ઈન્ડિયન પ્રીમિયર લીગની (IPL 2024) પ્રથમ 21 મેચોનું શેડ્યૂલ જાહેર કરવામાં આવ્યું છે. ચેન્નાઈના એમએ ચિદમ્બરમ સ્ટેડિયમમાં પ્રથમ મેચ ડિફેન્ડિંગ ચેમ્પિયન ચેન્નાઈ સુપર કિંગ્સ અને રોયલ ચેલેન્જર્સ બેંગ્લોર વચ્ચે રમાશે. RCB અને CSK વચ્ચે પ્રથમ મેચ 22 માર્ચ 2024ના રોજ રમાશે. મહેન્દ્ર સિંહ ધોની આ IPLમાં છેલ્લી વખત ખેલાડી તરીકે જોવા મળી શકે છે. એવી ચર્ચા છે કે તે આ IPL પછી નિવૃત્તિ લઈ શકે છે.
IPL 2024ની પ્રથમ 21 મેચો 22 માર્ચથી 7 એપ્રિલની વચ્ચે રમાશે. ટુર્નામેન્ટની પ્રથમ મેચ રાત્રે 8 વાગ્યે શરૂ થશે. જે દિવસોમાં બે મેચ હશે તે દિવસે પ્રથમ મેચ 3:30 વાગ્યે શરૂ થશે. આ સમયગાળા દરમિયાન ચાર દિવસમાં ડબલ હેડર મેચો યોજાશે. IPL 2024ની પ્રથમ ડબલ હેડર 23 માર્ચે રમાશે, જેમાં પ્રથમ મેચ પંજાબ કિંગ્સ અને દિલ્હી કેપિટલ્સ વચ્ચે મોહાલીમાં રમાશે, જ્યારે સાંજે બીજી મેચ કોલકાતામાં કોલકાતા નાઈટ રાઈડર્સ અને સનરાઈઝર્સ હૈદરાબાદ વચ્ચે રમાશે.
The wait is over 🥳
— IndianPremierLeague (@IPL) February 22, 2024
𝙎𝘾𝙃𝙀𝘿𝙐𝙇𝙀 for the first 2⃣1⃣ matches of #TATAIPL 2024 is out!
Which fixture are you looking forward to the most 🤔 pic.twitter.com/HFIyVUZFbo
IPL 2024 સીઝનમાં, રાજસ્થાન રોયલ્સ 24 માર્ચે લખનૌ સુપર જાયન્ટ્સ સામે ટકરાશે, જ્યારે સાંજની મેચમાં, હાર્દિક પંડ્યાની આગેવાની હેઠળની મુંબઈ ઇન્ડિયન્સ, અમદાવાદમાં ગુજરાત ટાઇટન્સનો સામનો કરશે. છેલ્લા 6 વર્ષમાં આ ચોથી વખત હશે, જ્યારે IPLની વિજેતા અને રનર-અપ ટીમો પ્રથમ મેચમાં ટકરાઈ ન હોય. પ્રથમ મેચ CSK અને RCB વચ્ચે રમાનાર હોવાથી, ગયા વર્ષની ઉપવિજેતા ગુજરાત ટાઇટન્સ ત્રીજા દિવસે મુંબઈ ઈન્ડિયન્સ સામે ટકરાશે.
IPLની ફાઈનલ મેચ 26 મે 2024ના રોજ યોજાઈ શકે છે. આના માત્ર પાંચ દિવસ બાદ 1 જૂનથી વેસ્ટ ઈન્ડિઝ અને યુએસએમાં મેન્સ ટી20 વર્લ્ડ કપની મેચો શરૂ થશે.
લોકસભા ચૂંટણીના કારણે બાકીની મેચોનો કાર્યક્રમ અટવાયો
એવું કહેવામાં આવી રહ્યું છે કે લોકસભા ચૂંટણી 2024ની તારીખોની જાહેરાત ન થવાને કારણે અન્ય મેચોના શેડ્યૂલની હજુ જાહેરાત કરવામાં આવી નથી. ચૂંટણીની તારીખો જાહેર થયા બાદ બાકીની મેચોનું શેડ્યૂલ જાહેર કરવામાં આવશે. એવું માનવામાં આવે છે કે એપ્રિલ અને મે મહિનામાં લોકસભાની ચૂંટણી યોજાશે. આ ચૂંટણી દરમિયાન IPL મેચો પણ રમાશે. વર્ષ 2009માં દક્ષિણ આફ્રિકામાં આઈપીએલનું આયોજન કરવામાં આવ્યું હતું, કારણ કે તે વર્ષે પણ લોકસભાની ચૂંટણીઓ યોજાઈ હતી.
