મનીષ સીસોદીયાના ઘરે CBI દ્વારા દરોડા પાડવામાં આવ્યા છે, સીબીઆઈની આ કાર્યવાહી દિલ્હી સરકારની એક્સાઈઝ નીતિ સાથે સંબંધિત છે. દિલ્હીનું એક્સાઈઝ ડિપાર્ટમેન્ટ મનીષ સિસોદિયા હેઠળ છે. સીબીઆઈના એક અધિકારીએ જણાવ્યું કે, “સીબીઆઈએ દિલ્હીના ડેપ્યુટી સીએમ મનીષ સિસોદિયાના નિવાસસ્થાન સહિત એક્સાઈઝ પોલિસી કેસમાં દિલ્હી-એનસીઆરમાં 21 સ્થળોએ દરોડા પાડ્યા છે.” મનીષ સીસોદીયાના ઘરે CBI ત્રાટકતા સીએમ કેજરીવાલ અસહજ થયા છે.
CBI raids 21 locations in Delhi-NCR in connection with excise policy case, including Delhi’s deputy CM Manish Sisodia’s residence: CBI official https://t.co/6e87WE3mkt pic.twitter.com/iHYL8qgSgT
— ANI (@ANI) August 19, 2022
#WATCH | A CBI team reaches the residence of Deputy CM Manish Sisodia in Delhi. The agency is raiding 21 locations in Delhi-NCR in connection with the excise policy case, including Sisodia’s residence. pic.twitter.com/3txFCtiope
— ANI (@ANI) August 19, 2022
આ દરોડા અંગે મનીષ સિસોદિયાએ ટ્વીટ કરીને કહ્યું છે કે, “ઘરે CBI આવી છે. તેમનું સ્વાગત છે. અમે કટ્ટર પ્રમાણિક છીએ. લાખો બાળકોનું ભવિષ્ય બનાવીએ છીએ. આપણા દેશમાં સારું કામ કરનારાઓને આ રીતે હેરાન કરવામાં આવે છે તે ખૂબ જ દુર્ભાગ્યપૂર્ણ છે. તેથી જ આપણો દેશ હજુ નંબર-1 બન્યો નથી.”
“CBI has arrived. We are honest, building a future for lakhs of children. Unfortunate that in this country, whoever does good work is hassled just like this, that is why our country is still not number-1,” tweets Delhi Dy CM Manish Sisodia as a CBI team reaches his residence. pic.twitter.com/q0WTNaWoyV
— ANI (@ANI) August 19, 2022
સિસોદિયાએ અન્ય એક ટ્વિટમાં લખ્યું, “અમે સીબીઆઈનું સ્વાગત કરીએ છીએ. તપાસમાં સંપૂર્ણ સહકાર આપીશું જેથી સત્ય જલ્દી બહાર આવી શકે. અત્યાર સુધી મારા પર ઘણા કેસ દાખલ થયા છે, પરંતુ કંઈ બહાર આવ્યું નથી. આમાંથી પણ કશું નીકળશે નહીં. દેશમાં સારા શિક્ષણ માટે મારું કામ રોકી શકાય નહીં.”
ટ્વીટમાં તેમણે કહ્યું છે કે, “આ લોકો દિલ્હીના શિક્ષણ અને સ્વાસ્થ્યના અદ્ભુત કામથી હેરાન છે. તેથી જ દિલ્હીના આરોગ્ય મંત્રી અને શિક્ષણ મંત્રીની ધરપકડ કરવામાં આવી છે, જેથી શિક્ષણ આરોગ્યના સારા કામને અટકાવી શકાય. અમારા બંને પર ખોટા આરોપો છે. કોર્ટમાં સત્ય બહાર આવશે.”
દરોડાથી અરવિંદ કેજરીવાલ નારાજ
દિલ્હીના મુખ્યમંત્રી અરવિંદ કેજરીવાલે મનીષ સિસોદિયા પર સીબીઆઈના દરોડાને લઈને કેન્દ્ર સરકાર પર નિશાન સાધ્યું છે. કેજરીવાલે ટ્વીટ કર્યું હતું કે, “જે દિવસે દિલ્હીના શિક્ષણ મોડલના વખાણ થયા અને મનીષ સિસોદિયાની તસવીર અમેરિકાના સૌથી મોટા અખબાર NYTના પહેલા પાના પર છપાઈ, એ જ દિવસે કેન્દ્રએ CBIને મનીષના ઘરે મોકલી. સીબીઆઈ આપનું સ્વાગત છે. સંપૂર્ણ સહકાર આપીશું. ભૂતકાળમાં પણ ઘણા તપાસ/દરોડાઓ થયા છે, પરંતુ કંઈ બહાર આવ્યું નથી. હજુ પણ કંઈ બહાર આવશે નહીં.”
