Saturday, November 16, 2024
More
    Home Blog Page 1011

    જ્ઞાનવાપીની જેમ હવે મથુરામાં શાહી ઇદગાહ મસ્જિદનો પણ સરવે થશે? 4 મહિનામાં નિર્ણય લેવા હાઇકોર્ટનો આદેશ

    ઑપઇન્ડિયા સ્ટાફ
    -
    0
    જ્ઞાનવાપીની જેમ હવે મથુરામાં શાહી ઇદગાહ મસ્જિદનો પણ સરવે થશે? 4 મહિનામાં નિર્ણય લેવા હાઇકોર્ટનો આદેશ

    વારાણસીની જ્ઞાનવાપી મસ્જિદ બાદ હવે મથુરાના શ્રીકૃષ્ણ જન્મભૂમિ કેસ મામલે શાહી ઇદગાહ મસ્જિદનો પણ સરવે અને વીડિયોગ્રાફી કરવાની ઉઠતી માંગ વચ્ચે અલાહાબાદ હાઇકોર્ટે અગત્યનો નિર્ણય સંભળાવ્યો છે. હાઇકોર્ટે મથુરા જિલ્લા કોર્ટને ચાર મહિનાની અંદર આ મામલે નિર્ણય લેવા માટે આદેશ આપ્યો છે. 

    ભગવાન શ્રીકૃષ્ણ વિરાજમાન તરફથી મથુરાની જિલ્લા કોર્ટ સમક્ષ અરજી દાખલ કરીને વિવાદિત શાહી ઇદગાહ મસ્જિદના પરિસરનું વૈજ્ઞાનિક સર્વેક્ષણ કરાવવા માટેની માંગ કરી હતી તેમજ તેની દેખરેખ માટે કોર્ટ કમિશનરની નિયુક્તિની પણ માંગ કરવામાં આવી હતી. આ અરજી છેલ્લા એક વર્ષથી કોર્ટમાં પેન્ડિંગ છે, જેના કારણે તેની ઉપર ઝડપથી સુનાવણી કરવામાં આવે તેવી માંગ સાથે અરજદારે અલાહાબાદ હાઇકોર્ટના દરવાજા ખખડાવ્યા હતા. 

    અરજી પર સુનાવણી કરતાં કોર્ટે કહ્યું કે, કેસનાં તથ્યો અને સંજોગોને ધ્યાનમાં લેતાં સબંધિત કોર્ટને આ આદેશના ચાર મહિનાની અંદર અરજી પર કાયદા મુજબ નિર્ણય લેવા માટે આદેશ કરવામાં આવે છે. ઉપરાંત, કોર્ટે તમામ પક્ષોને પોતાની વાત રાખવાની પૂરતી તકો આપવામાં આવે તેમજ કાયદાકીય અડચણ ન હોય ત્યાં સુધી બિનજરૂરી કારણોસર કેસ પાછળ ઠેલવામાં નહીં આવે તેવો આદેશ પણ કર્યો હતો. 

    અરજીમાં જણાવવામાં આવ્યું હતું કે, મથુરા સ્થિત શાહી ઇદગાહ મસ્જિદની અંદર હજુ પણ હિંદુ ધર્મને લગતાં ધાર્મિક પ્રતીકો છે, જે એ સાબિત કરી શકે છે કે ત્યાં મૂળભૂત રીતે ઠાકુર કેશવ દેવ મંદિર સ્થિત હતું, જેને તોડીને મસ્જિદ બાંધવામાં આવી હતી. અરજીમાં ઉમેરવામાં આવ્યું છે કે, શાહી ઇદગાહ મસ્જિદનું સંચાલન કરનારાઓ આ હિંદુ પ્રતીકોને નષ્ટ કરી શકે છે. જેના કારણે મસ્જિદનો વીડિયોગ્રાફી અને ફોટોગ્રાફી સાથે સરવે કરવામાં આવે તે ખૂબ જરૂરી છે. 

    ઉલ્લેખનીય છે કે મથુરા સ્થિત ભગવાન શ્રીકૃષ્ણના મંદિરની બાજુમાં આવેલી શાહી ઇદગાહ મસ્જિદને હટાવવાની માંગ સાથે કરવામાં આવેલી અરજી પર હાલ મથુરાની કોર્ટમાં કેસ ચાલી રહ્યો છે. અરજીમાં મસ્જિદને હટાવીને 13.37 એકર જમીન મંદિરને પરત આપવાની માંગ કરવામાં આવી છે. 

    હાઇકોર્ટના નિર્ણય બાદ અરજદાર મનિષ યાદવે જણાવ્યું હતું કે, હાઇકોર્ટે આજે આદેશ આપ્યો છે. આવતીકાલે અમે તેને જિલ્લા કોર્ટમાં દાખલ કરીશું. જે બાદ ચાર મહિનાની અંદર સરવે અને વીડિયોગ્રાફી પૂર્ણ કરવાની રહેશે. સરવે દરમિયાન સુરક્ષાની પૂરતી વ્યવસ્થા કરવામાં આવશે. 

    ઉલ્લેખનીય છે કે ગત મે-જૂન મહિનામાં વારાણસીમાં કાશી વિશ્વનાથ મંદિરને અડીને આવેલ વિવાદિત માળખા જ્ઞાનવાપીનો સરવે અને વીડિયોગ્રાફી કરવામાં આવ્યાં હતાં, જે દરમિયાન મસ્જિદના વઝૂખાનામાંથી એક શિવલિંગ પણ મળી આવ્યું હતું. જે બાદ કોર્ટે આ જગ્યા સીલ કરવાનો આદેશ આપ્યો હતો. આ કેસ પણ હાલ વારાણસીની કોર્ટમાં ચાલી રહ્યો છે. 

    સુપ્રીમ કોર્ટે રાફેલ ડીલની સ્વતંત્ર તપાસની અરજી ફગાવી, ફ્રેન્ચ પોર્ટલના દાવાના આધારે દાખલ કરવામાં આવી હતી PIL

    ઑપઇન્ડિયા સ્ટાફ
    -
    0
    સુપ્રીમ કોર્ટે રાફેલ ડીલની સ્વતંત્ર તપાસની અરજી ફગાવી, ફ્રેન્ચ પોર્ટલના દાવાના આધારે દાખલ કરવામાં આવી હતી PIL

    સુપ્રીમ કોર્ટે રાફેલ ડીલ પર ફરી તપાસ કરવાની અરજી ફગાવી દીધી છે. ભારત અને ફ્રાંસ વચ્ચે થયેલી 36 રાફેલ ફાઈટર જેટની ડીલ પર એક ફ્રેંચ પોર્ટલે ભ્રષ્ટાચારનો દાવો કર્યો હતો, જેના આધારે સુપ્રીમ કોર્ટમાં કોર્ટે રાફેલ ડીલ પર સ્વતંત્ર તપાસ કરવાની અરજી દાખલ કરવામાં આવી હતી. જોકે મુખ્ય ન્યાયાધીશ ઉદય ઉમેશ લલિત અને ન્યાયમૂર્તિ રવીન્દ્ર ભટની બેન્ચે સ્વતંત્ર તપાસની માંગ કરતી અરજી ફગાવી દીધી હતી.

