આજે લોકસભા ચૂંટણી અંતર્ગત પ્રચારનો છેલ્લો દિવસ હતો. દરેક પાર્ટીએ પૂરા દમખમથી પ્રચાર કર્યો હતો. વડા પ્રધાન નરેન્દ્ર મોદીએ પશ્ચિમ બંગાળના મથુરાપુરમાં દાવો કર્યો હતો કે 4 જૂન પછીના છ મહિનામાં દેશ વિકાસની નવી ગતિ પ્રાપ્ત કરશે. આ સિવાય આવતા 6 મહિના દેશમાં મોટો રાજનૈતિક ભૂકંપ આવશે અને પરિવારવાદી પાર્ટીઓ તેમાં ડૂબી જશે.
પોતાના આ સંબોધનમાં PM મોદીએ કહ્યું કે પરિવાર આધારિત તમામ પાર્ટીઓના કાર્યકરોમાં નિરાશા ચરમસીમા પર છે. વારંવાર નિષ્ફળ ગયેલા પરિવારના નેતાઓને તેમના જ લોકો દ્વારા પ્રશ્નો પૂછવામાં આવી રહ્યા છે. તેથી, આગામી 6 મહિનામાં આપણે વંશવાદી પક્ષોમાં એક નવું વિભાજન જોવા મળશે.
आखिरी चरण की वोटिंग से पहले प्रधानमंत्री नरेंद्र मोदी का बड़ा बयान!
— Humara Bihar (@HumaraBihar) May 30, 2024
•'4 जून के बाद अगले 6 महीने में देश में बहुत बड़ा राजनीतिक भूचाल आएगा'#PMModi #BJP #LoksabhaElaction #ElectionResults2024 #NarendraModi #LoksabhaElections2024 pic.twitter.com/5Il78MsgV0
તેમણે કહ્યું કે ભારત હવે વિકસિત ભારત બનવાના માર્ગ પર છે. આવનારા 5 વર્ષ સુવર્ણ ભારતના નિર્માણમાં નિર્ણાયક ભૂમિકા ભજવશે. આ એક મોટો વળાંક છે અને તે 4 જૂનથી શરૂ થવા જઈ રહ્યો છે. વડાપ્રધાને કહ્યું કે 2024ની આ લોકસભા ચૂંટણી ઘણી રીતે અલગ છે, તે અદ્ભુત છે. દેશની જનતા પોતે આ ચૂંટણી લડી રહી છે. કારણ કે, એ જ જનતાએ 10 વર્ષની વિકાસની સફર જોઈ છે અને 60 વર્ષની દુ:ખ પણ જોયા છે.
પીએમ મોદીએ કહ્યું કે દેશના કરોડો ગરીબ લોકો જીવનની મૂળભૂત સુવિધાઓથી વંચિત છે. ભારત જેવા દેશમાં ભૂખમરાના અહેવાલો સામાન્ય હતા. કરોડો લોકોના માથા પર છત નહોતી. મહિલાઓને ખુલ્લામાં શૌચ કરવાની ફરજ પડી હતી. પીવા માટે પાણી ન હતું. 18 હજારથી વધુ ગામોમાં વીજળી નહોતી. ઉદ્યોગો માટે કોઈ સંભાવના નહોતી. સૌથી મોટી કમનસીબી એ હતી કે સુધારા માટે કોઈ ચર્ચા થઈ ન હતી.
પીએમ મોદી ધ્યાન માટે પહોંચ્યા કન્યાકુમારી
નોંધનીય છે કે અગાઉ જાહેર કર્યા અનુસાર ચૂંટણી પ્રચારના પડઘમ શાંત પડ્યા બાદ PM મોદી સીધા કન્યાકુમારી પહોંચ્યા છે. અહીં 24 કલાક માટે તેઓ તે જ ખડક પર ધ્યાન કરશે, જ્યાં એક સમયે સ્વામી વિવેકાનંદને ભારત માતાના દર્શન થયા હતા.
