ચલાવે છે જે સેંકડો પવિત્ર ગાયો અને બળદોનું રક્ષણ કરે છે અને તેમના સમગ્ર જીવનકાળ માટે વ્યક્તિગત સંભાળ પૂરી પાડે છે. હાલમાં ઇસ્કોનની ગૌશાળાઓમાં સેવા અપાતી ઘણી ગાયોને ત્યજી દેવાયેલી, ઇજાગ્રસ્ત અથવા કતલમાંથી બચાવવામાં આવ્યા બાદ અમારી પાસે લાવવામાં આવે છે.”
તેની પાસે ગાયની સંભાળ/સંરક્ષણના ઉચ્ચ ધોરણો હોવાનું જણાવતા, સંસ્થાએ કહ્યું કે તે ગાય પૂજાની સંસ્કૃતિને પુનર્જીવિત કરવાનો પ્રયાસ કરી રહી છે અને ખેડૂતોને ગાયની સંભાળની તકનીકો પર તાલીમ આપી રહી છે.
તે કહે છે, “તાજેતરના સમયમાં, ISKCON એ અગાઉની પેઢીઓની જેમ ગાય પૂજા અને સંભાળની સંસ્કૃતિને પુનર્જીવિત કરવામાં મદદ કરવા માટે ખેડૂતો અને ગ્રામીણ પરિવારો માટે ગાયની સંભાળની તકનીકો પર તાલીમ કાર્યક્રમો શરૂ કર્યા છે. ઘણા ઇસ્કોન ગાય આશ્રયસ્થાનોને તેમના ઉચ્ચ ગાય-સંભાળ ધોરણો માટે સરકાર અથવા ગાય આશ્રય સંગઠન દ્વારા માન્યતા અને પ્રશંસા પ્રાપ્ત છે.”
ઇસ્કોને ઉમેર્યું હતું કે તેઓ મેનકા ગાંધીના તેમની વિરુદ્ધના નિવેદનોથી આશ્ચર્યચકિત છે.
પશુચિકિત્સકના સર્ટિફિકેટ કર્યા રજૂ
અન્ય એક ટ્વીટમાં, ઇસ્કોનના રાષ્ટ્રીય પ્રવક્તા દાસે એક પશુચિકિત્સકના પત્રનો સમાવેશ કર્યો છે કે જે દર્શાવે છે કે મેનકા ગાંધીઈ જે ગૌશાળાનું નામ લઈને આરોપ મુક્યા હતા તે અનંતપુર ગૌશાળામાં પણ, તેઓ ગયો અને બળદોની સેવા કરે છે અને કોઈ ગૌધનને વેચવામાં આવતું નથી.
Letter from the Veterinary doctor regarding the Anantapur Govt Goshala that is maintained by ISKCON about which Smt Gandhi made the remarks.
— Yudhistir Govinda Das (@yudhistirGD) September 26, 2023
The Goshalas serves 76 bulls and 246 non-milking cows along side milking cows with love and devotion. pic.twitter.com/ThAbglRcpp
શેર કરેલા દસ્તાવેજમાં કહેવામાં આવ્યું છે કે, “ગૌશાળાઓ દૂધ આપતી ગાયો તેમજ 76 બળદ અને 246 બિન-દૂધતી ગાયોની પ્રેમ અને ભક્તિ સાથે સેવા કરે છે.”
મેનકા ગાંધી માફી નહીં માંગે તો કોર્ટમાં ઢસડી જઈશું- રાધારમણ દાસ, પ્રવક્તા ઇસ્કોન કોલકાતા
આ સિવાય કથિત ફેક્ટચેકટ મોહમ્મદ ઝુબૈરની પ્રોફાઇલમાંથી મેનકા ગાંધીના નિવેદનને ટાંકીને ઇસ્કોન કોલકાતાના પ્રવક્તા રાધારમણ દાસે કહ્યું, “તે એક ચિડાયેલી સ્ત્રી છે જે દરેક સાથે જૂઠું બોલે છે. જો તે પોતાના ખોટા નિવેદનો માટે માફી નહીં માંગે, તો અમે તેના પર કેસ કરીશું.”
She is a cranky lady speaking all lies. We will sue her if she does not apologizes for her wrong statements. Her son has been already kicked out from the BJP & looks like she is also on her way out. It has become a fashion to target Sanatani organization to get quick entry in… https://t.co/4It3FqaxgO
— Radharamn Das राधारमण दास (@RadharamnDas) September 27, 2023
મેનકા ગાંધીએ લગાવેલ આરોપ
સોશિયલ મીડિયા પર અગાઉના વીડિયો સામે આવ્યા બાદ ઇસ્કોને એક નિવેદન બહાર પાડ્યું હતું જેમાં સુલતાનપુરના સાંસદ મેનકા ગાંધીએ આરોપ લગાવ્યો હતો કે ઇસ્કોન સંસ્થા દેશની સૌથી મોટી છેતરપિંડી કરનારાઓમાંની એક છે.
વીડિયોમાં ગાંધીએ કહ્યું કે તેને (ISKCON) ગૌશાળા ચલાવવા માટે સરકારો તરફથી અનેક લાભો મળે છે, પરંતુ જ્યારે તેણે ઈસ્કોનની અનંતપુર ગૌશાળાની મુલાકાત લીધી ત્યારે આખી ડેરીમાં એક પણ બિન-દૂધાળુ ગાય, કોઈ વાછરડું નહોતું.
આ પછી તેમણે આરોપ લગાવ્યો કે ઈસ્કોને આ દૂધ ન આપતી ગાયોને કસાઈઓને વેચી દીધી હતી. તેમણે કહ્યું, “કદાચ કોઈએ તેમના જેટલા ઢોર કસાઈઓને વેચ્યા નહીં હોય.”
