દિલ્હીના યુવક સાથે થયેલા તોડકાંડ બાદ મોટી કાર્યવાહી: 7 TRB જવાન ફરજમુકત, 3 પોલીસકર્મી સસ્પેન્ડ; IPS સફીન હસને આપી જાણકારી

ગત 19 નવેમ્બરના રોજ અમદાવાદ ખાતે યોજાયેલી વર્લ્ડ કપની મેચ દરમિયાન દિલ્હીથી આવેલા એક યુવકે પોલીસે તેની સાથે 20 હજારનો તોડ કર્યો હોવાના આરોપો લગાવ્યા હતા. આ આરોપો બાદ તેના વિડીયો પણ સોશિયલ મીડિયામાં વાયરલ થયા હતા. તેવામાં હવે પોલીસ દ્વારા જવાબદાર પોલીસકર્મીઓ અને TRB જવાનો સામે કાર્યવાહી કરવામાં આવી છે. અમદાવાદમાં દિલ્હીના યુવકનો તોડ કરવા મામલે 3 પોલીસકર્મીઓ સસ્પેન્ડ કરવામાં આવ્યા છે જયારે 7 TRB જવાનોને ફરજમુકત કરવામાં આવ્યા છે.

અહેવાલો અનુસાર દિલ્હીનો રહેવાસી કાનવ મનચંદા વિશ્વકપ ફાઈનલ જોવા માટે અમદાવાદ આવ્યો હતો. આ દરમિયાન અમદાવાદના નાના ચિલોડા ખાતે પોલીસે તેની ગાડી અટકાવીને તપાસ કરતા તેમાંથી દારૂની બોટલ મળી આવી હતી. આ ઘટના બાદ કાનવે આરોપ લગાવ્યા હતા કે પોલીસ કર્મચારીઓએ કેસ ન કરવા માટે તેની પાસે રૂપિયાની માંગણી કરી હતી. આ સાથે જ તેણે યુપીઆઈ દ્વારા 20 હજાર રૂપિયા ચૂકવ્યા હોવાનો દાવો કરીને એક સ્ક્રિન શોટ પણ મીડિયા સામે મુક્યો હતો.

દિલ્હીના યુવક સાથે પોલીસના તોડકાંડ મામલે ટ્રાફિક (પૂર્વ) સફી હસનનું નિવેદન
7 TRB જવાનોને ફરજ પરથી મોકૂફ કરાયા
3 પોલીસ જવાનો સસ્પેન્ડ કર્યા
2 કોન્સ્ટેબલ અને 1 હેડ કોન્સ્ટેબલ સસ્પેન્ડ @SafinHasan_IPS @GujaratPolice @AhmedabadPolice @sanghaviharsh @CMOGuj #Gujarat #Ahmedabad… pic.twitter.com/q4nWroqtrY

— Gujarat First (@GujaratFirst) November 21, 2023

આ ઘટના બાદ તેની તપાસ અમદાવાદ પૂર્વ ટ્રાફિક પોલીસના ઉચ્ચ અધિકારીને સોંપવામાં આવતા 3 ટ્રાફીક પોલીસકર્મી અને 7 TRB જવાન વિરુદ્ધ કાર્યવાહી કરવામાં આવી છે. આ મામલે IPS સફીન હસને જણાવ્યું હતું કે, “આ બાબત ધ્યાને આવતા જ 2 પોલીસ કોન્સ્ટેબલ અને 1 હેડ કોન્સ્ટેબલને ફરજ મોકૂફ કરવામાં આવ્યા છે અને સ્થળ પર ફરજ પર હાજર 7 TRB જવાનને માનદ સેવા પરથી દૂર કરવામાં આવ્યા છે.

અમદાવાદ:ફાઈનલ મેચમાં યુવક સાથે તોડનો કેસ

મેચ જોવા આવેલા યુવક સાથે તોડ થયાનો આરોપ

7 TRB જવાન,3 પોલીસકર્મી સસ્પેન્ડ

પોલીસકર્મીઓએ 2 લાખની માગ કરી હોવાનો આરોપ

કારમાં દારુની બોટલ હોવાથી માગ્યા રુપિયા#NEWS18GUJARATINO1 #GUJARAT pic.twitter.com/SKWgi9zkyv

— News18Gujarati (@News18Guj) November 21, 2023

બીજી તરફ પોલીસની એક ટીમ અમદાવાદમાં દારુની બોટલ સાથે પકડાયેલા દિલ્હીના કાનવ પાસે જશે. આ ટીમ રૂબરૂ જઈ ઘટનાને લઈને ફરિયાદ નોંધવા તજવીજ હાથ ધરશે. જોકે તોડનો આરોપ લગાવનાર વ્યક્તિએ આ મામલે ફરિયાદ નોંધાવવાની પહેલા જ ના પાડી દીધી હતી. અમદાવાદમાં દિલ્હીના યુવકનો તોડ કરવા મામલે જો ફરિયાદ દાખલ થશે તો જવાબદાર પોલીસકર્મીઓ અને TRB જવાનો વિરુદ્ધ વધુ કાર્યવાહી કરવામાં આવશે.