છેલ્લા 2 દિવસથી મુફ્તી સલમાન અઝહરી ચર્ચામાં છે. જૂનાગઢમાં જૂનાગઢમાં ભડકાઉ ભાષણ આપવા બદલ મૌલાના મુફ્તી સલમાન અઝહરી વિરુદ્ધ ગુજરાત ATSએ મુંબઈ પોલીસ સાથે મળીને અઝહરીની ધરપકડ કરી હતી. ભડકાઉ ભાષણ મુદ્દે ધરપકડ બાદ ઇસ્લામવાદી ગેંગ મુફ્તી સલમાન અઝહરીના બચાવમાં પોલીસ સ્ટેશનની બહાર હોબાળો મચાવ્યો હતો અને વિરોધમાં નારેબાજી કરી હતી. તેવામાં હવે સોશિયલ મીડિયામાં પણ ઇસ્લામવાદી ગેંગ આ મુફ્તીના બચાવમાં કુદી પડી છે. આ ગેંગ ઓરીજનલ વિડીયોને કાપકૂપ કરીને સોશિયલ મીડિયામાં ફેરવીને દાવો કરી રહી છે કે મુફ્તી સલમાન અઝહરીએ હિંદુ વિરોધી નિવેદનો નથી આપ્યા અને માત્ર પેલેસ્ટાઇન વિશે વાત કરી હતી.
એવા અનેક લોકો છે જેમણે સોશિયલ મીડિયામાં મુફ્તી સલમાન અઝહરીના બચાવમાં પોસ્ટ કરી છે. માઈક્રો બ્લોગીંગ સાઈટ X પર લોકો મુફ્તીનો કટ કરેલો વિડીયો મુકીને તેનો બચાવ કરી રહ્યા છે . X યુઝર આફતાબ અહેમદ સિદ્દીકીએ મૂળ વિડીયોમાં કટ કરીને કલીપ શેર કરી હતી અને મુફ્તીની તરફેણમાં પોસ્ટ કરીને લખ્યું હતું કે, “મુફ્તી સલમાન અઝહરીએ પેલેસ્ટાઇન પર વાત કરી હતી. તેમણે ક્યાંય પણ હિંદુઓનો ઉલ્લેખ નથી કર્યો. પરંતુ સંઘીઓએ છેલ્લી 22 સેકંડનો વિડીયો મુકીને મુફ્તી સાહેબને હિંદુઓ પર હુમલો કરવા વાળા અને તેમને ‘કુત્તો’ કહેવાવાળા કહીને ભાષણ આપનાર ચીતર્યા.”
#MuftiSalmanAzhari spoke on Palestine, with no mention of 'Hindus' anywhere.
— 🇵🇸Aftab Ahmad Siddiqui (@AftabAh85783385) February 4, 2024
However, malicious Sanghis circulated last 22 sec. of video out of context and portrayed Mufti sahib as attacking Hindus by calling them 'kutto'[Dogs] and delivering a hate speech.#ReleaseSalmanAzhari pic.twitter.com/ZPGdLxEkEh
આ ઉપરાંત પોતાને પત્રકાર ગણાવતા અને ફેક ન્યુઝ ફેલાવવા માટે કુખ્યાત આસિફ ખાન દ્વારા પણ ક્રોપ કરીને શેર કરવામાં આવેલો વિડીયો મુકવામાં આવ્યો છે. જેમાં તેણે લખ્યું છે કે, “આ મુફ્તી સલમાન અઝહરીનો આખો વિડીયો છે. તેઓ પેલેસ્ટાઇન વિશે વાત કરી રહ્યા છે. હિંદુત્વ આઈટી સેલે તેમના વિડીયોને ક્રોપ કરીને ખોટા દાવા સાથે પ્રસારિત કર્યો છે અને દાવો કર્યો છે કે એક સમુદાયને ટાર્ગેટ કરવામાં આવ્યો છે.”
Here is the full video of Mufti Salman Azhari.
— Md Asif Khan (@imMAK02) February 4, 2024
He was talking about Palestine and Muslim countries,and then he recited a couplet.
