Thursday, November 14, 2024
More
    Home Blog Page 1089

    ઉદ્ધવની એક્ઝામ કાલે: રાજ્યપાલે આવતીકાલે મહારાષ્ટ્ર વિધાનસભાનું વિશેષ સત્ર બોલાવ્યું, શિવસેના આદેશ વિરુદ્ધ સુપ્રિમમાં ગઈ, શિંદે ઘરવાપસી માટે તૈયાર

    ઑપઇન્ડિયા સ્ટાફ
    -
    0
    ઉદ્ધવની એક્ઝામ કાલે: રાજ્યપાલે આવતીકાલે મહારાષ્ટ્ર વિધાનસભાનું વિશેષ સત્ર બોલાવ્યું, શિવસેના આદેશ વિરુદ્ધ સુપ્રિમમાં ગઈ, શિંદે ઘરવાપસી માટે તૈયાર

    મહારાષ્ટ્રના રાજકારણમાં પડેલી મડાગાંઠ છેવટે તેના ઉકેલના માર્ગે જઈ રહી છે. ગઈકાલે રાત્રે મહારાષ્ટ્ર વિધાનસભામાં વિપક્ષના નેતા અને ભારતીય જનતા પક્ષના દેવેન્દ્ર ફડણવીસ દિલ્હીથી આવ્યા બાદ સીધા રાજભવન ગયા હતા અને રાજ્યપાલ ભગતસિંહ કોશિયારીને મળ્યા હતા. ફડણવીસે રાજ્યપાલ સમક્ષ માંગણી કરી હતી કે શિવસેનાના 40 જેટલા ધારાસભ્યો હાલમાં આસામના ગુવાહાટીમાં છે જેથી સરકાર અલ્પમતમાં આવી ગઈ છે જેથી તેણે વિશ્વાસનો મત લેવો જોઈએ.

    આમ તો ગઈકાલે રાત્રેજ કેટલીક ન્યૂઝ ચેનલોએ 30 તારીખે રાજ્યપાલ કોશિયારીએ ઉદ્ધવ ઠાકરેને પોતાનો બહુમત સાબિત કરવાનું કહ્યું હોવાના સમાચાર વહેતા કરી દીધા હતા, પરંતુ બાદમાં રાજભવને આ સમાચાર ફેક હોવાનું જણાવ્યું હતું. પરંતુ હાલમાં જ મળતાં સમાચાર અનુસાર રાજ્યપાલ ભગતસિંહ કોશિયારીએ મહારાષ્ટ્રની ઉદ્ધવ ઠાકરેની મહાવિકાસ આઘાડીને આવતીકાલે મહારાષ્ટ્ર વિધાનસભામાં પોતાનો બહુમત સાબિત કરવાનો આદેશ આપ્યો છે.

    આમ, આવતીકાલે મહારાષ્ટ્રના મુખ્યમંત્રી ઉદ્ધવ ઠાકરેની એક્ઝામ થશે જેમાં તેમણે તેમના દાવા અનુસાર અત્યારે પણ તેમને બહુમતિ શિવસેના ધારાસભ્યો સમર્થન કરે છે તે સાબિત કરવું પડશે.

    મહારાષ્ટ્રનું આ મહાનાટક ગયા અઠવાડિયે શરુ થયું હતું જ્યારે સરકારના સિનીયર મંત્રી એકનાથ શિંદે 20 જેટલા શિવસેનાના ધારાસભ્યોને લઈને સુરત પહોંચી ગયા હતા. અહીં એક દિવસના રોકાણ બાદ રાતોરાત શિંદે અને તેમના સમર્થક ધારાસભ્યોને આસામના ગુવાહાટીમાં લઇ જવામાં આવ્યા હતા અને આજદિન સુધી આ તમામ અહીં જ છે.

    આ સમગ્ર અઠવાડિયા દરમ્યાન ઉદ્ધવ જૂથ અને શિંદે જૂથ વચ્ચે આરોપ-પ્રત્યારોપો ચાલુ રહ્યા હતા જેમાં શિંદે જૂથ પોતાને બાળાસાહેબ ઠાકરેના હિન્દુત્વના સપનાને આગળ વધારી હોવાનો દાવો કરતા ઉદ્ધવને મહા વિકાસ આઘાડીમાંથી નીકળી જઈને ભાજપ સાથે સરકારમાં બેસવાનો અનુરોધ કરતું રહ્યું છે.

    બીજા પક્ષે શિવસેનાના નેતા જેવા કે સંજય રાઉત શિંદે જૂથના શિવસેનાના ધારાસભ્યોને સતત ધમકી આપતા રહ્યા છે. ડેપ્યુટી સ્પિકરના વ્યવહાર અંગે પણ શિંદે જૂથ સુપ્રિમ કોર્ટમાં ગયું હતું જ્યાં કોર્ટે આવતી 11 જુલાઈ સુધી ડેપ્યુટી સ્પિકરના કોઇપણ આદેશ વિરુદ્ધ સ્ટે મૂકી દીધો હતો.

    જે પ્રમાણે અટકળો લગાવવામાં આવી રહી હતી તેને સાબિત કરતા શિવસેના રાજ્યપાલ કોશિયારીના આ આદેશ વિરુદ્ધ સુપ્રિમ કોર્ટમાં ગઈ છે. શિવસેનાના મુખ્ય દંડક સુનિલ પ્રભુએ રાજ્યપાલના આદેશને પડકારતી એક પીટીશન સુપ્રિમ કોર્ટમાં દાખલ કરી દીધી છે.

    શિવસેના તરફથી અભિષેક મનુ સિંઘવી સુપ્રિમ કોર્ટમાં દલીલો કરશે. જો સુપ્રિમ કોર્ટ આ બાબતે દખલ કરવાથી મનાઈ કરી દેશે તો આવતીકાલનો ફ્લોર ટેસ્ટ કાયમી રહેશે.

    એક અન્ય સમાચાર અનુસાર શિવસેનાના વિદ્રોહી ધારાસભ્યો પોતાના નેતા એકનાથ શિંદે સાથે આજે ગુવાહાટીથી ગોવા જવા રવાના થશે અને અહીં તાજ ગોવામાં રોકાણ કરશે અને આવતીકાલે ફ્લોર ટેસ્ટ શરુ થાય એ અગાઉ મુંબઈ પહોંચશે.

    કનૈયાલાલ હત્યા: હત્યારાઓએ 11 દિવસ પહેલાં જ ધમકી આપી દીધી હતી, રાજસ્થાન પોલીસ ઊંઘતી રહી અને હવે ગેહલોત કેન્દ્ર સરકારને જવાબદાર ઠેરવે છે

    ઑપઇન્ડિયા સ્ટાફ
    -
    0
    કનૈયાલાલ હત્યા: હત્યારાઓએ 11 દિવસ પહેલાં જ ધમકી આપી દીધી હતી, રાજસ્થાન પોલીસ ઊંઘતી રહી અને હવે ગેહલોત કેન્દ્ર સરકારને જવાબદાર ઠેરવે છે

    રાજસ્થાનના ઉદયપુરમાં ભારતીય જનતા પાર્ટીનાં પૂર્વ પ્રવક્તા નૂપુર શર્માના સમર્થનમાં પોસ્ટ કરવા બદલ ગઈકાલે (28 જૂન 2022) એક હિંદુ વ્યક્તિ કન્હૈયાલાલની હત્યા કરી નાંખવામાં આવી હતી. કન્હૈયાલાલની હત્યા કરનારા ઇસ્લામી હત્યારાએ 17 જૂનના રોજ જ એક વિડીયો સોશિયલ મીડિયા પર પોસ્ટ કર્યો હતો. તેનો આ વિડીયો સોશિયલ મીડિયા પર વાયરલ થઇ રહ્યો છે. 

