બિહારના મુખ્યમંત્રી નીતિશ કુમારે તેમના જૂના ‘વિશિષ્ટ’ સાથીદાર અને ચૂંટણી વ્યૂહરચનાકાર પ્રશાંત કિશોર પર પ્રહારો કર્યા છે. નીતિશ કુમારે કહ્યું છે કે ‘પ્રશાંત કિશોર એ જ વ્યક્તિ છે જેણે JDUને કોંગ્રેસમાં ભળવાની સલાહ આપી હતી. તે ગમે તે બોલે, તેને બોલવા દો.’
જયપ્રકાશ નારાયણની પુણ્યતિથિ પર મુખ્યમંત્રી નીતિશ કુમાર જેપી ગોલામ્બર પહોંચ્યા હતા. જ્યાં, તેમને પત્રકારો દ્વારા પૂછવામાં આવ્યું હતું કે પ્રશાંત કિશોરે કહ્યું હતું કે તેમને પદની ઓફર કરવામાં આવી હતી. જેના જવાબમાં તેમણે કહ્યું કે તેને (પ્રશાંત કિશોર) જે કહેવું હોય તે બોલો. અમારે તેમની સાથે કોઈ લેવાદેવા નથી.
નીતિશ કુમારે પ્રશાંત કિશોર (પીકે) વિશે કહ્યું છે કે, “આજકાલ બીજેપીમાં ગયા છે, તો તેમના અનુસાર કરી રહ્યા છે. આ લોકોનું કોઈ ઠેકાણું નથી હોતું. તેઓ મારા ઘરે રહેતા હતા, હવે તે જે ઈચ્છે તે બોલતા રહે છે. અમે તેમને બોલાવ્યા ન હતા, પરંતુ તેઓ પોતે મળવા આવ્યા હતા. અમારી વચ્ચે શું થયું તેના પર હું કંઈ કહીશ નહીં. તેમને જે કહેવું હોય તે બોલવા દો. રાજકારણથી તેમને મતલબ શું છે, તેથી તેમને બોલવા દો.”
#WATCH | When asked about Prashant Kishor’s claim that Nitish Kumar offered him a post recently, Bihar CM says, “It’s false. Let him speak whatever he wants,we’ve nothing to do with it.4-5 yrs back he had told me to merge with Congress.He has gone to BJP & is acting as per it…” pic.twitter.com/5YUzAT6kv8
— ANI (@ANI) October 8, 2022
પીકે પર આરોપ લગાવતા નીતીશ કુમારે કહ્યું, “અમારે તેની સાથે કોઈ લેવાદેવા નથી. એકવાર તેઓ (પીકે) અમને અમારી પાર્ટી JDUને કોંગ્રેસમાં વિલય કરવાનું કહેતા હતા. તમે મને કહો કે અમે કોંગ્રેસમાં શા માટે ભળીએ. આજથી લગભગ 4-5 વર્ષ પહેલાની વાત છે.”
બિહારના સીએમ નીતિશ કુમારે પણ કહ્યું કે પ્રશાંત કિશોર હવે બીજેપી માટે કામ કરી રહ્યા છે. જ્યારે તે આરજેડી અને જેડીયુનો વિરોધ કરે છે તો તેનો અર્થ એ છે કે તે બીજેપી માટે કામ કરી રહ્યો છે.
હકીકતમાં, પ્રશાંત કિશોરે બુધવારે (5 ઓક્ટોબર, 2022) તેમની ‘જન-સૂરજ’ યાત્રા દરમિયાન દાવો કર્યો હતો કે નીતિશ કુમારે તેમને આ પદની ઓફર કરી હતી. તેમણે કહ્યું હતું કે, “જ્યારે હું થોડા દિવસો પહેલા નીતિશ કુમારને મળ્યો ત્યારે તેમણે મને ફરીથી JDUમાં જોડાવા અને સાથે કામ કરવા કહ્યું. એમ પણ કહ્યું કે તમે મારા રાજકીય ઉત્તરાધિકારી છો.”
તેમણે એમ પણ કહ્યું હતું કે સીએમ નીતિશ કુમારે તેમને તેમનું અભિયાન પાછું ખેંચવા કહ્યું હતું. પરંતુ, તેમણે નીતીશ કુમારને સ્પષ્ટપણે કહ્યું હતું કે જો તેઓ (નીતીશ કુમાર) તેમને તેમના રાજકીય ઉત્તરાધિકારી બનાવે અથવા તેમના માટે સીએમની ખુરશી છોડી દે તો પણ તેઓ તેમની સાથે કામ કરશે નહીં.