Hindutva IT cell cropped his video and circulated it with false claim that he targeted a community.#ReleaseSalmanAzhari#IStandWithSalmanAzhari pic.twitter.com/ydNkq5FMXn
અન્ય એક નરગીસ બાનો નામના યુઝરે પણ મુફ્તીના સમર્થમાં પોસ્ટ કરી હતી. તેમણે લખ્યું હતું કે, “હું નરગીસ બાનો મુફ્તી મુફ્તી સલમાન અઝહરીને મુક્ત કરવાની માંગ કરું છું. તેમના આખા બયાનમાં ક્યાય પણ કોઈ પણ સમુદાય વિરુદ્ધ આપત્તિજનક કે વિવાદિત ટીપ્પણી નથી કરવામાં આવી.” આ સાથે જ નરગીસે અન્ય લોકોને પણ મુફ્તીને મુક્ત કરવાના કેમ્પેઈનમાં જોડાવવા આહ્વાન કર્યું છે.
मैं नरगिस बानो मुफ़्ती सलमान अजहरी की रिहाई की मांग करती हूं , उनके पूरे बयान में किसी भी समुदाय के खिलाफ आपत्तिजनक या विवादित टिप्पणी नही की गई है ,
— Nargis Bano (@NargisBano70) February 4, 2024
सलमान अजहरी साहब को रिहा करो और मेरे साथ सब लिखो ,#ReleaseSalmanAzhari
મુફ્તી સલમાન અઝહરીના સમર્થનમાં અન્ય કેટલાક લોકો સામે આવ્યા હતા, તે પૈકી હેટ ડીટેકટર નામના એકાઉન્ટ પરથી પણ આ વિડીયો ક્લિપ શેર કરવામાં આવી છે. અને લખવામાં આવ્યું છે કે, “મુફ્તી સલમાન અઝહરી પેલેસ્ટાઇન, મ્યાનમાર અને અરબ દેશો વિશે વાત કરી રહ્યા છે. પરંતુ હિંદુત્વના કટ્ટર લોકો આ બયાનમાં પોતાને જોડી રહ્યા છે.” સાથે જ આ એકાઉન્ટ પરથી પણ મુફ્તી સલમાન અઝહરીને કોઈ પણ શરત વગર મુક્ત કરવાની માંગ કરવામાં આવી છે.”
Mufti Salman Azhari was talking about Palestine, Myanmar and Arab countries. But Hindutva bigots fit themselves into the statement.
— Hate Detector 🔍 (@HateDetectors) February 4, 2024
Release #MuftiSalmanAzhari
Immediately & Unconditionally.#ReleaseSalmanAzhari #IStandWithSalmanAzhari pic.twitter.com/5LZjJCgZ4w
શેર કરવામાં આવી રહેલી વિડીયો ક્લિપ અને દાવો વચ્ચે વાસ્તવિકતા શું?
ઉલ્લેખનીય છે કે જે પ્રમાણે મુફ્તી સલમાન અઝહરીના બચાવમાં કુદી પડ્યા છે અને જે વિડીયો કલીપ શેર કરવામાં આવી રહી છે તે અડધી વાસ્તવિકતા છે.જે ભાષણને લઈને આ આખો બખેડો ઉભો થયો છે તેનો વિડીયો જે ચેનલ પર મુકવામાં આવ્યો હતો, તેને હવે હટાવી દેવામાં આવ્યો છે. પરંતુ મુફ્તી સલમાન અઝહરીએ જૂનાગઢમાં જે કશું પણ કહ્યું હતું તેનો આખો 53 મિનીટ અને 40 સેકંડનો વિડીયો ઑપઇન્ડિયા પાસે પહેલેથી છે અને તેના આધારે જ અમે આપને જણાવીશું કે મુફ્તી સલમાન અઝહરીએ ક્યારે અને શું ભડકાઉ ભાષણ આપ્યું હતું.