    અહેવાલો મુજબ ભારતના મુખ્ય ન્યાયાધીશ યુયુ લલિતની આગેવાની હેઠળની બેન્ચે એડવોકેટ એમએલ શર્મા દ્વારા દાખલ કરવામાં આવેલી પીઆઈએલને ફગાવી દેતા જણાવ્યું હતું કે, “આ મામલે કોર્ટની દખલગીરીનું કોઈ જ વ્યાજબી કારણ જણાતું નથી.” જે બાદ પણ એડવોકેટ એમએલ શર્મા દલીલ કરવા જતા ચીફ જસ્ટિસ ઓફ ઈન્ડિયાએ કહ્યું હતું કે “અમે પહેલા જ આદેશ પસાર કરી ચુક્યા છીએ, કાં તો તમે અરજી પરત લો નહિતર અમે રદ કરીશું”

    મળતી માહિતી મુજબ બન્ને તરફી દલીલો બાદ એમએલ શર્માએ અરજી પરત લેવાની માંગ કરતા ન્યાયપીઠે આદેશ બદલતા અરજી પરત લેવાની અનુમતિ આપી હતી, પરંતુ આટલેથી ન અટકતા એડવોકેટ શર્માએ CBI પાસે જવાની ચીમકી ઉચ્ચારી હતી, જેના પર બેન્ચે કહ્યું હતું કે તેમને કોઈ રોકી રહ્યું નથી અને તેમ કરવા માટે સ્વતંત્ર છે.

    14 ડિસેમ્બર 2018ના રોજ પણ અરજી ફગાવી દેવામાં આવી હતી

    અહેવાલો મુજબ 14 ડિસેમ્બર, 2018ના રોજ સર્વોચ્ચ અદાલતે 36 રાફેલ જેટની ખરીદી માટે ભારત અને ફ્રાન્સ વચ્ચેના સોદાને પડકારતી પીઆઈએલને ફગાવી દીધી હતી અને કહ્યું હતું કે “નિર્ણય લેવાની પ્રક્રિયા પર શંકા” કરવાનો કોઈ જ અર્થ નથી.

    વિપક્ષને દેશની ન્યાયપ્રણાલી પર અવિશ્વાસ

    ભારતીય સંવિધાનના આધારે ચાલતી સર્વોચ્ચ ન્યાયાલયો દ્વારા ક્લીનચીટ આપવા છતાં વિપક્ષ સતત રાફેલ ડીલમાં ભ્રષ્ટાચાર થયો હોવાનું ગાણું ગાઈ રહ્યો છે. એક વિદેશી પ્રાઈવેટ પોર્ટલ દ્વારા કરવામાં આવેલા મનઘડત દાવાઓના આધારે વિપક્ષ પોતાના જ દેશના ન્યાયતંત્ર અને સંવિધાન પ્રણાલી ઉપર અવિશ્વાસ કરીને ન્યાયાલયો અને ન્યાયપ્રણાલીને જ જુઠા સાબિત કરવા મરણીયા પ્રયાસો કરી રહ્યું છે.

    પાકિસ્તાનમાં દુકાળમાં અધિક માસ જેવી સ્થિતિ: શાકભાજી અને ખાદ્યપદાર્થોની ભારે તંગી બાદ હવે ભારત પાસે મદદ માંગવાની તૈયારી

    ઑપઇન્ડિયા સ્ટાફ
    -
    0
    પાકિસ્તાનમાં દુકાળમાં અધિક માસ જેવી સ્થિતિ: શાકભાજી અને ખાદ્યપદાર્થોની ભારે તંગી બાદ હવે ભારત પાસે મદદ માંગવાની તૈયારી

    છેલ્લા થોડા સમયથી પાકિસ્તાન તમામ મોરચે કંગાળ અને પાયમાલ થઇ ચૂક્યું છે. પહેલાં આર્થિક સંકટ સામે લડી રહ્યો હતો તેની વચ્ચે રાજકીય સંકટ સર્જાયું હતું અને ઇમરાન ખાનને પદ પરથી હટાવી દેવામાં આવ્યા હતા. નવી સરકાર બની છતાં પણ આર્થિક સંકટમાંથી રાહત મળી નથી ત્યાં હવે પાકિસ્તાનમાં પ્રાકૃતિક સંકટ જોવા મળી રહ્યું છે. 

    પાકિસ્તાનના ઘણા ભાગોમાં પૂરની સ્થિતિ છે અને જેના કારણે લોકોએ ભારે હાલાકી ભોગવવી પડી રહી છે અને ભોજન-પાણીના પણ ફાંફાં છે. આકાશ આંબતી મોંઘવારી અને ઉપરથી પૂરના કારણે શાકભાજી-કરિયાણાના ભાવ અત્યંત વધી રહ્યા છે. રિપોર્ટ અનુસાર, પાકિસ્તાનમાં ટામેટાંના ભાવ 500 રૂપિયા કિલો પર પહોંચ્યા છે તો ડુંગળી 400 રૂપિયા કિલો વેચાય છે. 

    એક તરફ ખાદ્યપદાર્થો અને શાકભાજીના ભાવ વધી રહ્યા છે ત્યાં હવે પાકિસ્તાનની સરકાર ભારતની મદદ લેવાનું વિચારી રહી છે. પાકિસ્તાનના નાણામંત્રી મિફતાહ ઇસ્માઇલે સોમવારે એક પ્રેસ કોન્ફરન્સમાં કહ્યું હતું કે, તાજેતરમાં આવેલા પૂરના કારણે દેશમાં પાકને નુકસાન થયું છે જેના કારણે લોકોની જરૂરિયાતો પૂરી કરવા માટે સરકાર ભારતથી શાકભાજી અને અન્ય ખાદ્યપદાર્થો આયાત કરવાનું વિચારી રહી છે. 

    એક રિપોર્ટમાં સૂત્રોને ટાંકીને જણાવવામાં આવ્યું છે કે, પાકિસ્તાનના પૂર્વ રાષ્ટ્રીય સુરક્ષા સલાહકાર ભારતને પ્રસ્તાવ મોકલવા માટેની તૈયારી કરી રહ્યા છે. પાકિસ્તાન અટારી-વાઘા સરહદેથી શાકભાજી અને અન્ય ખાદ્યપદાર્થો મોકલવાની તૈયારી કરી રહ્યું છે.

    અન્ય એક અહેવાલ અનુસાર, પૂરના કારણે સિંધ, બલૂચિસ્તાન, દક્ષિણ પંજાબ જેવા વિસ્તારોમાંથી શાકભાજીનો પુરવઠો અટકી પડ્યો હોવાના કારણે આવનાર દિવસોમાં ટામેટાં, ડુંગળી સહિતના શાકભાજીઓના ભાવમાં તેજી જોવા મળી શકે છે. વેપારીઓ આશંકા વ્યક્ત કરી રહ્યા છે કે આવનાર દિવસોમાં ડુંગળી-ટામેટાં 700 રૂપિયા પ્રતિ કિલો સુધી પણ પહોંચી શકે છે. આ પ્રમાણે બટાકા પણ 40 રૂપિયા કિલોની જગ્યાએ 120 રૂપિયા કિલો પર પહોંચી શકે છે. 

