14 દિવસ પહેલાં ટ્વિટમાં જે યુવકને કહ્યો હતો ‘ભાઈ’, તેની સાથે કોર્ટ મેરેજ કર્યા હોવાની સ્વરા ભાસ્કરની જાહેરાત: સમાજવાદી પાર્ટી નેતા ફહાદ અહમદ સાથે પરણી અભિનેત્રી

‘અભિનેત્રી’ સ્વરા ભાસ્કરે સમાજવાદી પાર્ટીના નેતા ફહાદ અહમદ સાથે લગ્ન કરી લીધાં છે. અભિનેત્રીએ આ બાબતની જાણ પોતાના ટ્વિટર અકાઉન્ટ મારફતે આપી હતી. 

Sometimes you search far & wide for something that was right next to you all along. We were looking for love, but we found friendship first. And then we found each other!
Welcome to my heart @FahadZirarAhmad It’s chaotic but it’s yours! ♥️✨🧿 pic.twitter.com/GHh26GODbm

— Swara Bhasker (@ReallySwara) February 16, 2023

સ્વરા ભાસ્કરે ટ્વિટર પર એક વિડીયો પોસ્ટ કર્યો હતો અને ફહાદ અહમદ સાથે લગ્નની જાણકારી આપી હતી. બંનેએ કોર્ટ મેરેજ કર્યા હોવાનું જાણવા મળ્યું છે. ગત 6 જાન્યુઆરીએ જ બંનેએ સ્પેશિયલ મેરેજ એક્ટ હેઠળ રજિસ્ટર કરાવીને કોર્ટ મેરેજ કરી લીધાં હતાં. પરંતુ જાહેરાત આજે કરી હતી. 

સ્વરાએ પોસ્ટ કરેલા વિડીયોના બંને વચ્ચે કઈ રીતે મુલાકાત થઇ તે જણાવવામાં આવ્યું હતું. વિડીયોમાં બંનેની કેટલીક ક્લિપ્સ પણ જોવા મળે છે જ્યારે તેમણે CAA વિરોધ સહિતનાં આંદોલનોમાં ભાષણો આપ્યાં હતાં. 

ફહાદ અહમદ સમાજવાદી પાર્ટીના મહારાષ્ટ્ર યુનિટની યુથ વિંગનો પ્રમુખ છે. તે પોતાને પોલિટિકલ એક્ટિવિસ્ટ તરીકે પણ ગણાવે છે. વર્ષ 2022માં તે સમાજવાદી પાર્ટીમાં જોડાયો હતો અને હાલ પાર્ટીની યુથ વિંગ યુવજન સભાનો મહારાષ્ટ્રનો પ્રમુખ છે. 

અભિનેત્રી સ્વરા ભાસ્કરે લગ્ન કરી લીધાં બાદ તેમનું તાજેતરનું એક અન્ય ટ્વિટ પણ ચર્ચામાં છે. ગત 2 ફેબ્રુઆરીએ સ્વરાએ પતિ ફહાદ સાથે એક ટ્વિટ પોસ્ટ કર્યું હતું, જેમાં તેને ‘ભાઈ’ કહીને જન્મદિવસની શુભેચ્છાઓ પાઠવી હતી. 

जन्मदिन मुबारक फ़हाद मियाँ! भाई का कॉन्फ़िडेंस बरकरार रहे 🙂 @FahadZirarAhmad
खुश रहो, आबाद रहो.. उम्र हो रही है अब शादी कर लो! 🤣🤣🤓🤓💛💛
Have a great birthday & a fantastic year dost! ✨ pic.twitter.com/3Rzak1MuQB

— Swara Bhasker (@ReallySwara) February 2, 2023

અભિનેત્રી સ્વરા ભાસ્કર સિનેમાના પડદે ઓછી અને ટ્વિટર ઉપર વધુ જોવા મળે છે. રાજકીય અને સામાજિક મુદ્દાઓને લઈને સોશિયલ મીડિયા પ્લેટફોર્મ્સ ઉપર પોતાના વિચારો કરતી અભિનેત્રી પોતાના વામપંથ તરફી વિચારોના કારણે અવારનવાર ચર્ચા અને વિવાદોમાં રહેતી હોય છે.