    વિડીયોમાં તે કહે છે કે, “હું મોહમ્મદ રિયાઝ અંસારી. રાજસ્થાનના ઉદયપુર, ખાંજીપીરથી. આ વિડીયો હું જુમ્માના દિવસે બનાવી રહ્યો છું. માશાલ્લાહ અને 17 તારીખ છે. હું આ વિડીયો એ દિવસે વાયરલ કરીશ જે દિવસે અલ્લાહની શાનમાં ગુસ્તાખી કરનારનું સર કલમ કરી નાંખીશ. તમને એક મેસેજ આપું છું, રિયાઝે સર કલમ કરવાની શરૂઆત તો કરી દીધી છે. બાકીના જે બચ્યા છે તેમના સર કલમ તમારે કરવાના છે. આ વાતનું ધ્યાન રાખજો.”

    આગળ તે કહે છે, “એ ચિંતા ન કરતા મારા ભાઈ કે તમારા પરિવારનું શું થશે, કારોબારનું શું થશે. મારો પણ પરિવાર છે. હું પણ નોકરી કરું છું, પરંતુ મને તેની કોઈ ચિંતા નથી. કારણ કે હું પોતાના રસૂલ-એ-પાક માટે જીવી રહ્યો છું. રસૂલ અલ્લાહ પર બધું જ કુરબાન.”

    હત્યારો કોમના લોકોને કહે છે કે, “ગભરાશો નહીં અને જેટલા લોકોના સર બચ્યા છે એ તમામને કાપી નાંખજો. મોત આવશે તો જન્નત મળશે અને જેલમાં પણ ગયા તોપણ કોઈ વાંધો નહીં. હું એ દાદાઓને પણ કહું છું, જેઓ ઉદયપુર સીટ લઈને બેઠા છે. તેમના માટે એક ભેટ છે, જે મારા ઘરેથી લઇ જજો.” જે બાદ તે લીલા રંગનની બંગડીઓ ઉઠાવે છે અને કહે છે, “આ લીલા રંગની બંગડીઓ છે જે ઉદયપુરના દાદાઓ માટે રાખી છે, જેઓ પોતાના લોકોને જ મારવા અને તેમની સંપત્તિ કબજે કરવા માંડ્યા છે. તમારી એટલી તાકાત પણ નથી કે તમે બિન-મુસ્લિમો સામે અવાજ ઉઠાવી શકો. અલ્લાહ બધાને સર કલમ કરવાની હિંમત નથી આપતો. તમારા માટે એટલું જ કે તમે બંગડીઓ પહેરી લો.”

    તે આગળ કહે છે કે, “તમે આટલી હત્યાઓ કરી દો છો તો શું એક હત્યા રસૂલના નામે નહીં કરી શકો? લાનત છે તમારી ઉપર. અને જેઓ પણ મારો વિડીયો જોઈ રહ્યા છે, સરકારનું ફરમાન છે, ગુસ્તાખ એ નબી કી એક હી સજા, સર તન સે જુદા. મોહમ્મદ રિયાઝ અંસારીને દુઆઓમાં યાદ રાખજો.”

    હિંદુ દરજી કન્હૈયાલાલની ઉદયપુરમાં ભૂતમહલ પાસે સુપ્રીમ ટેલર્સ નામની દુકાન છે. મંગળવારે બપોરે લગભગ 2 વાગ્યે બે શખ્સ આવ્યા હતા અને માપ આપવાના બહાને દુકાનમાં ઘૂસ્યા હતા. એક વિડીયોમાં કન્હૈયાલાલ એ વ્યક્તિનું માપ લેતા દેખાય છે અને બીજો તેનો વિડીયો બનાવી રહ્યો છે. કન્હૈયાલાલ કંઈ પણ સમજી શકે તે પહેલાં જ બંને ઇસ્લામી હત્યારાઓએ તેમની ઉપર હુમલો કરીને હત્યા કરી નાંખી હતી.

    બીજી તરફ, આ ઘટના બાદ રાજસ્થાનના મુખ્યમંત્રીએ કાયદો-વ્યવસ્થાની સ્થિતિ સંભાળવાની જગ્યાએ ઠીકરું કેન્દ્ર સરકાર પર ફોડી મૂક્યું હતું અને કહ્યું કે વડાપ્રધાન નરેન્દ્ર મોદી અને ગૃહમંત્રી અમિત શાહે આ મામલે સંબોધન કરવું જોઈએ. પરંતુ કાયદો અને વ્યવસ્થા રાજ્યનો વિષય છે. 10 દિવસ પહેલાં મળેલી ધમકી મળી હોવા છતાં રાજસ્થાન પોલીસ આંખ બંધ કરીને બેસી રહી હતી. 

    ટ્રકના કન્ટેનરમાં 46 લાશો, 16 બેભાન: ટેક્સસ રાજ્યના સૈન એન્ટોનિયોની હૃદયદ્રાવક ઘટના

    ઑપઇન્ડિયા સ્ટાફ
    -
    0
    ટ્રકના કન્ટેનરમાં 46 લાશો, 16 બેભાન: ટેક્સસ રાજ્યના સૈન એન્ટોનિયોની હૃદયદ્રાવક ઘટના

    ટ્રકના કન્ટેનરમાં 46 લાશો, 16 લોકો બેભાન હાલતમાં મળ્યા, હૃદયદ્રાવક કિસ્સો સામે આવ્યો છે અમેરિકાથી. અહીં ટેક્સાસના સેન એન્ટોનિયોમાં એક ટ્રકની અંદર 46 લોકો મૃત હાલતમાં મળી આવ્યા છે. સૈન એન્ટોનિયો પોલીસે સોમવારે (27 જૂન, 2022) આ ઘટના વિશે માહિતી આપી હતી કે તેમને ટ્રકના કન્ટેનરમાં 46 લાશો મળી છે.

    મીડિયા અહેવાલો અનુસાર, મૃતદેહો ભરેલી આ ટ્રક શહેરના દક્ષિણ બાજુના બહારના ભાગમાં રેલવે ટ્રેક નજીક મળી આવી હતી. જો કે સૈન એન્ટોનિયોની પોલીસે હજુ સુધી આ અંગે કોઈ ટિપ્પણી કરી નથી. પરંતુ આ ઘટનાને માનવ તસ્કરીનો મામલો માનવામાં આવી રહ્યો છે. એવું કહેવામાં આવી રહ્યું છે કે આ લોકોને ટ્રકમાં ભરીને ગેરકાયદેસર રીતે મેક્સિકોથી અમેરિકા લાવવામાં આવી રહ્યા હતા.

    સૈન એન્ટોનિયોની KSAT ચેનલે તેના ટ્વિટર એકાઉન્ટ પર ઘટનાની કેટલીક તસવીરો પોસ્ટ કરી છે. આ તસવીરોમાં પોલીસના વાહનો અને એમ્બ્યુલન્સ એક મોટી ટ્રકની આસપાસ દેખાઈ રહી છે. માનવામાં આવી રહ્યું છે કે આ ગેરકાયદેસર રીતે યુએસમાં પ્રવેશવાનો મામલો છે , કારણ કે જ્યાંથી આ ટ્રક મળી છે તે યુએસ અને મેક્સિકો બોર્ડરથી 250 કિમી દૂર છે. સિટી કાઉન્સિલના વડા એડ્રિયાના રોચા ગાર્સિયાએ જણાવ્યું હતું કે ટ્રકમાં મૃત મળી આવેલા લોકો પ્રવાસીઓ હતા.

    સૈન એન્ટોનિયો પોલીસ ચીફ વિલિયમ પી. મેકમેનસે ફેસબુક લાઈવમાં જણાવ્યું હતું કે, “પોલીસને સોમવારે સાંજે 5:50 વાગ્યે પહેલો કોલ આવ્યો. અમને કહેવામાં આવ્યું કે એક બિલ્ડિંગમાં કામ કરતા કર્મચારીએ કેટલાક લોકોના રડવાનો અવાજ સાંભળ્યો છે. આ પછી, તે બિલ્ડિંગમાંથી બહાર આવ્યો અને ટ્રકની નજીક પહોંચ્યો, જ્યાંથી તેણે જોરથી રડવાનો અવાજ સાંભળ્યો હતો. તેણે જોયું કે ટ્રકનો દરવાજો થોડો ખુલ્લો હતો અને તેની અંદર મૃત લોકો હતા.”