    પાકિસ્તાન પાસે અન્ય વિકલ્પ બલૂચિસ્તાનની તાફતાન સરહદેથી ઈરાન પાસેથી ટામેટાં અને ડુંગળી મંગાવવાનો પણ છે. પરંતુ ઈરાનની સરકારે આયાત અને નિકાસ પર ટેક્સ ઘણો વધારી દીધો છે, જેના કારણે પાકિસ્તાનને તે પરવડે તેમ નથી. ઉપરાંત, સિંધમાં પણ પૂરના કારણે જે રીતે ફળોની ખેતીને નુકસાન થયું છે તેને જોતાં આવનાર દિવસોમાં ખજૂર અને કેળાંની કિંમતોમાં પણ વધારો જોવા મળી શકે છે. 

    સિંધ અને પંજાબ પ્રાંતમાં શેરડી અને કપાસના પાક સંપૂર્ણપણે નષ્ટ થઇ ગયા છે. કપાસ બરબાદ થવાના કારણે 2.6 બિલિયન ડોલરનું નુકસાન થયું હોવાનું અનુમાન છે. પૂરના કારણે સિંધ પ્રાંતના સરકારી કોષમાં રાખવામાં આવેલ 20 લાખ ટન ઘઉં નષ્ટ થઇ ગયા છે. જેથી આવનાર સમયમાં પાકિસ્તાનમાં માત્ર શાકભાજી અને ફળો જ નહીં પરંતુ અનાજની પણ તંગી વર્તાય તેવી શક્યતાઓ જોવામાં આવી રહી છે. 

    ઉલ્લેખનીય છે કે ઓગસ્ટ 2019માં ભારત સરકારે કાશ્મીરમાંથી કલમ 370 હટાવી દીધા બાદ પાકિસ્તાન દ્વારા ભારત સાથેના વેપાર પર રોક લગાવી દેવામાં આવી હતી. જોકે, હવે ત્રણ વર્ષ બાદ આર્થિક સંકટ અને સાવ કંગાળ થઇ ગયા બાદ પાકિસ્તાનની શાન ઠેકાણે આવી છે અને કોઈ વિકલ્પ ન રહેતાં ભારત પાસે મદદ માંગવાની વિચારણા કરવામાં આવી રહી છે. 

    ‘મને ઘર છોડવા મજબૂર કરાયો’: કોંગ્રેસ છોડ્યા બાદ ગુલામ નબી આઝાદ; સાથે જ નરેન્દ્ર મોદીના કર્યા ભરપૂર વખાણ, કહ્યું ‘હું તેમને ખોટા સમજતો હતો’

    ઑપઇન્ડિયા સ્ટાફ
    -
    0
    ‘મને ઘર છોડવા મજબૂર કરાયો’: કોંગ્રેસ છોડ્યા બાદ ગુલામ નબી આઝાદ; સાથે જ નરેન્દ્ર મોદીના કર્યા ભરપૂર વખાણ, કહ્યું ‘હું તેમને ખોટા સમજતો હતો’

    કોંગ્રેસમાંથી રાજીનામું આપ્યાના દિવસો પછી, દિગ્ગજ રાજકારણી ગુલામ નબી આઝાદે સોમવારે (29 ઓગસ્ટ) કહ્યું કે તેમને તેમનું ઘર છોડવા માટે મજબૂર કરવામાં આવ્યા છે. સાથે જ મોદી માટે પોતાના બદલાયેલા વિચારો પણ તેમને મીડિયા સમક્ષ મુક્યા.

    દિલ્હીમાં પત્રકારો સાથે વાત કરતા આઝાદે કહ્યું, “મોદી એક બહાનું છે, G23 પત્ર લખવામાં આવ્યો ત્યારથી તેમને મારી સાથે સમસ્યા છે. તેઓ ક્યારેય ઇચ્છતા નહોતા કે કોઈ તેમને પત્ર લખે, તેમને પ્રશ્ન કરે… કેટલીય (કોંગ્રેસ) બેઠકો થઈ, પરંતુ એક પણ સૂચન લેવામાં આવ્યું ન હતું.”

    સોનિયા ગાંધીને સંબોધિત તેમના રાજીનામાના પત્રમાં, આઝાદે રાહુલ ગાંધી પર પક્ષમાં ‘સંપૂર્ણ સલાહકાર તંત્ર’ ને ‘ધરાશાયી’ કરવાનો, તમામ ‘વરિષ્ઠ અને અનુભવી’ નેતાઓને બાજુ પર રાખવાનો અને ‘બિનઅનુભવી સિકોફન્ટ્સ’ ની ‘નવી ટોળકી’ ને પક્ષ ચલાવવા દેવાનો આરોપ મૂક્યો હતો.

    મોદીની કરી વાહવાહી

    કોંગ્રેસ દ્વારા તેમના ડીએનએ ‘મોદી-ફાઇડ’ હોવાના આક્ષેપો વચ્ચે, પીઢ નેતા ગુલામ નબી આઝાદે સોમવારે (29 ઓગસ્ટ) સમજાવ્યું કે ગયા વર્ષે જ્યારે તેમનો રાજ્યસભા કાર્યકાળ સમાપ્ત થયો ત્યારે વડાપ્રધાન નરેન્દ્ર મોદી સંસદમાં વિદાય ભાષણ દરમિયાન શા માટે ભાવુક થઈ ગયા હતા.

    “હું ઈચ્છું છું કે તમે તેમના ભાષણની સામગ્રી વાંચો. PM મોદી મારા ગૃહ છોડવા પર દુઃખી હોવાની વાત નથી કરી રહ્યા. તે એક ક્રૂર ઘટના વિશે વાત કરી રહ્યો હતો જે જ્યારે હું J&K માં મુખ્ય પ્રધાન હતો ત્યારે બની હતી, ”આઝાદે કહ્યું.

    તે જ ઘટનાને યાદ કરીને આઝાદે આગળ કહ્યું, ‘હું પીએમ મોદીને ગેરસમજ કરતો હતો, પરંતુ તેમણે ઓછામાં ઓછું માનવતા તો દેખાડી. હું જમ્મુ-કાશ્મીરનો સીએમ હતો ત્યારે ગુજરાતની ટુરિસ્ટ બસમાં આતંકી હુમલો થયો હતો. જેમાં અનેક લોકો માર્યા ગયા હતા. જ્યારે તેમનો ફોન આવ્યો ત્યારે હું રડી રહ્યો હતો. મોદી સાહેબે મારી બૂમો સાંભળી.”

    તેમણે કહ્યું કે મોદી અપડેટ્સ માટે તેમની ઓફિસને ફોન કરતા રહ્યા અને જ્યારે તેઓ બે વિમાનોને મૃતદેહો અને ઘાયલોને લઈ જતા જોતા હતા, ત્યારે તેઓ ફરીથી રડવા લાગ્યા હતા. “તેમણે કદાચ મને ટીવી પર રડતો જોયો હશે. તેમણે ફરીથી ફોન કર્યો પરંતુ હું કાંઈ બોલી શક્યો નહીં,” તેમણે કહ્યું. “ મને લાગતું હતું કે મોદી એક ક્રૂર માણસ હોવા જોઈએ. મને લાગતું હતું કે તે કાળજી લેશે નહીં… કારણ કે તેને બાળકો નથી… પરંતુ તેમણે માનવતા બતાવી,” આઝાદે કહ્યું.