પોતાના મઝહબી સ્કોલરને બચાવવા કૂદી પડેલા તથાકથિત પત્રકાર સહિતના આ તમામ લોકો તે ભૂલી ગયા છે કે અઝહરીએ એ જ ભાષણમાં (વિડીયોમાં 5 મિનીટે) ‘કાફિર કુત્તે’ શબ્દ વાપરીને હિંદુઓને સંદર્ભિત કર્યા હતા. આટલું જ નહીં, પોતાના ‘કુત્તા’વાળા સંદર્ભ પહેલા સલમાન અઝ્હરીએ અયોધ્યામાં રામ મંદિરની પ્રાણપ્રતિષ્ઠા તેમજ વારાણસીમાં જ્ઞાનવાપી ઢાંચાની કાયદાકીય લડાઈના સંદર્ભમાં પણ ઝેર ઓક્યું હતું.
વિડીયોમાં અઝહરી કહે છે કે, “અભી તો કરબલા કા આખિરી મૈદાન બાકી હૈ…કુછ દેર કી ખામોશી હૈ, ફિર શોર આયેગા… આજ કુત્તોં કા વક્ત હૈ, કલ હમારા દૌર આયેગા.” (હજુ તો કરબલાનું અંતિમ યુદ્ધ બાકી છે… થોડા સમયની શાંતિ છે, પછી ફરી અવાજ થશે. આજે કૂતરાઓનો સમય છે, કાલે આપણા જમાના પણ આવશે.) આટલું કહીને તે ‘લબ્બેક યા રસૂલલ્લાહ’ના નારા લગાવે છે અને સામેની ભીડ પણ તેનું પુનરાવર્તન કરે છે.
“Aaj Kutton Ka Wakt Hai, Hamara Daur Ayega”: Video of Mufti Salman Azhari’s hate speech in Junagadh goes viral, action sought pic.twitter.com/FFqabYMXGY
— OpIndia.com (@OpIndia_com) February 2, 2024
આ જ વિડીયોમાં 5 મિનીટ 2 સેકંડ આસપાસ તેણે કહ્યું હતું કે, “, “મારો આ પેગામ પહોંચાડી દેજો, કોઇ મસ્જિદમાં બૂત રાખી દેવાથી મસ્જિદ બૂતખાના નથી બની જતી. કારણ કે તમે તો એક રાખી છે, કાબામાં તો 360 રાખ્યા હતા, પણ તેમ છતાં કાબા કાબા જ રહ્યું, ત્યાં ન તવાફ બંધ થઈ ન હજ.” નોંધવું જોઈએ કે ‘બુત’ શબ્દનો અર્થ મૂર્તિ અથવા પ્રતિમા થાય છે અને ‘બૂત ખાના’ શબ્દ મંદિરના સંદર્ભમાં વાપરી શકાય છે. જે મુજબ દાવા કરવામાં આવી રહ્યા છે કે મુફ્તીએ માત્ર પેલેસ્ટાઇન કે અન્ય કોઈ ઇસ્લામિક દેશના સંદર્ભમાં કશું કહ્યું હતું અને તના વિરુદ્ધ ખોટી કાર્યવાહી થઇ રહી છે તે દાવો ગેરમાર્ગે દોરનારા છે.
"masjid me ek butt rakh dene se masjid buttkhana nahi banti. tumne ek rakha hai kaabey me toh 360 rakhey they lekin tab bhi kaaba kaaba hi tha"
— The Hawk Eye (@thehawkeyex) February 2, 2024
"jab maidan khula rehta hai toh, waha kutton ka raj ho jata hai"
This is the obvious context of Ayodhya & Kashi.@GujaratPolice
2/2 pic.twitter.com/MXzJTM7Lgk
ઑપઇન્ડિયા પાસે મુફ્તી સલમાન અઝહરીના ભાષણનો 53 મિનીટ અને 40 સેકંડનો આખો વિડીયો ઉપલબ્ધ છે. આ ભડકાઉ ભાષણમાં તેણે શું-શું કહ્યું હતું તે અમે અગાઉના અહેવાલમાં લખી ચુક્યા છીએ જે આપ અહીં ક્લિક કરીને વાંચી શકશો.