    પીપલ્સના રિપોર્ટ અનુસાર ટ્રકમાંથી 16 લોકોને બેભાન અવસ્થામાં કાઢવામાં આવ્યા હતા. તેઓને હોસ્પિટલમાં દાખલ કરવામાં આવ્યા છે. તેમની સાથે 4 બાળકો પણ છે. ઓછામાં ઓછા પાંચ લોકોની હાલત ગંભીર છે. પોલીસ ચીફ મેકમેનસના જણાવ્યા અનુસાર ત્રણ લોકોને કસ્ટડીમાં લેવામાં આવ્યા છે. જો કે, તેઓ આ મામલામાં સંડોવાયેલા છે કે નહીં તેની હજુ સુધી પુષ્ટિ થઈ શકી નથી.

    ભાજપ કાર્યકર્તાની લાશ ઝાડ પર લટકતી મળી: પશ્ચિમ બંગાળમાં હત્યાઓનો દૌર યથાવત, ટીએમસી પર હત્યાનો આરોપ

    ઑપઇન્ડિયા સ્ટાફ
    -
    0
    ભાજપ કાર્યકર્તાની લાશ ઝાડ પર લટકતી મળી: પશ્ચિમ બંગાળમાં હત્યાઓનો દૌર યથાવત, ટીએમસી પર હત્યાનો આરોપ

    ભાજપ કાર્યકર્તાની લાશ ઝાડ પર લટકતી મળી, આ બિહામણી ખબર છે પશ્ચિમ બંગાળના બાંકુડા જિલ્લાના કોટલદીઘી વિસ્તારની, જ્યાં સોમવારે (27 જૂન, 2022) પાથરચટ્ટી કબીરસ્થાન પાસે 45 વર્ષીય ભાજપ કાર્યકર્તાની લાશ ઝાડ પર લટકતી જોવા મળી હતી. આ વિસ્તાર કોતુલપુર પોલીસ સ્ટેશનની હદમાં આવે છે.

    મીડિયા રિપોર્ટ્સ અનુસાર, મૃતકની ઓળખ સહદેવ ખા તરીકે થઈ છે. બીજેપી રાજ્ય એકમનો આરોપ છે કે પાર્ટી કાર્યકર સહદેવની હત્યા તૃણમૂલ કોંગ્રેસ (TMC) ના ગુંડાઓ દ્વારા કરવામાં આવી હતી, જોકે પોલીસે દાવો કર્યો હતો કે હત્યાના કોઈ પુરાવા મળ્યા નથી.

    તે જ સમયે, પોલીસે પ્રાથમિક તપાસ બાદ એવો પણ દાવો કર્યો છે કે સહદેવે માનસિક હતાશાના કારણે આત્મહત્યા કરી હશે. જો કે મૃતકને અન્ય જગ્યાએ હત્યા કર્યા બાદ મૃતકને અહી લાવીને લટકાવી દેવામાં આવ્યાં હોય તેવું જણાઈ રહ્યું છે.

    જો કે, એવું કહેવામાં આવી રહ્યું છે કે મૃતકના પરિવારે હજુ સુધી કોઈ લેખિત ફરિયાદ નોંધાવી નથી, પરંતુ પોલીસે અકુદરતી મૃત્યુનો કેસ નોંધ્યો હતો. તે જ સમયે, સહદેવના મૃતદેહને પોસ્ટમોર્ટમ માટે બિષ્ણુપુર જિલ્લા હોસ્પિટલમાં મોકલવામાં આવ્યો છે, જેનું વીડિયો રેકોર્ડિંગ પણ કરવામાં આવ્યું છે.

    રિપોર્ટ અનુસાર એવો દાવો કરવામાં આવી રહ્યો છે કે મૃત્યુ પામનાર બીજેપી કાર્યકર આઈસ્ક્રીમ વેચતો હતો. દરમિયાન ભાજપે પોલીસના દાવાઓને ખોટા ગણાવ્યા છે. પક્ષે દલીલ કરી હતી કે સહદેવ કોતુલપુર વિધાનસભા મતવિસ્તારના ગોપાલપુર ઢાક પરામાં બૂથ નંબર 104માં કાર્યરત ભાજપના સક્રિય સભ્ય હતા.

    પાર્ટીનો આરોપ છે કે ઘરે પરત ફરતી વખતે સહદેવની હત્યા કરવામાં આવી હતી અને આત્મહત્યાનો કેસ બનાવવા માટે તેની લાશને ઝાડ પર લટકાવી દેવામાં આવી હતી. ધારાસભ્ય નીલાદ્રી શેખર દાના નેતૃત્વમાં ભાજપે નેશનલ હાઈવે નં.6ને બ્લોક કરીને પ્રદર્શન કર્યું હતું.

    બિષ્ણુપુર નગરપાલિકામાં વિપક્ષના નેતા શુક્લા ચેટરજીએ પણ સહદેવની યાદમાં મૌન કેન્ડલ માર્ચ કાઢી હતી. આ કેસ વિશે વાત કરતી વખતે, પોલીસ અધિક્ષક વૈભવ તિવારીએ કહ્યું, “હત્યાના આરોપો પાયાવિહોણા છે. અમે દરેકને વિનંતી કરીએ છીએ કે સોશિયલ મીડિયા પર ખોટી માહિતી ન ફેલાવો. જ્યારે ભાજપે દાવો કર્યો હતો કે મૃતક સહદેવ પક્ષનો સભ્ય હતો અને કથિત રીતે ટીએમસી સમર્થકો દ્વારા તેની હત્યા કરવામાં આવી હતી, રાજ્યના શાસક પક્ષે આ આરોપને નકારી કાઢ્યો હતો.

    તેમણે કહ્યું, “અમે આ મામલે યોગ્ય તપાસ શરૂ કરી છે. સ્થળની તપાસ કરવામાં આવી છે અને સંજોગોવશાત્ પુરાવા પણ એકત્રિત કરવામાં આવ્યા છે.”

    અગાઉ પણ ભાજપના કાર્યકરનો પુત્રનો મૃતદેહ લટકતો જોવા મળ્યો હતો

    નોંધનીય છે કે આ પહેલા પૂર્વ મેદિનીપુરના ખેજુરીમાં બીજેપી કાર્યકરનો 22 વર્ષીય પુત્ર દેબાશિષ ઝાડ પર લટકેલી હાલતમાં મળ્યા હતા. તે ભાજપના બૂથ કાર્યકર મુક્તિપદા મન્નાના પુત્ર હતા.

    ત્યારે પણ સ્થાનિક ભાજપ નેતૃત્વએ મમતા બેનર્જીની આગેવાની હેઠળની તૃણમૂલ કોંગ્રેસના ગુંડાઓ પર હત્યાનો આરોપ લગાવ્યો હતો . જોકે, ત્યારે પણ પશ્ચિમ બંગાળ પોલીસે દાવો કર્યો હતો કે મન્નાએ આત્મહત્યા કરી છે.

    ચોંકાવનારી વાત એ છે કે જે દિવસે કેન્દ્રીય ગૃહમંત્રી અમિત શાહ પશ્ચિમ બંગાળની મુલાકાતે ગયા હતા, તે જ દિવસે તેઓ મૃત હાલતમાં મળી આવ્યા હતા. ગૃહમંત્રી અમિત શાહે તેમની મુલાકાત દરમિયાન મમતા બેનર્જીના નેતૃત્વવાળી સરકાર પર રાજકીય હિંસા અને રાજકીય હત્યાની સંસ્કૃતિને પ્રોત્સાહન આપવાનો આરોપ લગાવ્યો હતો.