    એક જ મોડસ ઓપરેન્ડીથી કચ્છમાં વધુ એક હિંદુ યુવાન પર હુમલો: પૈસા આપવાના બહાને બોલાવી સલીમે છરી મારી દીધી, યુવક હોસ્પિટલમાં દાખલ

    ઑપઇન્ડિયા સ્ટાફ
    -
    0
    એક જ મોડસ ઓપરેન્ડીથી કચ્છમાં વધુ એક હિંદુ યુવાન પર હુમલો: પૈસા આપવાના બહાને બોલાવી સલીમે છરી મારી દીધી, યુવક હોસ્પિટલમાં દાખલ

    કચ્છમાં 20 વર્ષીય યુવાન પરેશ રબારીની હત્યા બાદ હિંદુ સમાજમાં ત્યાં હવે વધુ એક હિંદુ યુવાન પર હુમલો થયો હોવાની ઘટના પ્રકાશમાં આવી છે. જ્યાં માધાપર ગામમાં સલીમ નામના એક ઈસમે હિંદુ યુવાનને પૈસા આપવાનું કહીને બોલાવીને છરી વડે હુમલો કરી દીધો હતો. જે બાદ યુવકને હોસ્પિટલમાં સારવાર માટે ખસેડવામાં આવ્યો હતો. 

    ભુજમાં રહેતા શ્રવણસિંહ વાઘેલાની ઓળખાણ બે-અઢી મહિના પહેલાં સલીમ ઉર્ફે ચલ્લો જુસબ મેમણ નામના શખ્સ સાથે થઇ હતી અને બંને અવારનવાર ભીડગેટ પાસે ચા પીવા માટે ભેગા થતા હતા. ફરિયાદમાં જણાવવામાં આવ્યું છે કે શ્રવણસિંહે બે મહિના પહેલાં સલીમને હજાર રૂપિયા ઉછીના આપ્યા હતા. 

    જે બાદ સલીમને આપેલા પૈસા પરત લેવા માટે ફોન કરતાં અવારનવાર તેણે મા-બેનની ગાળો આપી હોવાથી શ્રવણસિંહે તેનો નંબર બ્લૉક લિસ્ટમાં નાંખી દીધો હતો. જે બાદ રવિવારે (28 ઓગસ્ટ 2022) શ્રવણસિંહ ઘરેથી નીકળી માધાપર સર્કલ પાસે જઈને મિત્રો સાથે બેઠા હતા, તે દરમિયાન એક નંબર પરથી ફોન કરીને સલીમે હવે તે ગાળાગાળી કરશે નહીં અને બંનેએ ફરી મિત્રો બની જેવું જોઈએ તેમ કહ્યું હતું અને શ્રવણસિંહને આત્મારામ સર્કલ પાસે બોલાવી પૈસા પરત કરી દેવા માટે પણ જણાવ્યું હતું. 

    ફરિયાદ અનુસાર, શ્રવણસિંહ તેમના મિત્રો સાથે કારમાં આત્મારામ સર્કલ પહોંચતા ત્યાં સલીમ અને તેના મિત્રો પહેલેથી જ હાજર હતા અને તેઓ ત્યાં પહોંચતા જ સલીમે ‘આપણે મિત્રો છીએ’ તેમ કહીને હાથ મિલાવી છરી કાઢીને શ્રવણસિંહના જમણા અને ડાબા પગે ઘૂંટણના ભાગે સાથળ પાસે ઘા કરી દીધા હતા અને ત્રીજો ઘા કમરની પાછળ કર્યો હતો. 

    હુમલા બાદ શ્રવણસિંહના મિત્રો તેમને છોડાવીને સ્કોર્પિયોમાં બેસાડીને નીકળતા હતા ત્યારે સલીમ ગાડીના બોનેટ પર ચડી ગાયયો હતો અને કાચ પર લાત મારીને તોડી નાંખ્યો હતો. જે બાદ તેઓ ભુજની હોસ્પિટલમાં પહોંચ્યા હતા, જ્યાં યુવકને દાખલ કરી સારવાર શરૂ કરવામાં આવી હતી. 

    ભુજ પોલીસે આરોપી સામે આઇપીસીની કલમ 324 (હથિયાર વડે હુમલો) અને 427 તેમજ ગુજરાત પોલીસ એક્ટની કલમ 135 હેઠળ ગુનો દાખલ કરીને આગળની તપાસ હાથ ધરી છે. 

    ઉલ્લેખનીય છે કે આ પહેલાં ગત 26 ઓગસ્ટના રોજ પણ કચ્છમાં એક હિંદુ યુવાનની હત્યા કરી નાંખવામાં આવી હતી. પરેશ રબારી નામના યુવકની સુલેમાન સમા નામના ઈસમ સાથે લડાઈ થઇ હતી, જે બાદ બપોરે સુલેમાને પરેશને સમાધાન માટે એક જગ્યાએ બોલાવ્યો હતો, જ્યાં તેની ઉપર હુમલો કરીને ભાગી છૂટ્યો હતો. જે બાદ યુવાન હોસ્પિટલમાં દાખલ થયો હતો, પરંતુ બચી શક્યો ન હતો. ઘટના બાદ હિંદુ સમાજમાં આક્રોશ ફાટી નીકળ્યો હતો તો પોલીસે પણ ગણતરીના કલાકોમાં આરોપીને ઝડપી લીધો હતો. 

    ડીસાના માલગઢની ઘટના: એઝાઝ શેખે હિન્દૂ યુવતિને ફસાવી, આખા પરિવારનું કરાવ્યું ધર્મ પરિવર્તન અને માંગ્યા 25 લાખ; યુવતીના પિતાએ કર્યો આત્મહત્યાનો પ્રયાસ

    Lincoln Sokhadia
    -
    0
    ડીસાના માલગઢની ઘટના: એઝાઝ શેખે હિન્દૂ યુવતિને ફસાવી, આખા પરિવારનું કરાવ્યું ધર્મ પરિવર્તન અને માંગ્યા 25 લાખ; યુવતીના પિતાએ કર્યો આત્મહત્યાનો પ્રયાસ

    ડીસાના માલગઢ ગામમાં એક ચોંકાવનારો કિસ્સો સામે આવ્યો છે. એક મુસ્લિમ યુવક, એઝાઝ શેખ દ્વારા ઘરની મહિલા અને બાળકોનું ધર્મપરિવર્તન કરાવી દેતા ઘરના મોભી એટલે પિતાએ આપઘાતનો પ્રયાસ કર્યો હતો. આ અંગે પરિવારે પાલનપુર પૂર્વ પોલીસ મથકે એજાજ મુસ્તુફાભાઈ શેખ, મુસ્તુફા પાપાભાઇ શેખ, આલમ પાપાભાઇ શેખ, સત્તાર અબ્દુલભાઈ હાજી અને સોહીલ સત્તારભાઈ શેખ સામે ગુનો નોંધાવ્યો હતો.

    ડીસાના માલગઢ ગામમાં રહેતી એક હિન્દૂ પરિવારની દીકરી રસાણા કોલેજમાં અભ્યાસ કરતી હતી. જ્યાં તેને રાજપુર ગવાડીના એઝાઝ શેખના પરિચયમાં આવી હતી. જે તેને પ્રેમજાળમાં ફસાવી ઘરે આવતો – જતો થયો હતો. સમય જતાં એઝાઝે આ યુવતીને લાલચ આપી તેના વશમાં કરી હતી. બાદમાં તે યુવતી તેની પાસે જવા જીદ કરતી હતી.