जिस दिन अमेरिका के सबसे बड़े अख़बार NYT के फ़्रंट पेज पर दिल्ली शिक्षा मॉडल की तारीफ़ और मनीष सिसोदिया की तस्वीर छपी, उसी दिन मनीष के घर केंद्र ने CBI भेजी
— Arvind Kejriwal (@ArvindKejriwal) August 19, 2022
CBI का स्वागत है। पूरा cooperate करेंगे। पहले भी कई जाँच/रेड हुईं। कुछ नहीं निकला। अब भी कुछ नहीं निकलेगा https://t.co/oQXitimbYZ
તેમણે આગળ લખ્યું, “આખી દુનિયા દિલ્હીના શિક્ષણ અને સ્વાસ્થ્ય મોડલની ચર્ચા કરી રહી છે. તેઓ આને રોકવા માંગે છે, તેથી દિલ્હીના આરોગ્ય અને શિક્ષણ મંત્રીઓ પર દરોડા અને ધરપકડની કાર્યવાહી ચાલી રહી છે. 75 વર્ષમાં જેણે પણ સારું કામ કરવાનો પ્રયાસ કર્યો તેને રોકી દેવામાં આવ્યા છે. જેથી ભારત પાછળ રહી ગયું. પરંતુ અમે દિલ્હીના સારા કાર્યોને રોકાવા નહીં દઈએ.”
શું છે સમગ્ર મામલો?
આ બાબત દિલ્હીની એક્સાઈસ નીતિ એટલે કે આબકારી નીતિ 2021-22 સાથે સંબંધિત છે. ઉપ રાજ્યપાલ વીકે સક્સેનાએ તાજેતરમાં જ નીતિવિષયક ક્ષતિઓના આરોપો બાદ સીબીઆઈ તપાસની ભલામણ કરી હતી. મુખ્ય સચિવના રિપોર્ટ બાદ LGએ આ પગલું ભર્યું હતું. આ રિપોર્ટમાં મનીષ સિસોદિયાની ભૂમિકા ઉપર પણ પ્રશ્નો ઉઠાવવામાં આવ્યાં છે.
રિપોર્ટ શું કહે છે?
રિપોર્ટમાં દાવો કરવામાં આવ્યો છે કે GNCTD એક્ટ 1991, ટ્રાન્ઝેક્શન્સ ઑફ બિઝનેસ રૂલ્સ (TOBR)-1993, દિલ્હી એક્સાઈઝ એક્ટ-2009 અને દિલ્હી એક્સાઈઝ રૂલ્સ-2010નું પ્રથમ દૃષ્ટિએ ઉલ્લંઘન થયું છે. આ ઉપરાંત આબકારી નીતિમાં નિયમોને ધ્યાનમાં રાખીને દારૂના વેચાણકર્તાઓને ટેન્ડરોની વહેંચણી કરવામાં આવી હતી. આ રિપોર્ટના આધારે એલજીએ સીબીઆઈ તપાસની ભલામણ કરી હતી. જે બાદ આમ આદમી પાર્ટીની સરકારે તેને પરત ખેંચવાનો નિર્ણય લીધો હતો .
નોંધનીય છે કે નવી આબકારી નીતિ 2021-22 ગયા વર્ષે 17 નવેમ્બરથી લાગુ કરવામાં આવી હતી, જે અંતર્ગત દિલ્હીને 32 ઝોનમાં વહેંચવામાં આવ્યું હતું. આ અંતર્ગત આખા શહેરની 849 દુકાનો માટે ખાનગી બિડરોને છૂટક લાયસન્સ આપવામાં આવ્યા હતા. આરોપ છે કે દિલ્હી સરકારે ટેન્ડર પ્રક્રિયા દ્વારા દારૂના વેપારીઓને 144.36 કરોડ રૂપિયાનો ફાયદો કરાવ્યો હતો.