    નૂપુર શર્માના સમર્થનમાં પોસ્ટ કરવા બદલ ઉદયપુરમાં હિંદુ વ્યક્તિની હત્યા: વિડીયો જારી કરીને હત્યારાઓએ પીએમ મોદીને પણ આપી ધમકી

    ઑપઇન્ડિયા સ્ટાફ
    -
    0
    નૂપુર શર્માના સમર્થનમાં પોસ્ટ કરવા બદલ ઉદયપુરમાં હિંદુ વ્યક્તિની હત્યા: વિડીયો જારી કરીને હત્યારાઓએ પીએમ મોદીને પણ આપી ધમકી

    રાજસ્થાનના ઉદયપુરમાં કટ્ટરવાદી હુમલાખોરે નુપુર શર્માના સમર્થન કરવા બદલ હત્યા કરવાનો ચોંકાવનારો કિસ્સો સામે આવ્યો છે. નૂપુર શર્માને ટેકો આપનાર વ્યક્તિની તેમની દુકાનમાં ઘૂસીને હત્યા કરવામાં આવી છે. હત્યારાઓએ નિર્દયતાથી કનૈયાલાલનું ગળું કાપ્યું હતું અને વિડીયો પણ બનાવ્યો હતો. હત્યા બાદ હત્યારાઓ ફરાર થઇ ગયા હતા.

    તીક્ષ્ણ હથિયાર વડે કનૈયાલાલનું ગળું કાપી નાખ્યું

    હત્યાની આ ભયાનક ઘટના ઉદયપુરમાં આવેલ માલદાસ સ્ટ્રીટ વિસ્તારમાં બની હતી. દરજી પર તિક્ષ્ણ હથિયાર વડે હુમલો કરવામાં આવ્યો હતો અને કનૈયાલાલનું ગળું કાપ્યું અને હત્યા કરી નાંખવામાં આવી હતી. મૃતકે થોડા દિવસો પહેલા નૂપુર શર્માના સમર્થનમાં સોશિયલ મીડિયા પર કેટલીક પોસ્ટ કરી હતી. જોકે પોસ્ટ કર્યા બાદ તેણે સતત ધમકીઓ મળી રહી હતી, જે બાદ મૃતકે થોડા દિવસો માટે પોતાની દુકાન બંધ રાખી હતી. તાજેતરમાં તેમણે પોતાની દુકાન ખોલતા ગ્રાહકના સ્વાંગમાં આવેલા મુસ્લિમ હત્યારાઓએ મોકો મળતા વેપારીના ગાળામાં ધારદાર હથિયારના ઉપરા ઉપરી ઘા જીકીને ઘાતકી હત્યા કરી હતી.

    હત્યાનો વિડીયો વાયરલ

    ઉદયપુરનો આ હત્યાકાંડ સંપૂર્ણ રીતે પૂર્વ આયોજિત હોવાનું જણાઈ આવે છે, કારણકે હત્યાની ઘટના કેમેરામાં કેદ કરવામાં આવી હતી, વિડીયોમાં જોઈ શકાય છે કે એક વ્યક્તિ મૃતકને પોતાનું માપ આપી રહ્યો છે, અને અચાનકજ મૃતકના ગાળામાં ધારદાર હથીયારથી ઘા મારે છે, આ વિડીયો હાલ સોસિયલ મીડિયામાં વાયરલ થઇ રહ્યો છે.

    હત્યા બાદ પ્રધાનમંત્રી નરેન્દ્ર મોદીને ધમકી

    આ હત્યાના વિડીયો વાયરલ થયા બાદ અન્ય એક વિડીયો પણ સોસિયલ મીડિયામાં વાયરલ થઇ રહ્યો છે, જેમાં હત્યારા કટ્ટરપંથી મુસ્લિમ યુવકો હાથમાં ઘાતકી હથિયાર રેલાવતા કટ્ટરવાદી બફાટ કરતા જોવા મળી રહ્યા છે. વિડીયોમાં બંને હત્યારાઓ ઉદયપુર હત્યાકાંડનો ઉલ્લેખ કરીને પ્રધાનમંત્રી મોદીનું સર કલમ કરવાની વાત કરતા જોવા મળી રહ્યા છે.

    વીડિયોમાં, હત્યારાઓ તલવાર પર લોહી અને ચહેરા પર ક્રૂર હાસ્ય સાથે કહે છે, “હું મોહમ્મદ રિયાઝ અન્સારી અને આ અમારા ગૌસ મોહમ્મદ ભાઈ છે, જેમણે ઉદયપુર વાળાનું માથું કાપી નાખ્યું છે.” મઝહબી નારો લગાવીને “અમે તમારા માટે જીવીશું અને તમારા માટે મરીશું.” હુમલાખોરે પીએમ મોદીની ગરદન કાપવાની અને નુપુર શર્માને ધમકાવીને કહ્યું, “સુન યે નરેન્દ્ર મોદી, આગ તે લગાડી, બુઝાવીશું અમે, ઇન્સાલ્લાહ, હું અલ્લાને દુવા કરું છું કે આ છરી ચોક્કસપણે તારી ગરદન સુધી પહોંચે.” અને તે કૂ#$@# સુધી પણ પહોંચે. ઉદયપુરની જનતાએ પયગમ્બરના નારા લગાવવા જોઈએ, ગુસ્તાખે નબીકી એક સજા, સર તન સે જુદા.”

    હત્યા સામે વિરોધ

    નોંધપાત્ર વાત એ છે કે હત્યાની માહિતી મળતાં જ વેપારીઓએ વિરોધમાં બજાર બંધ કરી દીધું હતું. આ બર્બર ઘટના સામે સ્થાનિક લોકોએ પ્રદર્શન પણ કર્યું હતું. આ સમયે ભરેલા અગ્નિ જેવા તણાવને જોતા ભારે પોલીસ દળ સ્થળ પર હાજર છે.

    ઉદયપુરની ઘટનાને લઈને ઉચ્ચ સ્તરીય બેઠક

    ઉદયપુર ઘટનાને લઈને ઉચ્ચ સ્તરીય બેઠક ચાલી રહી છે. મુખ્ય સચિવ ઉષા શર્માના સ્તરે બેઠક યોજાઈ રહી છે. અધિક મુખ્ય સચિવ ગૃહ, ડીજીપી, ડીજી ઈન્ટેલિજન્સ અને અન્ય સંબંધિત અધિકારીઓ પણ વીડિયો કોન્ફરન્સિંગ દ્વારા બેઠક સાથે જોડાયેલા છે. આ ઘટના અંગેની સૂચના બેઠક બાદ જારી કરવામાં આવશે. બેઠકમાં કાયદો અને વ્યવસ્થાની સ્થિતિ અંગે ચર્ચા કરવામાં આવી રહી છે.

    હત્યારાઓની ધરપકડ

    અહેવાલ મુજબ બંને આરોપીઓની ધરપકડ કરી લેવામાં આવી છે. અહેવાલ અનુસાર રાજ્યવર્ધનસિંહ રાઠોડ દ્વારા નિવેદન આપવામાં આવ્યું છે કે રાજસમંદના ભીમ વિસ્તારમાં નાકાબંધી દરમિયાન આરોપીઓને ઝડપી લેવામાં આચ્યા છે, આ ઉપરાંત આખા રાજસ્થાનમાં ઈન્ટરનેટ સેવા સ્થગિત કરી દેવામાં આવી છે. તથા અનેક વિસ્તારોમાં ધારા 144 લાગું કરીને સ્થિતિ કાબુમાં લેવાની કોશિશ રાજસ્થાન સરકાર અને પ્રશાશન કરી રહી છે .