    આ અંગે યુવતીના પિતાએ ઘરે આવવાની ના કહેતા એઝાઝ શેખે તકરાર કરી દીકરીને મેં બધી રીતે મારા વશમાં કરી નાખેલ છે તમારાથી હવે કશું થાય નહીં અને તે મારી પાસે જ આવશે અને તમારી દીકરીના ફોટા તથા વીડિયો બધું જ મારી પાસે છે એટલે તેને મારી પાસે આવવા સિવાય બીજો કોઈ રસ્તો નથી તેમ કહી દાદાગીરી કરી હતી.

    એઝાઝ દ્વારા ઘરમાં સૌને વશમાં કરાઈ તેમનું ધર્મ પરિવર્તન કરાવાયું

    એઝાઝ શેખે યુવતીના માતા તેમજ ભાઈનું બ્રેઇન વોશ કરી દેતા માતા તેમજ ભાઈ પોતાના ઘરે દેવી દેવતાઓના દીવા બંધ કરી ઘરમાં જ નમાજ પઢવાનું શરૂ કરી દીધું હતું. જ્યારે પરિવારે તેમને નમાજ પઢવાનું ના કહેતા તેમને ધર્મ અંગીકાર કરવાની વાત કરી હતી. એઝાઝએ યુવતીના ભાઇ પાસે હાઇકોર્ટમાં પિટીશન દાખલ કરાવી તમામ લોકોને અલગ રહેવા લઇ ગયો હતો. ઘરના મોભી એટલે પિતાએ પુત્ર, પુત્રી અને પત્નીને પરત માંગ્યા તો ધર્મ પરિવર્તન કરવાનું કહી રુપિયા 25 લાખની ખંડણી માંગી હતી.

    આ ઉપરાંત, ગવાડીના મુસ્તુફાભાઈ, આલમભાઇ શેખ, અબ્દુલભાઈ હાજીએ જવાબ આપતા કહ્યું કે, આ ત્રણેય જણા ધર્મ પરિવર્તન કરે તેમાં ખોટું શું છે. તે નમાજ પઢે તેમાં વાંધો શું છે. જો તમારે પરિવારના લોકોને લઈ જવા હોય તો તે માટે રૂ. 25 લાખ આપવા પડશે.

    ઑપઇન્ડિયા સાથેની વિશેષ વાતચીતમાં ડીસા જિલ્લાના VHP મંત્રી કિશોરભાઈ મળીએ જણાવ્યું કે તેઓ છેલ્લા ઘણા સમયથી આ પરિવાર સાથે આ વિષયને લઈને સમ્પર્કમાં હતા. તેઓએ પરિવારને શરૂઆતમાં જ પોલીસ ફરિયાદ કરવા માટે કહ્યું હતું પરંતુ લોકલાજને ડરને કારણે પરિવારે ફરિયાદ કરી નહોતી.

    કિશોરભાઈએ આગળ જણાવ્યું કે ન માત્ર એઝાઝ પરંતુ તેના પરિવારવાળા પણ આમાં સંમેલિત છે. યુવતીના પિતા પાસે 25 લાખની ખંડણી એઝાઝના પિતાએ જ માંગી હતી. “હાલમાં સ્થાનિક VHP કાર્યકર્તાઓ યુવતીના પિતા સાથે દવાખાને હાજર જ છે અને પિતા સાથે મળીને તેમને ન્યાય અપાવવા માટે ઘટતું કરશે.”

    કર્ણાટક હિજાબ વિવાદ કેસમાં સુપ્રીમ કોર્ટની કર્ણાટક સરકારને નોટીસ, અરજદારોએ સુનાવણી ટાળવાનું કહેતા કોર્ટે ઉધડો લીધો

    ઑપઇન્ડિયા સ્ટાફ
    -
    0
    કર્ણાટક હિજાબ વિવાદ કેસમાં સુપ્રીમ કોર્ટની કર્ણાટક સરકારને નોટીસ, અરજદારોએ સુનાવણી ટાળવાનું કહેતા કોર્ટે ઉધડો લીધો

    સુપ્રીમ કોર્ટે હિજાબ વિવાદ કેસમાં મુસ્લિમ અરજદારોનો ચાલુ કોર્ટે ઉધડો લીધો હતો તો સાથે જ શૈક્ષણિક સંસ્થાઓમાં હિજાબ પર પ્રતિબંધના મામલે કર્ણાટક સરકારને નોટિસ પણ ફટકારી છે. આજે સુપ્રીમ કોર્ટે પણ સુનાવણી મોકૂફ રાખવાની અરજી પર મુસ્લિમ અરજદારોનો ચાલુ કોર્ટે ઉધડો લઇ લીધો હતો. કોર્ટે કહ્યું હતું કે “પહેલાં તમે વહેલી સુનાવણીની માંગ કરી રહ્યા હતા. હવે સુનાવણી મુલતવી રાખવા માંગ કરી રહ્યા છો. અમે અરજદારોને આ રીતે તેમની પસંદગીની બેન્ચ પસંદ કરવાની મંજૂરી આપીશું નહીં.”

    કર્ણાટક હાઈકોર્ટના નિર્ણયને SCમાં પડકારવામાં આવ્યો

    મુસ્લિમ અરજદારોએ કર્ણાટક હાઈકોર્ટના નિર્ણય વિરુદ્ધ સુપ્રીમ કોર્ટમાં અરજી કરી હતી. 15 માર્ચે કર્ણાટક હાઈકોર્ટે ચુકાદો આપ્યો હતો કે મુસ્લિમ મહિલાઓ માટે હિજાબ પહેરવું એ ઈસ્લામનો ફરજિયાત નિયમ નથી અને રાજ્યનો શાળા અને કોલેજોમાં યુનિફોર્મના નિયમને પાળવાનો આદેશ સાચો છે. આ સિવાય કેટલાક અરજદારોએ મુસ્લિમ વિદ્યાર્થીનીઓના હિજાબ પહેરવાના અધિકારને લઈને સીધો સુપ્રીમ કોર્ટનો દરવાજો ખખડાવ્યો હતો.

    કોર્ટે અરજદારોને ફટકાર લગાવી

    આજે સુનાવણી દરમિયાન, કેટલાક મુસ્લિમ અરજદારો વતી હાજર રહેલા વકીલે આ બાબતની સુનાવણી મુલતવી રાખવા વિનંતી કરી હતી. દરમિયાન જસ્ટિસ હેમંત ગુપ્તા અને જસ્ટિસ સુધાંશુ ધુલિયાની બેંચે ચાલુ કોર્ટે તેમની અરજી ફગાવતા કહ્યું કે અગાઉ અરજદારો વહેલી સુનાવણીની માંગ કરતા હતા અને હવે મુલતવી રાખવાની માંગ કરવામાં આવી રહી છે. કોર્ટ આ પ્રકારની ‘ફોરમ શોપિંગ‘ને (પોતાની પસંદગીની બેંચ પસંદ કરવાની) મંજૂરી આપવાનું કામ નથી કરતી.

