ઉત્તર પ્રદેશના (Uttar Pradesh) હરિદ્વાર (Haridvar) ખાતેથી શાંતનુ કુમાર સૈનીની ધરપકડ કરી હતી. જેની પાસેથી ₹10 લાખની કિંમતનું હેરોઈન ડ્રગ્સ (Heroine Drug) મળી આવ્યું હતું. તપાસ દરમિયાન બહાર આવ્યું હતું કે શાંતનુ ભીમ આર્મીના (Bhim Army Chief Chandrashekhar) ચીફ ચંદ્રશેખરના ખુબ નજીકના વ્યક્તિ અને બિજનૌર જિલ્લના ભીમ આર્મીના મહાસચિવ રાહુલ ચૌધરીનો ખાસ માણસ છે. આ પછી પોલીસે દહેરાદૂનમાં ડ્રગ્સની હેરાફેરી (Drugs Smuggling) કરવાના મામલે રાહુલ ચૌધરી પર પણ કેસ નોંધ્યો હતો. ભીમ આર્મીના જિલ્લા અધ્યક્ષ રાહુલ પર અગાઉ પણ ડ્રગ્સની હેરાફેરી કરવાના કેસ નોંધાઈ ચુક્યા છે.
ઉલ્લેખનીય છે કે શ્યામપુર પોલીસે પાડલી નગીના બિજનૌરના રહેવાસી શાંતનુ કુમારની 30 ગ્રામ હેરોઈન સાથે ધરપકડ કરી હતી. જેની કિંમત ₹10 લાખ છે. પોલીસના જણાવ્યા મુજબ આરોપી ઉત્તર પ્રદેશના નગીનાથી દહેરાદૂન સ્મેક સપ્લાય કરવા જઈ રહ્યો હતો. ઝડપાયેલા સ્મેકની સાથે પોલીસે આરોપીની બાઇક પણ કબજે કરી છે જેનો ઉપયોગ સ્મેકની દાણચોરીમાં થતો હતો.
અહેવાલો મુજબ ધરપકડ કરાયેલા આરોપીએ પૂછપરછ દરમિયાન જણાવ્યું કે આ ડ્રગ્સ તેને બિજનૌરના ભીમ આર્મીના બિજનૌર જિલ્લાના મહાસચિવ રાહુલ ચૌધરી દ્વારા આપવામાં આવ્યું હતું, જેનો મુખ્ય વ્યવસાય ડ્રગ્સ હેરાફેરીનો છે. પોલીસના જણાવ્યા અનુસાર ભીમ આર્મીનો રાહુલ ઉત્તર પ્રદેશ, ઉત્તરાખંડ સહિત રાજ્યના ઘણા વિસ્તારોમાં ડ્રગ્સની હેરાફેરી કરાવવામાં સામેલ છે.
કોલેજના વિદ્યાર્થીઓ પાસે ડ્રગ્સ પહોંચાડવાનો હતો પ્લાન
ટાઈમ્સ ઓફ ઇન્ડિયાના અહેવાલ મુજબ આરોપી દહેરાદૂનમાં ડ્રગ્સ સપ્લાય કરવાનો હતો જ્યાંથી યુનિવર્સીટી અને કોલેજના વિદ્યાર્થીઓ પાસે આ ડ્રગ્સ પહોંચવાનું હતું. શ્યામપુર પોલીસ સ્ટેશનના SHO નીતેશ શર્માએ જણાવ્યું હતું કે, “અમને હેરોઈનની હેરાફેરી અંગે માહિતી મળી હતી જે પછી શાંતનુની ધરપકડ કરવામાં આવી હતી.”
આ મામલે રાહુલ ચૌધરી સામેલ હોવાને લઈને તેમણે કહ્યું હતું કે, “શાંતનુ રાહુલ ચૌધરી સાથે કોલ દ્વારા સતત સંપર્કમાં હતો. અમારી પાસે તેમની વાતચીતના રેકોર્ડિંગ છે જેમાં બંને દહેરાદૂનમાં કોઈ ડીલરને ડ્રગ્સ સપ્લાય કરવાની વાત કરી રહ્યા છે. રાહુલ ચૌધરી વિરુદ્ધ પણ કેસ નોંધવામાં આવ્યો છે અને તેની વિરુદ્ધ કાર્યવાહી કરવાની કામગીરી પણ ચાલી રહી છે.”
રાહુલ વિરુદ્ધ અગાઉ પણ નોંધાઈ ચુક્યા છે સ્મગલિંગના ગુના
ઉલ્લેખનીય છે કે રાહુલ ચૌધરી ભીમ આર્મી ચીફ ચંદ્રશેખરની ખૂબ નજીકનો માણસ છે. પોલીસના જણાવ્યા અનુસાર આરોપી શાંતનુ કુમારના નિવેદન બાદ હવે ભીમ આર્મીના બિજનૌર મહાસચિવ રાહુલ ચૌધરીની ધરપકડ કરવાની તૈયારીઓ ચાલી રહી છે. નોંધનીય છે કે રાહુલ ચૌધરી વર્ષ 2020માં ₹1.8 કરોડના હેરોઈન સપ્લાયના મામલે જેલમાં જઈ ચુક્યો છે તથા વર્ષ 2022માં પણ ડ્રગ્સ સપ્લાય મામલે તેના પર કેસ નોંધાઈ ચુક્યા છે.