    ભારતીય કલા અને સાંસ્કૃતિક વારસાને વિશ્વ સ્તરે મુક્તા પ્રધાનમંત્રી નરેન્દ્ર મોદીઃ G-7 દેશોના નેતાઓને આપી ભારતીય ભેટો

    ઑપઇન્ડિયા સ્ટાફ
    -
    0
    ભારતીય કલા અને સાંસ્કૃતિક વારસાને વિશ્વ સ્તરે મુક્તા પ્રધાનમંત્રી નરેન્દ્ર મોદીઃ G-7 દેશોના નેતાઓને આપી ભારતીય ભેટો

    વડાપ્રધાન નરેન્દ્ર મોદી મંગળવારે (28 જૂન 2022) જર્મનીમાં G7 સમિટમાં હાજરી આપ્યા બાદ સંયુક્ત આરબ અમીરાત (UAE) જવા રવાના થયા હતા. જર્મનીમાં યોજાયેલી G-7 જૂથના સભ્ય દેશો સાથેની સમિટમાં વડાપ્રધાન મોદીએ યુએસ, યુકે સહિત કેનેડા, ફ્રાન્સ, જર્મની, ઈટાલી, જાપાનના દેશોના વડાઓ સાથે વાતચીત કરી હતી. આ દરમિયાન તેમણે વૈશ્વિક નેતાઓને ભારતીય સંસ્કૃતિનો પરિચય કરાવતી અનોખી વસ્તુઓ ભેટ આપી હતી.

    વડાપ્રધાન દ્વારા આપવામાં આવતી ભેટોનો પોતાનો સાંસ્કૃતિક ઇતિહાસ અને પરંપરા છે. આ ભેટ ભારતના વિવિધ ભાગોની ઓળખ અને કલાની વિશેષતા જણાવે છે. જેમાં રામાયણ થીમ આધારિત ડોકરા આર્ટ, ટેબલ ટોપ્સ, ટી સેટ અને ઝરી જરદોઝી બોક્સ જેવી વસ્તુઓનો સમાવેશ થાય છે. પ્રધાનમંત્રી નરેન્દ્ર મોદી હાલમાં G7 દેશોની બેઠકમાં પહોંચ્યા હતા ત્યારે હંમેશા કંઈક અલગ કરવા માટે જાણીતા નરેન્દ્ર મોદી આ વખતે ભારતીય સંસ્કૃતિને વિશ્વ પટલ પર સમ્માન મળે તેવો પ્રયત્ન કર્યો છે.

    નરેન્દ્ર મોદી જ્યારે જ્યારે પણ વિદેશ પ્રવાસે હોય છે ત્યારે તેઓ ભારતીયના સાંસ્કૃતિક વરસાને વિશ્વ પટલ પર મુક્તા આવ્યા છે જેમા ઘણીવાર ભારતીય ભેટો વિશ્વ નેતાઓને આપે છે તો ઘણીવાર વિશ્વ માંથી ભારતીય મૂર્તિઓ પાછી પણ લાવે છે. G-7 દેશોની આ બેઠક દરમિયાન નરેન્દ્ર મોદીએ તેમના વૈશ્વિક મિત્રો માટે અલગ અલગ કલાકૃતિઓ ભેટ ધરી હતી જે ભેટો ભારતીય વાસ્તુ અને લોકકળાને બેનમૂન નમૂનાઓ હતા.

    વડાપ્રધાન નરેન્દ્ર મોદીએ છત્તીસગઢથી આર્જેન્ટિનાના રાષ્ટ્રપતિ આલ્બર્ટો ફર્નાન્ડીઝને નંદી-થીમ આધારિત ડોકરા કળા ભેટ કરી હતી. આ વિશિષ્ટ આર્ટવર્ક ‘નંદી – ધ મેડિટેટિવ ​​બુલ’ની આકૃતિ છે. હિન્દુ પૌરાણિક કથાઓ અનુસાર, નંદીને વિનાશના દેવતા અને ભગવાન શિવનું વાહન માનવામાં આવે છે. પ્રધાનમંત્રીએ દક્ષિણ આફ્રિકાના રાષ્ટ્રપતિ સિરિલ રામાફોસાને રામાયણ થીમ આધારિત ડોકરા આર્ટવર્ક ભેટ આપ્યું હતું. આ કળા પણ છત્તીસગઢની છે. ભારતમાં 4,000 વર્ષથી વધુ સમયથી મેટલ કાસ્ટિંગનો આ પ્રકારનો ઉપયોગ કરવામાં આવે છે.

    (તસ્વીર સાભાર: Mint)

    વડાપ્રધાન નરેન્દ્ર મોદીએ G-7 પ્રવાસ દરમિયાન અમેરિકી રાષ્ટ્રપતિ જો બિડેન અને તેમના ધર્મ પત્ની માટે વારાણસીથી ગુલાબી મીનાકારીગરી સાથેનું બ્રોચ આપ્યું હતું. પીએમ મોદીએ જાપાનના વડાપ્રધાન ફ્યુમિયો કિશિદાને નિઝામાબાદથી માટીના ખાસ વાસણો ભેટ કર્યા. જેમાં ખાસ ટેક્નોલોજીનો ઉપયોગ કરવામાં આવ્યો છે. તે સુનિશ્ચિત કરવામાં આવે છે કે ઘડામાં ઓક્સિજન પ્રવેશવા માટે કોઈ જગ્યા નથી અને ગરમીનું સ્તર ઊંચું રહે છે.

    પીએમ નરેન્દ્ર મોદીએ ફ્રાન્સના રાષ્ટ્રપતિ ઈમેન્યુઅલ મેક્રોનને લખનૌની ખાસ જરદોઝી બોક્સમાં અત્તરની શીશીઓ ભેટમાં આપી હતી. જરદોઝી બોક્સ પર ફ્રેન્ચ રાષ્ટ્રધ્વજના રંગોમાં હાથથી ભરતકામ કરી સૌદર્ય કરવામાં આવ્યું હતું.

    સાંગલી સામૂહિક હત્યાકાંડમાં ઈલ્મી-અબ્બાસની ધરપકડ, સેક્યુલર મીડિયાની મુસ્લિમ જાદુગરને તાંત્રિક કહી હિંદુ વળાંક આપવાનો પ્રયાસ

    ઑપઇન્ડિયા સ્ટાફ
    -
    0
    સાંગલી સામૂહિક હત્યાકાંડમાં ઈલ્મી-અબ્બાસની ધરપકડ, સેક્યુલર મીડિયાની મુસ્લિમ જાદુગરને તાંત્રિક કહી હિંદુ વળાંક આપવાનો પ્રયાસ

    સાંગલી સામૂહિક હત્યાકાંડમાં ઈલ્મી-અબ્બાસની પરિવારને ઝેર આપવા બદલ ધરપકડ થઇ હતી, પરંતુ ભારતની મોટી મોટી મીડિયા એજન્સી અવાર નવાર આરોપીઓમાં ધાર્મિક રમત રમવાનું ચૂકતું નથી. સાંગલી પરિવારના નવ સભ્યોને કથિત રીતે ઝેર આપનાર એક મુસ્લિમ ઈલ્મીને ‘તાંત્રિક’ કહીને, આજ તક, ન્યૂઝ 18, હિન્દુસ્તાન ટાઈમ્સ અને ધ ઈન્ડિયન એક્સપ્રેસ જેવી ઘણી પ્રખ્યાત મીડિયા એજન્સીઓએ મંગળવારે આ ઘટનાને હિંદુ વળાંક આપવાની કોશીસ કરી હતી. સાંગલી સામૂહિક હત્યાકાંડમાં ઈલ્મી-અબ્બાસની ધરપકડ કરવામાં આવી હતી.

    સામાન્ય ભાષામાં, ‘તાંત્રિક’ શબ્દનો અર્થ “તંત્ર વિદ્યા”નો અભ્યાસ કરનાર તેવો થાય છે, અને આ શબ્દ મુખ્યત્વે હિંદુ ધર્મ સાથે સંકળાયેલો છે, આ જધન્ય અપરાધમાં અપરાધીને તાંત્રિક શબ્દથી ઉલ્લેખ કરવો તે એક હિંદુ વ્યક્તિએ ગુનો કર્યો હોવાની ધારણા તરફ દોરી જાય છે.