    કોર્ટે નોટિસ ફટકારી

    સુનાવણી દરમિયાન સરકાર વતી સોલિસિટર જનરલ તુષાર મહેતા હાજર થયા હતા. તેમણે સુનાવણી મુલતવી રાખવાની વિનંતી પર પણ સવાલ ઉઠાવ્યા હતા. એસજી મહેતાએ કહ્યું કે આ પહેલા ઓછામાં ઓછા 6 વખત અરજદારોએ સુનાવણી મોકૂફ રાખવાની અરજી કરી છે. તેના પર અરજદારના વકીલે કહ્યું કે તે સમયે પરીક્ષાઓ થવાની હતી. તેથી અરજદારો વહેલી સુનાવણીની માંગ કરી રહ્યા હતા.

    સુનાવણી દરમિયાન વકીલે એમ પણ કહ્યું કે આ કેસમાં અરજદારો દેશના અલગ-અલગ ભાગોના છે. કેટલાક કર્ણાટકના પણ છે. તેના પર સુપ્રીમ કોર્ટે કહ્યું કે કર્ણાટકથી માત્ર અઢી કલાકમાં દિલ્હી આવી શકાય છે. જો કે, એસજી તુષાર મહેતાએ કોર્ટને આ મામલે નોટિસ જારી કરવા વિનંતી કરી જેથી આ મામલાનો તાત્કાલિક નિકાલ આવે. જેના પર સુપ્રીમ કોર્ટે નોટિસ જારી કરી છે. આ મામલાની આગામી સુનાવણી સોમવારે 5 સપ્ટેમ્બરે થશે.

    કર્ણાટક હિજાબ વિવાદ

    કર્ણાટકમાં આ વર્ષની શરૂઆતમાં હિજાબને લઈને વિવાદ શરૂ થયો હતો. જેમાં કોલેજોમાં મુસ્લિમ વિદ્યાર્થીનીઓ યુનિફોર્મની જગ્યાએ હિજાબ પહેરીને આવતાં વર્ગખંડમાં બેસવાની પરવાનગી આપવામાં આવી ન હતી. જે બાદ આ વિવાદ વધુ ચગ્યો હતો અને મામલો સુપ્રીમ કોર્ટ સુધી પહોંચ્યો હતો. જોકે આજે સુપ્રીમ કોર્ટ દ્વારા નોટીસ ફટકારાયા બાદ હવે આ મામલાની આગામી સુનાવણી સોમવારે 5 સપ્ટેમ્બરે થશે.

    ‘ગુજરાત વિરોધી ઇતિહાસ ધરાવતાં મેધા પાટકર ‘આપ’નાં સીએમ ઉમેદવાર બનશે’: અટકળો વહેતી થઇ, નેટિઝન્સમાં ચર્ચા

    ઑપઇન્ડિયા સ્ટાફ
    -
    0
    ‘ગુજરાત વિરોધી ઇતિહાસ ધરાવતાં મેધા પાટકર ‘આપ’નાં સીએમ ઉમેદવાર બનશે’: અટકળો વહેતી થઇ, નેટિઝન્સમાં ચર્ચા

    સરદાર સરોવર બંધ અને નર્મદા યોજનામાં વિઘ્ન નાંખવા માટે ગુજરાતમાં જાણીતાં બનેલા મેધા પાટકર હવે ફરીથી ચર્ચામાં છે. તેનું કારણ તેમના વિશે સોશિયલ મીડિયા ઉપર ચાલતી ચર્ચા છે. નેટિઝન્સમાં ચર્ચા ચાલે છે કે મેધા પાટકર આમ આદમી પાર્ટી તરફથી આગામી ગુજરાત વિધાનસભાની ચૂંટણીમાં મુખ્યમંત્રી પદના ઉમેદવાર બની શકે છે. 

    ટ્વિટર પર જાણીતા અંકિત જૈને આજે સવારે એક ટ્વિટ કરીને દાવો કર્યો હતો કે મેધા પાટકર ગુજરાતમાં ‘આપ’ના મુખ્યમંત્રી દાવેદાર બનાવવામાં આવશે તેવું તેમને જાણવા મળ્યું છે. તેમણે ટ્વિટમાં એમ પણ જણાવ્યું કે મેધા પાટકરે તેમની ટીમને સરદાર સરોવર ડેમ પ્રોજેક્ટ પર પડદો નાંખવા માટે રિપોર્ટ તૈયાર કરવા પણ જણાવ્યું છે. 

    આ ઉપરાંત ભાજપ નેતા સુરેશ નાખુઆએ પણ એક ટ્વિટ કર્યું હતું. જેમાં તેમણે સૂત્રોને ટાંકીને જણાવ્યું હતું કે, મેધા પાટકરને કેજરીવાલની પાર્ટીના મુખ્યમંત્રીના ચહેરા તરીકે જાહેર કરવામાં આવશે. 

    જે બાદ આજે સવારથી આ બાબતની ચર્ચા ચાલી રહી છે કે શું ખરેખર આમ આદમી પાર્ટી મેધા પાટકરને ગુજરાતમાં મુખ્યમંત્રી પદના ઉમેદવાર બનાવશે કે કેમ?

    ગુજરાતના ભાજપ આઇટી સેલના કન્વીનર નિખિલ પટેલે પણ ટ્વિટ કરીને મેધા પાટકરને આપ સીએમ ચહેરો જાહેર કરે તેવી આશંકાઓ વ્યક્ત કરી હતી. તેમણે લખ્યું કે, શું એ સત્ય છે કે આવનારી વિધાનસભા ચૂંટણીમાં આમ આદમી પાર્ટી અને અરવિંદ કેજરીવાલ ગુજરાત વિરોધી મેધા પાટકરને સીએમ ચહેરો ઘોષિત કરવા જઈ રહ્યા છે?

    તેમણે એ પણ પ્રશ્ન કર્યો કે શું ગુજરાતમાં આમ આદમી પાર્ટી ઈસુદાન ગઢવી અને ગોપાલ ઇટાલિયાના કામથી નારાજ છે કે કેમ?

    ઋષિ બાગરી નામના યુઝરે લખ્યું કે, વિદેશી ભંડોળની મદદથી મેધા પાટકરે 30 વર્ષ સુધી નર્મદા ડેમના બાંધકામમાં વિલંબ કર્યો હતો. આજે આ ડેમ ગુજરાતની જીવાદોરી છે અને ત્રણ રાજ્યોના લાખો લોકોને પાણી પૂરું પાડે છે. તેમણે જણાવ્યું કે, મેધા પાટકર આમ આદમી પાર્ટીના મુખ્યમંત્રી પદના ઉમેદવાર બનશે.

    એવી ચર્ચા પણ ચાલી રહી છે કે આમ આદમી પાર્ટી કન્વીનર અરવિંદ કેજરીવાલ આગામી મહિને મેધા પાટકરને ગુજરાતના મુખ્યમંત્રી પદના ઉમેદવાર જાહેર કરી શકે છે.

    એક યુઝરે લખ્યું કે, જે મેધા પાટકરે વર્ષો સુધી ગુજરાતના લોકોને પાણી મેળવવાથી વંચિત રાખવા માટેના તમામ પ્રયત્નો કરી જોયા તેઓ હવે ગુજરાતમાં ‘આપ’ના મુખ્યમંત્રી પદના ઉમેદવાર હશે. 

