પંજાબના અમૃતસર સ્થિત પ્રસિદ્ધ સુવર્ણ મંદિરના ગેટ પર ફાયરિંગની ઘટના બની છે. બુધવારે (4 ડિસેમ્બર) સવારે બની, જેમાં હુમલો શિરોમણી અકાલી દળના પૂર્વ પ્રમુખ સુખબીર સિંઘ બાદલ પર કરવામાં આવ્યો, પરંતુ આસપાસની વ્યક્તિઓની સતર્કતાના કારણે તેઓ બચી ગયા હતા.
VIDEO | Punjab: A man opened fire at Shiromani Akali Dal leader Sukhbir Singh Badal at the entrance of Golden Temple, Amritsar. The person was overpowered by people present on the spot. More details are awaited.#PunjabNews #SukhbirSinghBadal
— Press Trust of India (@PTI_News) December 4, 2024
(Full video available on PTI… pic.twitter.com/LC55kCV864
ઉલ્લેખનીય છે કે સુખબીર સિંઘ બાદલ હાલ અમૃતસરના સુવર્ણ મંદિરની બહાર સેવાદાર બનીને સજા કાપી રહ્યા છે. તેમને શીખોની સર્વોચ્ચ સંસ્થા અકાલ તખ્ત સાહિબે ‘તનખૈયા’ ઘોષિત કર્યા છે. તેમને 2007થી 2017 સુધી પંજાબમાં તેમની પાર્ટીએ કરેલી ‘ભૂલો’ બદલ દોષી ઠેરવવામાં આવ્યા હતા. નોંધનીય છે કે તનખૈયાનો અર્થ શીખ ધર્મમાં ધાર્મિક દુરાચાર સાથે સંબંધિત છે.
બાદલ મંગળવારે વ્હીલ ચેર પર સુવર્ણ મંદિર પહોંચ્યા હતા અને સજાની ભરપાઈ કરી હતી. તેમણે સ્વર્ણ મંદિરની સામુદાયિક રસોઈમાં વાસણો પણ સાફ કર્યાં હતાં. ત્યારબાદ તેઓ ગેટ પર પહેરેદારી કરી રહ્યા હતા ત્યારે આ ઘટના બની.
એક વ્યક્તિએ અચાનક પહોંચી જઈને સુખબીર સિંઘ ગોળીબાર શરૂ કરી દીધો હતો. પરંતુ તેમની આસપાસના લોકોએ વચ્ચે પડીને હુમલો કરનારને દબોચી લીધો. તેની પાસેથી પિસ્તોલ મળી આવી છે.