    20 જૂનના રોજ, એક જ પરિવારના નવ સભ્યો એટલે કે ડો. માણિક વનમોર (49) જેઓ એક પશુચિકિત્સક હતા, એક આર્ટ ટીચર પોપટ વનમોર (52), તેમની માતા, પત્ની અને બે યુગલોના ચાર બાળકો તેમના ઘરની અંદર મૃત હાલતમાં મળી આવ્યા હતા. મહારાષ્ટ્રના સાંગલીમાં. પ્રાથમિક તપાસ અને પુરાવાઓ મુજબ સ્થાનિક પોલીસને આ એક સામૂહિક આત્મહત્યાનો મામલો હોવાની શંકા હતી. એવું જાણવા મળ્યું હતું કે પરિવારની કથળેલી આર્થિક સ્થિતિને કારણે પરિવારના સભ્યોએ ઝેર પી લીધું હતું અને આત્મહત્યા કરી હતી. જો કે હવે આ કેસની વધુ તપાસમાં બહાર આવ્યું છે કે આ આત્મહત્યાનો કેસ નથી પરંતુ ઠંડા કલેજે થયેલી હત્યાનો મામલો છે.

    સાંગલી પોલીસે માહિતી આપી હતી કે અબ્બાસ મોહમ્મદ અલી બાગવાન નામના એક મુસ્લિમ ઈલ્મી અને તેના સાથીઓએ સાંગલીમાં આખા પરિવારને ચામાં ઝેર આપીને હત્યા કર્યા બાદ ઘટનાને આત્મહત્યામાં ખપાવી દેવાની કોશિશ કરી હતી.

    આ ઘટના પર પોલીસ મહાનિરીક્ષક (કોલ્હાપુર રેન્જ) મનોજ કુમાર લોહિયાએ પીટીઆઈને જણાવ્યું હતું કે “અમે અબ્બાસ અને તેના ડ્રાઈવરની હત્યાના આરોપમાં ધરપકડ કરી છે. તપાસમાં જાણવા મળ્યું છે કે આ બે લોકોએ કથિત રીતે પરિવારના નવ સભ્યોને ઝેર આપીને મોતને ઘાટ ઉતારી દીધા હતા. એક પોલીસ અધિકારીએ જણાવ્યું કે ભારતીય દંડ સંહિતા (IPC)ની કલમ 302 (હત્યા માટેની સજા) લાગુ કરવામાં આવશે.

    અહેવાલો અનુસાર, અબ્બાસે મૃતકના પરિવાર પાસેથી તેમના માટે ગુપ્ત ધન શોધવાના બહાને એક મોટી એવી રકમ પડાવી લીધી હતી. જ્યારે તે ‘ગુપ્ત ધન’ શોધવામાં સફળ ન થયો ત્યારે પરિવારે અબ્બાસ પર પૈસા પરત કરવા દબાણ કરવાનું શરૂ કર્યું. અહેવાલો અનુસાર પૈસા પરત ન કરવા પડે તે માટે અબ્બાસે આખા પરિવારની હત્યા કરી દીધી હતી.

    ન્યૂઝ18 મુસ્લિમ ઈલ્મીને ‘તાંત્રિક’ માં ખપાવે છે

    ગુનાના ગુનેગારના નામ તેમના પોતાના અહેવાલમાં સ્પષ્ટપણે ઉલ્લેખ્યા હોવા છતાં, ન્યૂઝ 18 એ ગુનાને હિંદુ વળાંક આપવાના પ્રયાસમાં મુસ્લિમ ગુનેગારને ‘તાંત્રિક’ તરીકે ઓળખાવ્યો હતો.

    સાભાર News18

    ન્યૂઝ 18 એ તેના અહેવાલમાં સ્પષ્ટપણે ઉલ્લેખ કર્યો છે કે આરોપી અબ્બાસ મોહમ્મદ અલી બાગવાન નામનો મુસ્લિમ ઈલ્મી છે. જો કે ગુનાને ‘ધર્મનિરપેક્ષ’ બનાવવાના પ્રયાસમાં, ન્યૂઝ18, તેના અહેવાલમાં, આરોપીને ‘તાંત્રિક’ તરીકે ઉલ્લેખીને દેશની જનતાને ગેરમાર્ગે દોરી જવાનો પ્રયાસ કરતું નજરે પડે છે.

    માત્ર ન્યૂઝ 18 જ નહીં, પણ ટીવી ટુડે નેટવર્કની છત્રછાયા હેઠળ કાર્યરત લોકપ્રિય હિન્દી ન્યૂઝ ચેનલ, આજ તક પણ આ સામૂહિક આત્મહત્યાના કેસમાં ધરપકડ કરાયેલ વ્યક્તિ તાંત્રિક હોવાનો દાવો કરીને ધાર્મિક વળાંક આપવાની કોશિશ કરતી જોવા મળી હતી.

    સાભાર Aajtak

    હિન્દુસ્તાન ટાઈમ્સ અને ધ ઈન્ડિયન એક્સપ્રેસ જેવા ‘સેક્યુલર’ મીડિયા હાઉસે મુસ્લિમ ઈલ્મીને ‘મંત્રિક’ અથવા ‘ગોડ મેન’ તરીકે ઓળખ આપી હતી.

    સાભાર Hindustan Times
    સાભાર Indian Express

    અન્ય ધર્મના ગુનેગરોનની ઓળખ છાવરવા સેક્યુલર મીડિયાના કાવતરા

    આ પહેલીવાર નથી જયારે ન્યુઝ ચેનલો અને સમાચાર એજન્સીઓ દ્વારા મુસ્લિમ કે અન્ય લઘુમતી ધર્મના ગુનેગારોને શબ્દોની માયાજાળ રાચીને ધાર્મિક વળાંક આપવામાં આવ્યો હોય, આવા અનેક કિસ્સાઓ છે જેમાં ગુનેગારની ધાર્મિક ઓળખ છુપાવવા માટે હિંદુ ધર્મને લગતા શબ્દો પ્રયોજવામાં આવ્યા હોય, તેમના આ કૃત્યથી સમાજમાં ધર્મ પ્રત્યે ઘૃણા અને નફરતને વેગ મળે છે. અને અસંખ્ય લોકોની ધાર્મિક લાગણીઓ દુભાય છે, Opindia શરૂઆતથીજ આ પ્રકરના બેવડા વલણને ઉજાગર કરતું આવ્યું છે, અને કરતું રહેશે.

    મોહમ્મદ ઝુબૈરને ચાર દિવસની પોલીસ કસ્ટડી, પોલીસે કહ્યું- તપાસમાં પૂરતો સહયોગ આપી રહ્યો નથી

    ઑપઇન્ડિયા સ્ટાફ
    -
    0
    મોહમ્મદ ઝુબૈરને ચાર દિવસની પોલીસ કસ્ટડી, પોલીસે કહ્યું- તપાસમાં પૂરતો સહયોગ આપી રહ્યો નથી

    ધાર્મિક ભાવનાઓ ભડકાવવાના આરોપસર પકડાયેલા ઑલ્ટ ન્યૂઝના મોહમ્મદ ઝુબૈરને ગઈકાલે  પકડ્યા બાદ એક દિવસના રિમાન્ડ મંજૂર કરવામાં આવ્યા હતા. રિમાન્ડ પૂર્ણ થતાં ઝુબૈરને દિલ્હીની પટિયાલા હાઉસ કોર્ટના ચીફ મેટ્રોપોલિટન મેજિસ્ટ્રેટ સમક્ષ રજૂ કરવામાં આવ્યો હતો. કોર્ટે ઝુબૈરને ચાર દિવસની પોલીસ કસ્ટડીમાં મોકલી આપવામાં આવ્યો છે.

    દિલ્હી પોલીસે ઝુબૈરના પાંચ દિવસના રિમાન્ડની માંગ કરી હતી. પોલીસે કહ્યું હતું કે, તેની વિરુદ્ધ અલગ-અલગ કેસમાં અન્ય FIR પણ દાખલ કરવામાં આવી છે, જેની તપાસ કરવી જરૂરી છે.