    જોકે, આ અંગે હજુ સુધી આમ આદમી પાર્ટીએ કોઈ ફોડ પાડ્યો નથી. બીજી તરફ, વધુ સ્પષ્ટતા માટે આમ આદમી પાર્ટીના નેતા ઈસુદાન ગઢવીનો સંપર્ક કરવામાં આવ્યો હતો, પરંતુ થઇ શક્યો ન હતો. જો સંપર્ક થાય તો તેમની ટિપ્પણીઓ ઉમેરવામાં આવશે. 

    મુખ્યમંત્રીએ કહ્યું- મેધા પાટકર જેવા અર્બન નક્સલીઓએ ગુજરાતને વર્ષો સુધી તરસ્યું રાખ્યું 

    મુખ્યમંત્રી ભુપેન્દ્ર પટેલે ગઈકાલે કચ્છમાં વડાપ્રધાન નરેન્દ્ર મોદીના કાર્યક્રમ દરમિયાન સંબોધન કરતી વખતે મેધા પાટકરને અર્બન નક્સલ કહીને ઉમેર્યું હતું કે, તેમણે વર્ષો સુધી ગુજરાતને વિકાસથી વંચિત રાખવાના પ્રયત્નો કર્યા. તેમણે આમ આદમી પાર્ટીનું નામ લીધા વગર કહ્યું હતું કે, તેમને કોણે સંસદની ચૂંટણી લડવાની ટિકિટ આપી હતી અને કઈ પાર્ટી સાથે જોડાયેલાં છે તે આપણે સૌ જણીએ છીએ. 

    ઉલ્લેખનીય છે કે 2014ની લોકસભા ચૂંટણીમાં મેધા પાટકર આમ આદમી પાર્ટીની ટિકિટ પર મુંબઈથી લડ્યાં હતાં, જોકે તેઓ ભાજપના કિરીટ સોમૈયા સામે હારી ગયાં હતાં. જાન્યુઆરી 2014માં તેઓ આમ આદમી પાર્ટીમાં જોડાયાં હતાં. જોકે, 2015માં તેમણે પાર્ટીમાંથી રાજીનામું આપી દીધું હતું. હવે ફરી એકવાર તેઓ આમ આદમી પાર્ટીમાં જોડાશે તેવી અટકળો વહેતી થઇ છે.

    ‘હું કૂવામાં કૂદી જઈશ પણ કોંગ્રેસમાં નહીં જોડાઉ’: જ્યારે નીતિન ગડકરીએ ‘મિત્ર’ની ઓફરને લાત મારી, કોંગ્રેસની વિચારધારા વિષે કરી ખુલીને વાત

    ઑપઇન્ડિયા સ્ટાફ
    -
    0
    ‘હું કૂવામાં કૂદી જઈશ પણ કોંગ્રેસમાં નહીં જોડાઉ’: જ્યારે નીતિન ગડકરીએ ‘મિત્ર’ની ઓફરને લાત મારી, કોંગ્રેસની વિચારધારા વિષે કરી ખુલીને વાત

    કેન્દ્રીય પરિવહન પ્રધાન નીતિન ગડકરીએ તાજેતરમાં એક બેઠક દરમિયાન જણાવ્યું હતું કે તેઓ કોંગ્રેસ વિશે શું વિચારે છે. 27 ઓગસ્ટ 2022 ના રોજ ઉદ્યોગસાહસિકો સાથેની ચર્ચામાં, તેમણે યાદ કર્યું કે એકવાર તેમને પણ એક મિત્ર દ્વારા ભાજપ છોડીને કોંગ્રેસમાં જોડાવા માટે કહેવામાં આવ્યું હતું, પરંતુ તેઓ જાણતા હતા કે તેઓ કોઈપણ સ્થિતિમાં કોંગ્રેસનો હાથ પકડી શકશે નહીં.

    ગડકરીએ કહ્યું,

    “હું નાગપુરમાં વિદ્યાર્થી નેતા તરીકે કામ કરતો હતો. ત્યારે કોંગ્રેસના નેતા શ્રીકાંત જિચકરે એક દિવસ મને કહ્યું- યાર નીતિન, તમે સારા વ્યક્તિ છો, તમારું રાજકીય ભવિષ્ય સોનેરી છે. પણ તમે ખોટા પક્ષમાં છો. ભાજપ છોડીને કોંગ્રેસમાં જોડાવા આવો. ત્યારે મેં જવાબ આપ્યો – શ્રીકાંત હું કૂવામાં કૂદીને મરી જઈશ પણ કોંગ્રેસમાં નહીં આવું કારણ કે મને કોંગ્રેસની વિચારધારા પસંદ નથી. તેમણે કહ્યું કે તમારી પાર્ટીનું કોઈ ભવિષ્ય નથી. મેં કહ્યું- ના, એવું નથી.”

    નીતિન ગડકરીએ મીટિંગમાં સામેલ લોકોને પ્રેરણા આપવા માટે એક અન્ય ટુચકો કહ્યો હતો. તેણે કહ્યું કે જ્યારે તેમની પાર્ટી સતત હારી રહી હતી ત્યારે તેમના IITવાળા મિત્રએ તેને રિચર્ડ ડિક્સન દ્વારા લખેલું એક પુસ્તક આપ્યું હતું. આ પુસ્તકમાં રિચાર્ડે કહ્યું હતું કે ‘માણસ જ્યારે હારે છે ત્યારે સમાપ્ત થતો નથી, જ્યારે તે હાર સ્વીકારે છે ત્યારે માણસ સમાપ્ત થાય છે.‘

    મીટિંગમાં આવેલા ઉદ્યોગસાહસિકો સાથે વાત કરતા નીતિન ગડકરીએ કહ્યું કે જે કોઈ વેપાર, સામાજિક કાર્ય કે રાજકારણમાં હોય, તેમના માટે માનવીય સંબંધો સૌથી મોટી તાકાત છે. તેમણે કહ્યું કે ઉપયોગ કરો અને ફેંકો ની નીતિ ક્યારેય ન અપનાવવી જોઈએ. સમય સારો હોય કે ખરાબ. જો તમે કોઈનો હાથ લીધો હોય, તો તેને પકડી રાખો.

    નીતિન ગડકરીએ સફળતાનો સાચો અર્થ સમજાવતા કહ્યું કે જ્યારે તમે સફળતા મેળવો છો, પછી જો તમે એકલા અનુભવો છો, તો તે અર્થહીન છે. પરંતુ જ્યારે તમારી સાથેના લોકો તમારી સફળતાથી ખુશ હોય, તો એ જ સફળતાનો ખરો અર્થ છે.

    તેમણે કહ્યું કે વ્યક્તિએ હંમેશા પરિસ્થિતિ સામે લડવું જોઈએ. અહંકાર અને આત્મવિશ્વાસ બે અલગ અલગ શબ્દો છે. આત્મવિશ્વાસ દરેક વ્યક્તિમાં હોવો જોઈએ પણ અહંકાર કોઈમાં ન હોવો જોઈએ. નાનામાં નાના લોકો પાસેથી પણ શીખવા જેવી ઘણી બાબતો છે. જો તે વસ્તુઓ વ્યક્તિના વ્યક્તિત્વમાં લાવવામાં આવે તો તે પોતાની જાતને સુધારી શકે છે.

