વડા પ્રધાન નરેન્દ્ર મોદીએ આજે પેરિસમાં ભારતીય સમુદાયને સંબોધિત કરતા જણાવ્યું હતું કે ભારતની સૌથી સફળ ડિજિટલ પેમેન્ટ સિસ્ટમ UPI નો ઉપયોગ ફ્રાન્સમાં કરવામાં આવશે. જેની શરૂઆત એફિલ ટાવરથી થશે. થશેઆ ઐતિહાસિક ક્ષણે PM મોદીએ UPI ના ફાયદા પણ ગણાવ્યા હતા.
“ભારત અને ફ્રાન્સ ફ્રાન્સમાં UPI નો ઉપયોગ કરવા માટે સંમત થયા છે. આગામી દિવસોમાં, તે એફિલ ટાવરથી શરૂ થશે, જેનો અર્થ છે કે ભારતીય પ્રવાસીઓ હવે રૂપિયામાં ચૂકવણી કરી શકશે,” પીએમ મોદીએ યુનિફાઇડ પેમેન્ટ સિસ્ટમનો (UPI) ઉલ્લેખ કરતા કહ્યું.
#WATCH | India and France have agreed to use UPI in France. In the coming days, it will begin from the Eiffel Tower which means Indian tourists will now be able to pay in rupees: PM Modi pic.twitter.com/kenzDkdbaS
— ANI (@ANI) July 13, 2023
ફ્રાન્સમાં UPI ને મંજૂરી મળવાથી ભારતીયો હવે કઈ રીતે તેમના પૈસા ખર્ચ કરી શકશે તેની વિશાળ શક્યતાઓ ખુલશે. UPI બોજારૂપ ફોરેક્સ કાર્ડને દૂર કરી શકશે અને ખર્ચ કરવા માટે રોકડ લઈ જવાની જરૂરિયાતને પણ ટાળશે.
PM મોદીએ તેમની ફ્રાન્સની મુલાકાતની શરૂઆત તેમના ફ્રેન્ચ સમકક્ષ એલિઝાબેથ બોર્ન અને સેનેટ પ્રમુખ ગેરાર્ડ લાર્ચર સાથે ‘ફળદાયી’ બેઠકો સાથે કરી હતી. જે દરમિયાન તેમણે ભારતના બહુપક્ષીય સહકાર અને મુખ્ય યુરોપિયન રાષ્ટ્ર સાથે ટાઈમ ટેસ્ટેડ વ્યૂહાત્મક ભાગીદારીને નવી પ્રેરણા આપવાના માર્ગો પર ચર્ચા કરી હતી.
ભારતનું UPI બહુવિધ બેંક ખાતાઓને એક જ મોબાઈલ એપ્લિકેશન (કોઈપણ સહભાગી બેંકની) માં જોડવાની શક્તિ આપે છે, જેમાં ઘણી બેંકિંગ સુવિધાઓ, સીમલેસ ફંડ રૂટીંગ અને વેપારી ચુકવણીઓને એક છત્રમાં મર્જ કરવામાં આવે છે. તે ‘પીઅર ટુ પીઅર’ કલેક્ટ રિક્વેસ્ટને પણ પૂરી કરે છે, જે શેડ્યૂલ કરી શકાય છે અને જરૂરિયાત અને સગવડતા મુજબ ચૂકવણી કરી શકાય છે.
2016માં લોન્ચ થયું હતું UPI, આટલા દેશોએ આપી છે માન્યતા
નેશનલ પેમેન્ટ્સ કોર્પોરેશન ઓફ ઈન્ડિયા (NCPI) એ એપ્રિલ 2016 માં 21 સભ્ય બેંકો સાથે એક પ્રાયોગિક લોન્ચિંગ હાથ ધર્યું હતું. ત્યારથી, UPI ના ઉપયોગમાં જબરદસ્ત વૃદ્ધિ જોવા મળી છે. નાના લારી ગલ્લાવાળા પણ ચાના કપ માટે ₹5 અથવા 10 જેટલી ઓછી કિંમતમાં UPI ચુકવણી સ્વીકારે છે.
2022 માં, NPCI એ ફ્રાન્સની ઝડપી અને સુરક્ષિત ઓનલાઈન પેમેન્ટ સિસ્ટમ સાથે એક એમઓયુ પર હસ્તાક્ષર કર્યા, જેને Lyra કહેવાય છે. આ વર્ષે, UPI અને સિંગાપોરના PayNow એ એક કરાર પર હસ્તાક્ષર કર્યા હતા, જે કોઈપણ દેશના વપરાશકર્તાઓને ક્રોસ બોર્ડર વ્યવહારો કરવાની મંજૂરી આપે છે.
UAE, ભૂતાન અને નેપાળ પહેલાથી જ UPI સિસ્ટમ અપનાવી ચૂક્યા છે. NPCI ઇન્ટરનેશનલ USA, અન્ય યુરોપીયન દેશો અને પશ્ચિમ એશિયામાં UPI સેવાઓ વિસ્તારવા માટે વાટાઘાટ કરી રહ્યું છે.