    રિપોર્ટ અનુસાર, ઝુબૈર ધરપકડ બાદ તપાસ અને પૂછપરછમાં પૂરતો સહયોગ આપી રહ્યો ન હતો. પોલીસે કહ્યું કે તેણે મોટાભાગના સવાલોના જવાબો આપ્યા ન હતા અને ડોક્યુમેન્ટ પર હસ્તાક્ષર કરવાનો પણ ઇનકાર કરી દીધો હતો. તેમજ તેણે કહ્યું હતું કે, જે ફોનમાંથી તેણે 2018 માં આ ટ્વિટ કર્યાં હતાં, તે ફોન ખોવાઈ ગયો છે. બંને પક્ષે દલીલો સાંભળ્યા બાદ કોર્ટે ઝુબૈરને ચાર દિવસની પોલીસ કસ્ટડીમાં મોકલી આપ્યો છે.

    કોર્ટમાં ઝુબૈર તરફથી વકીલ વૃંદા ગ્રોવરે દલીલો રજૂ કરી હતી. તેમણે દાવો કરતા કહ્યું હતું કે ટ્વિટમાં કશું પણ આપત્તિજનક નથી. તેમણે દાવો કર્યો કે, જે ટ્વિટને લઈને વિવાદ થયો છે તે એક ફિલ્મની તસ્વીર છે અને તેમાં કોઈ પણ પ્રકારનું એડિટિંગ થયું ન હતું. તેમણે કહ્યું હતું કે, આ એક ફિલ્મનું દ્રશ્ય છે અને તેમાં હનીમૂન પર જતા લોકોની મજાક ઉડાવવામાં આવી છે. તેમજ તેમણે પોલીસ રિમાન્ડની કૉપી પણ આપવામાં ન આવી હોવાનો પોલીસ પર આરોપ લગાવ્યો હતો.

    મોહમ્મદ ઝુબૈર પર દાખલ થયેલ FIRમાં જણાવવામાં આવ્યું છે કે, તેણે ભગવાન હનુમાનની મજાક ઉડાવી હતી. આરોપ છે કે તેણે હનુમાનજી ને ‘હનીમૂન’ સાથે જોડ્યા હતા. હિંદુ ધર્મમાં હનુમાનજીને બાલ બ્રહ્મચારી કહેવામાં આવ્યા છે. આ ટ્વિટ સામાજિક ભાવનાઓ ભડકાવતું અને શાંતિ અને સામંજસ્યતા માટે જોખમરૂપ હોવાનું કહીને ફરિયાદ નોંધાવવામાં આવી છે. આ FIR ‘હનુમાન ભક્ત’ નામના ટ્વિટર હેન્ડલ દ્વારા કરવામાં આવેલ ફરિયાદના આધારે દાખલ કરવામાં આવી છે.

    બીજી તરફ, જે ટ્વિટર યુઝરની ફરિયાદના આધારે મોહમ્મદ ઝુબૈર વિરુદ્ધ કાર્યવાહી કરવામાં આવી તેણે ઝુબૈરના સાથીદાર અને ઑલ્ટ ન્યૂઝના સહ-સ્થાપક પ્રતીક સિન્હા વિરુદ્ધ પણ કાર્યવાહીની માંગ કરીને ફરિયાદ કરી છે. 

    પોતાના ટ્વિટમાં યુઝર @balajikijaiin પ્રતીક સિન્હાનું એક ટ્વિટ ક્વોટ કરીને લખે છે કે, “આને તમે શું કહેશો? આ વ્યક્તિ ખુલ્લેઆમ હિંદુઓની ધાર્મિક સ્વતંત્રતા પર પ્રહાર કરી રહ્યો છે. દિલ્હી પોલીસ અને સાયબર ક્રાઇમ સેલના ડીસીપી કૃપા કરીને કાર્યવાહી કરે.”

    પ્રતીક સિન્હાના (Pratik Sinha) જે ટ્વિટને લઈને ફરિયાદ કરવામાં આવી છે તે સપ્ટેમ્બર 2015 માં કરવામાં આવ્યું હતું. જેમાં પ્રતીકે ભગવાન ગણેશની મજાક ઉડાવી હતી અને પ્રશ્ન કર્યો હતો કે શું હાથીના માથાવાળો પણ કોઈ વ્યક્તિ હોય શકે છે? આ જ ટ્વિટને લઈને હવે પ્રતીક સિન્હા વિરુદ્ધ ફરિયાદ કરી કાર્યવાહી કરવાની માંગ કરવામાં આવી રહી છે.

    રિલાયન્સ જિયોના ડાયરેક્ટર પદેથી મુકેશ અંબાણીનું રાજીનામું, આકાશ અંબાણીના હાથમાં કમાન સોંપાઈ

    ઑપઇન્ડિયા સ્ટાફ
    -
    0
    રિલાયન્સ જિયોના ડાયરેક્ટર પદેથી મુકેશ અંબાણીનું રાજીનામું, આકાશ અંબાણીના હાથમાં કમાન સોંપાઈ

    ઉદ્યોગપતિ મુકેશ અંબાણીએ ટેલિકોમ યુનિટ રિલાયન્સ જિયોના ડાયરેક્ટર પદેથી રાજીનામું આપી દીધું છે. બીજી તરફ, આકાશ અંબાણીને રિલાયન્સ જિયોના ચેરમેન નિયુક્ત કરવામાં આવ્યા છે. સોમવારે (27 જૂન 2022) કંપનીની બોર્ડ મિટિંગ યોજાઈ હતી, જેમાં રિલાયન્સ જિયોના બોર્ડે આકાશ અંબાણીને બોર્ડના ચેરમેન નિયુક્ત કરવા માટે મંજૂરી આપી હતી. 

    કંપનીએ જણાવ્યું કે પંકજ મોહન પવારને આગામી પાંચ વર્ષ માટે મેનેજિંગ ડાયરેક્ટર બનાવવામાં આવ્યા છે. આ ઉપરાંત રમિન્દર સિંહ ગુજરાલ અને કે.વી ચૌધરીને પણ પાંચ વર્ષ માટે ડાયરેક્ટર નિયુક્ત કરવામાં આવ્યા છે. તેમની વરણી 27 જૂન 2022ના રોજથી જ પ્રભાવી માનવામાં આવશે. સેબીને આપવામાં આવેલ જાણકારી અનુસાર, મુકેશ અંબાણીએ 27 જૂન 2022 ના રોજ જ રિલાયન્સ જિયોના ડાયરેક્ટર પદેથી રાજીનામું આપી દીધું હતું. 

    આકાશ અંબાણી હાલ કંપનીના નોન-એક્ઝિક્યુટિવ ડાયરેક્ટર હતા, જેમને હવે ચેરમેન નિયુક્ત કરવામાં આવ્યા છે. જોકે, મુકેશ અંબાણી ફ્લેગશિપ કંપની જિયો પ્લેટફોર્મ્સ લિમિટેડના ચેરમેન પદે યથાવત રહેશે. રિલાયન્સ જિયો ઇન્ફોકૉમ સહિત જિયોની ડિજિટલ સર્વિસિઝ બ્રાન્ડ્સના માલિકી હક જિયો પ્લેટફોર્મ્સ લિમિટેડ પાસે છે. 

    આકાશ અંબાણીને એવા સમયે રિલાયન્સ જિયોના ચેરમેન નિયુક્ત કરવામાં આવ્યા છે જયારે દેશમાં આગામી કેટલાક મહિનામાં 5G નેટવર્ક શરૂ કરવાની તૈયારી કરવામાં આવી રહી છે. જોકે, છેલ્લા કેટલાક સમયમાં કંપનીએ ડિજિટલ સેક્ટરમાં અનેક કંપનીઓનું અધિગ્રહણ કર્યું હતું, જેમાં આકાશ અંબાણીએ અગત્યની ભૂમિકા ભજવી હતી. સાથે જ તેઓ નવી ટેક્નોલોજીના વિકાસમાં પણ કંપની સાથે નજીકથી જોડાયેલા રહ્યા હતા. જિયોની 4G ટેક્નોલોજી સાથે જોડાયેલ ડિજિટલ ઇકોસિસ્ટમ તૈયાર કરવામાં પણ તેમની ભૂમિકા અગત્યની રહી છે.