    શાહરૂખ હુસૈને હિંદુ યુવતીને જીવતી સળગાવ્યા બાદ ઝારખંડના દુમકામાં ભારેલા અગ્નિ જેવી સ્થિતિ: પોલીસ કસ્ટડીમાં રાક્ષસની જેમ હસતા આરોપીનો વિડીયો વાયરલ

    ઑપઇન્ડિયા સ્ટાફ
    -
    0
    શાહરૂખ હુસૈને હિંદુ યુવતીને જીવતી સળગાવ્યા બાદ ઝારખંડના દુમકામાં ભારેલા અગ્નિ જેવી સ્થિતિ: પોલીસ કસ્ટડીમાં રાક્ષસની જેમ હસતા આરોપીનો વિડીયો વાયરલ

    દુમકા અંકિતા હત્યાકાંડનો આરોપી શાહરૂખ હુસૈન યુવતીને જીવતી સળગાવ્યા બાદ પોલીસ કસ્ટડીમાં રાક્ષસની જેમ હસતો જોવા મળ્યો હતો. ગત 23 ઓગસ્ટે 16 વર્ષીય અંકિતા કુમારી જયારે ઊંઘી રહી હતી ત્યારે વિકૃત અને સનકી શાહરૂખ હુસૈને પેટ્રોલ નાખીને યુવતીને જીવતી સળગાવી દીધી હતી. જિંદગી અને મોત વચ્ચે સંઘર્ષ કરતી પીડિતાએ અંતે 27 ઓગસ્ટે સારવાર દરમિયાન દમ તોડી દીધો હતો. દુમકા અંકિતા હત્યાકાંડનો આરોપી શાહરૂખ હુસૈન હાલ પોલીસ કસ્ટડીમાં છે.

    યુવતીની મોત બાદ ઝારખંડના દુમકામાં ભારેલા અગ્નિ જેવી પરિસ્થિતિનું નિર્માણ થયું છે. અંકિતા હત્યાકાંડ બાદ લોકોમાં રોષ ભભૂકી ઉઠ્યો છે. આટલી ક્રુરતાથી એક માસુમને જીવતી સળગાવ્યા બાદ પણ આરોપીના ચહેરા પર અફસોસ જોવા મળ્યો ન હતો અને સનકી શાહરૂખ હુસૈને યુવતીને જીવતી સળગાવ્યા બાદ પોલીસ કસ્ટડીમાં રાક્ષસની જેમ હસી રહ્યો હતો.

    અંકિતાના મોત બાદ દુમકામાં પ્રદર્શન

    અંકિતાના મોત બાદ ભાજપ, VHP અને બજરંગ દળના કાર્યકર્તાઓ સાથે સામાન્ય લોકો રસ્તા પર ઉતરી આવ્યા હતા અને દેખાવો કરીને દુમકાની બજાર બંધ કરાવી હતી. આ ઘટનાની સુનાવણી ફાસ્ટટ્રેક કોર્ટમાં કરવા અને હત્યારાને ફાંસીની સજા આપવા સાથે જ લોકો પીડિતાના પરિવારને વળતર આપવાની માંગ કરી રહ્યા છે. દુમકા એસપી રવિવારે સાંજે (28 ઓગસ્ટ 2022) અંકિતાના ઘરે પહોંચ્યા હતા. તેમણે પરિવારને ખાતરી આપી હતી કે આ મામલાની સુનાવણી ફાસ્ટટ્રેક કોર્ટમાં કરવામાં આવશે.

    અંકિતાના મોત બાદ દુમકામાં વિરોધ વધુ ઉગ્ર થવાની સંભાવનાને ધ્યાનમાં રાખીને SDO મહેશ્વર મહતોએ કલમ 144 હેઠળ આગામી આદેશો સુધી પ્રતિબંધિત આદેશો લાગુ કર્યા છે. આ અંતર્ગત 5 કે તેથી વધુ લોકોના એકઠા થવા પર સંપૂર્ણ પ્રતિબંધ રહેશે. પરવાનગી વિના કોઈપણ પ્રકારના ધરણા-પ્રદર્શન, જાહેર મેળાવડા, સરઘસ અને રેલી કરવી પ્રતિબંધિત રહેશે.

    માસુમને જીવતી સળગાવીને રાક્ષસની જેમ હસી રહ્યો હતો શાહરૂખ

    માસુમ અંકિતાને જીવતી સળગાવીને ક્રુરતાથી હત્યા કરનાર આરોપી શાહરૂખ હાલ પોલીસની કસ્ટડીમાં છે. પરંતુ તેના ચહેરા પર તેણે કરેલી ક્રૂરતાનો સહેજ પણ પસ્તાવો નજરે પડ્યો નહતો. પોલીસ કસ્ટડીમાં આરોપી માસૂમ અંકિતાના મોત પર અફસોસ કરવાને બદલે રાક્ષસની જેમ હસતો જોવા મળ્યો હતો. તેમની બેશરમીનો વિડીયો સામે આવ્યા બાદ લોકોનો ગુસ્સો વધુ ભડકી ઉઠ્યો અને ત્યારબાદ દુમકામાં સ્થિતિ બગડવા લાગી હતી.

    શું હતી આખી ઘટના?

    અંકિતા પર હુમલો મંગળવારે (23 ઓગસ્ટ) સવારે થયો હતો. અંકિતાએ ગંભીર હાલતમાં પોલીસને જાણ કરી હતી કે તેની બાજુમાં રહેતો શાહરૂખ તેને રોજ હેરાન કરતો હતો. શાહરૂખ છેલ્લા 2 વર્ષથી તેને હેરાન કરીને મિત્રતા માટે વારંવાર પૂછતો હતો. પરંતુ અંકિતાએ તેને ઠપકો આપતા શાહરૂખે તેને જાનથી મારી નાખવાની ધમકી આપી હતી.

    અંકિતાએ સોમવારે તેના પિતાને આ ઘટના અંગે જણાવ્યા બાદ તે ઊંઘી ગઈ હતી. બીજા દિવસે સવારે જ્યારે તે જાગી ત્યારે તેણે જોયું કે તેની પીઠ સળગી રહી હતી. તે સળગતી હાલતમાં તેના પિતાના રૂમમાં દોડી ગઈ અને બધાએ ખૂબ જ મુશ્કેલીથી આગ ઓલવીને તેને હોસ્પિટલ લઈ ગયા હતા.

    હોસ્પિટલમાં જાણવા મળ્યું હતું કે અંકિતા 90 ટકા દાઝી ગઈ હતી. તસવીરોમાં જોઈ શકાય છે કે તેના હાથ અને પગ ભયંકર રીતે દાઝી ગયા હતા. અધિકારીઓએ અંકિતા અને તેના પરિવારના સભ્યોના નિવેદન લીધા બાદ તે જ દિવસે શાહરૂખની ધરપકડ કરી હતી. પરિવારજનોને આશા હતી કે અંકિતા કદાચ બચી જશે. પરંતુ વધુ પડતી દાઝી જવાને કારણે તે સ્વસ્થ થઈ શકી ન હતી અને અંતે ગત દિવસે 2:30 વાગ્યે તેનું કરુણ મોત નીપજ્યું હતું.

    1...1,0101,0111,012...1,179Page 1,011 of 1,179

    © Copyright - OpIndia.com