વિડીયોમાં ખુલી પ્રદર્શનની પોલ અગ્નિપથ શું છે તે ખબર નથી, જાણો કોણ છે મનીષ ભૈયા જેના કહેવાપર યુવક પ્રદર્શનનો ઝંડો લઈને રોડ પર બેઠો હતો.દેશના યુવાનોને સેના તરફ આકર્ષવા અને તેમને શિસ્તબદ્ધ બનાવવા કેન્દ્ર સરકારની અગ્નિપથ યોજનાનો સૌથી વધુ વિરોધ બિહારમાં થયો હતો. બક્સર જિલ્લામાં રમખાણો અટકાવતી વખતે ઘાયલ થયેલા એક સબ-ઇન્સ્પેક્ટરે તેમના નિવેદનમાં આ ઘટનાને ભાડાના ટોળા દ્વારા કરવામાં આવેલ હુમલો ગણાવ્યો હતો. આ દરમિયાન સોશિયલ મીડિયા પર એક વીડિયો ઝડપથી વાયરલ થયો હતો. આમાં ધરણા કરી રહેલો એક યુવક અગ્નિપથ યોજના વિશે કોઈ માહિતીથી અજાણ દેખાયો અને સવાલ પૂછવા પર તેણે કહ્યું કે તેને મનીષ ભૈયાએ બોલાવ્યો છે.
ये लो इनको ये नही पता कि ये यहाँ क्यों आये है.
— Sarika A Jain 🇮🇳 (@SarikaJainBJP) June 18, 2022
अग्निपथ योजना क्या है ?
बस इनको तो मनीष भैया ने बोला है।
पुलिस ऐसे लोगो पर भी कड़ी से कड़ी कार्यवाही करें । pic.twitter.com/2LYEQLILNg
આ વીડિયો સોશિયલ મીડિયા પર ધડાધડ વાયરલ થઇ રહ્યો છે. આ વિડીયો પર પણ કેટલાંક લોકો પ્રશ્નો પૂછી રહ્યા છે કે આખરે ‘મની ભૈયા’ છે કોણ ?
ई मनीष भैया कौन है भाई 🤔🤔 ?
— Ritesh Kashyap (@meriteshkashyap) June 18, 2022
પટના યુનિવર્સિટીના વિદ્યાર્થી સંઘના પ્રમુખ છે મનીષ ભૈયા ઉર્ફે મનીષ યાદવ
સોશિયલ મીડિયા પર લગાવવામાં આવી રહેલી તમામ અટકળો વચ્ચે અમે મનીષ ભૈયાને શોધવાનું શરૂ કર્યું. આ સર્ચ દરમિયાન અમે વાયરલ થયેલા વીડિયોમાં વિરોધીઓના હાથમાં જન અધિકાર પાર્ટીનો ઝંડો જોયો. બાદમાં, માહિતી એકઠી કરતા ખબર પડી કે પટનામાં પ્રદર્શનમાં થયું હતું. જ્યારે અમે આખો વિડિયો સર્ચ કર્યો ત્યારે વિરોધીએ મનીષ ભૈયાને દૂર બેઠેલા દેખાડ્યા અને જન અધિકાર પાર્ટી સાથે જોડાયેલા હોવાનું કહ્યું. આ વીડિયો IVTV નામની સ્થાનિક ન્યૂઝ એજન્સીએ બનાવ્યો છે.
જ્યારે અમે વધુ માહિતી એકઠી કરી તો ખબર પડી કે આ વીડિયો 17મી જૂન 2022 (શુક્રવાર)નો છે. આ દિવસે, પટનામાં જન અધિકાર પાર્ટીના પ્રદર્શનનું નેતૃત્વ પટના યુનિવર્સિટી વિદ્યાર્થી સંઘના પ્રમુખ અને જન અધિકાર પાર્ટીના યુવા મોરચાના હોદ્દેદાર મનીષ યાદવે કર્યું હતું. OpIndiaએ વિરોધનું નેતૃત્વ કરનાર મનીષ યાદવ સાથે વાત કરી હતી. મનીષે કહ્યું હતું કે, “હું વાયરલ વીડિયોમાં દેખાતા યુવકને ઓળખતો નથી, પરંતુ તે દિવસે મેં પટનામાં ડાક બંગલા ચૌરાહા પ્રદર્શન કર્યું હતું. એ યુવક કદાચ મારા કોઈ પરિચિત સાથે આવ્યો હશે.” મનીષ યાદવે કબૂલ્યું હતું કે વીડિયો ફૂટેજ તેના પોતાના પ્રદર્શનનો છે. તે જ દિવસે પટનામાં પ્રદર્શન દરમિયાન મનીષ યાદવે કેન્દ્ર સરકારને અગ્નિપથ યોજના પાછી ખેંચવા માટે 72 કલાકનું અલ્ટીમેટમ પણ આપ્યું હતું.
બિહારમાં જ સહરસા જિલ્લાની જન અધિકાર પાર્ટીના મનીષ યાદવ નામના અન્ય એક નેતાએ પણ કબૂલ્યું છે કે વાયરલ વીડિયોમાં જે છોકરો મનીષ ભૈયા વિશે વાત કરી રહ્યો છે તે પટના યુનિવર્સિટીનો વિદ્યાર્થી સંઘ પ્રમુખ અને તેની જ પાર્ટીનો નેતા મનીષ યાદવ છે.