    ગત વર્ષે નવેમ્બરમાં એક રિપોર્ટમાં જણાવવામાં આવ્યું હતું કે મુકેશ અંબાણી આગામી પેઢીને કારોબાર સોંપવાની તૈયારી કરી રહ્યા છે. રિપોર્ટમાં દાવો કરવામાં આવ્યો હતો કે ઓઇલથી લઈને ટેલિકોમ સુધી ફેલાયેલા આ કારોબાર માટે ઉત્તરાધિકારીમાં મુકેશ અંબાણી સેમ વૉલ્ટન પરિવારનો રસ્તો અપનાવશે. નોંધવું જોઈએ કે દુનિયાના સૌથી મોટા રિટેલ ચેન Walmart Inc ના સ્થાપક સેમ વૉલ્ટને ઉત્તરાધિકાર માટે એક સરળ મોડેલ અખ્તિયાર કર્યું હતું. તેમનો મંત્ર હતો કે, ‘પરિવારને કેન્દ્રમાં રાખવામાં આવે પરંતુ મેનેજમેન્ટ અલગ-અલગ વ્યક્તિને વહેંચી દેવામાં આવે. હવે મુકેશ અંબાણીએ રિલાયન્સ જિયોના ડિરેક્ટર પદેથી રાજીનામું આપી કમાન પુત્ર આકાશને સોંપી છે.

    કુખ્યાત ચીખલીગર ગેંગ સુરત પોલીસના સકંજામાં, દિલધડક ધરપકડનો વિડીયો થયો વાયરલ

    ઑપઇન્ડિયા સ્ટાફ
    -
    0
    કુખ્યાત ચીખલીગર ગેંગ સુરત પોલીસના સકંજામાં, દિલધડક ધરપકડનો વિડીયો થયો વાયરલ

    ચીખલીગર ગેંગ સુરત પોલીસના સકંજામાં આવી ગઈ છે, સમગ્ર રાજ્યમાં આતંક ફેલાવતી ચીકલીખર ગેંગ આખરે સુરત પોલીસ દ્વારા પોલીસ પકડમાં આવી છે. આ વખતે પોલીસે ચીખલીગર ગેંગને ઝડપી લીધી છે. ગઇકાલે સુરત પોલીસે ચીખલીગર ગેંગને આંતરીને ફિલ્મી ઢબે પકડી પાડી છે. સુરત ક્રાઇમ બ્રાન્ચે મોટુ ઓપરેશન પાર પાડ્યુ છે. આ સમયે ક્રાઇમબ્રાન્ચ અને ચીકલીગર ગેંગ વચ્ચે ફિલ્મી દ્રશ્યો સર્જાયા હતા. અને અંતે ચીખલીગર ગેંગ સુરત પોલીસના સકંજામાં આવી ગઈ છે.

    આ દ્રશ્યો સર્જાયા હતા સુરત શહેરના દસ્તાન ફાટકના રોડ પર, જ્યાં પોલીસે ચીખલીગર ગેંગના 3 સભ્યોને ઝડપી લીધા છે. ગેંગને ઝડપી પાડવા ક્રાઇમ બ્રાંચે જેસીબી વચ્ચે મુકીને ગાડી પર લાઠીઓ મારવાની શરૂ કરી હતી. જેમાં ગેંગ ભાગવામા સફળ તો થઇ પરંતુ તેમની કાર જેસીબી સાથે અથડાઇ ગઇ હતી. આ આખી ઘટનાનો લાઇવ વીડિયો સામે આવ્યો છે.

    બારડોલી દાસ્તાન ફાટક પાસેથી ઈકો કારમાં સવાર થઈને પસાર થઈ રહેલી ચીકલીગર ગેંકના 3 સભ્યો પોલીસે પકડી પાડ્યા છે. પોલીસને જોતા જ તેમણે કાર રિવર્સમાં લીધી હતી, પરંતુ પોલીસ તેમને છટકવા દીધા ન હતા. પોલીસે કાર પર લાકડાથી હુમલો કર્યો હતો .

    આ વાયરલ વીડિયોમાં દેખાઇ રહ્યુ છે કે, પોલીસ અને ગેંગ વચ્ચે ઝપાઝપી થઇ હતી. જે બાદ કાર જેસીબી સાથે અથડાતા દોડતા પોલીસકર્મીઓએ આ ગેંગના ત્રણ સભ્યોને ઝડપી લીધા હતા. શહેરના બારડોલીના દસ્તાન ફાટક પાસેથી ચીખલીગર ગેંગના સભ્યો ઇકો લઇને જઇ રહ્યાં હતા. તે દરમિયાન ક્રાઇમ બ્રાંચની ટીમે કારને રોકી હતી. જોકે પહેલા તેઓ ભાગવામાં સફળ રહ્યા હતા. જે બાદ કાર પર ડંડા અને ધોકાવાળી કરીને તેમજ ચીખલીગર ગેંગના સભ્યો ફરાર ન થઇ જાય એ માટે કારને રોકવા વચ્ચોવચ બુલડોઝર પણ મૂકવામાં આવ્યું હતું

    કેવી રીતે પાર પડ્યું ઓપરેશન

    ક્રાઈમ બ્રાન્ચની ટીમને બાતમી મળી હતી કે, ઈકો કારમાં સવાર થઈને ચીખલીગર ગેંગના કેટલાક સભ્યો બારડોલી પાસેથી પસાર થવાના છે. ત્યારે ટીમ તેમના પહોંચતા પહેલા જ તૈનાત થઈ ગઈ હતી. જેમ કાર આવી તેમ આખી ટીમ તેમના પર દંડા લઈને તૂટી પડી હતી. લગભગ 12 જેટલા પોલીસ કર્મીોએ કાર પર લાકડાથી પ્રહાર કર્યા હતા. જેમાં કારમાં સવારે બે સાગરિતોએ ભાગવાનો પ્રયાસ કર્યો હતો. પરંતુ તે પકડાઈ ગયા હતા. તેમને પકડવા માટે પોલીસે રોડ પર એક સાઈડ કારનો કાફલો અને એક સાઈડ જેસીબી ઉભુ કરી દીધું હતું. ઈકો કાર ભગાવતા કાર જેસીબી સાથે અથડાઈ હતી અને કાર ત્યા જ ફસાઈ ગઈ હતી.

    ચીખલીગર ગેંગનો ગુનાહિત ઈતિહાસ

    ચીકલગર ગેંગનો આતંક સમગ્ર સુરત જિલ્લામાં ફેલાયેલો છે. આ ગેંગ રાત્રી ઘરફોડ, ધાડ, ધાડની કોશિશ અને હત્યાના પ્રયાસ સહિત અનેક ગુનામાં સંડોવાયેલા છે. આ ગેંગની ખાસ વાત એ છે કે, ચીકલીગર ગેંગમાં મહારાષ્ટ્ર અને મધ્યપ્રદેશ અને ગુજરાતના મળીને આરોપીઓ સામેલ છે. બે સાગરિતો પકડાતા હવે ક્રાઈમ બ્રાન્ચને તેમના વધુ ગુના ઉકેલાય અને અન્ય સાથીઓ સુધી પહોંચી શકશે તેવી આશા છે.

    આ ગેંગ અનેક ગુનાઓમાં સંડોવાયેલી છે. તેઓએ સુરત પોલીસના નાકમાં દમ લાવી દીધો હતો. તેઓ ખાસ પ્રકારની મોડસ ઓપરેન્ડી પર કામ કરતા હતા. આ ખૂંખાર ટીમ શહેર અને જિલ્લાની અંદરથી કાર ચોરી કરતા હતા અને તે જ વાહનોનો ઉપયોગ કરી ઘરફોડ ચોરીને અંજામ આપતી.

    1...1,0881,0891,090...1,176Page 1,089 of 1,176

    © Copyright - OpIndia.com