મહારાષ્ટ્ર, કર્ણાટક, હરિયાણા અને રાજસ્થાનમાં રાજ્યસભાની 16 બેઠકો માટે શુક્રવારે (10 જૂન 2022) મતદાન થઈ રહ્યું છે. મહારાષ્ટ્ર (6 બેઠકો), હરિયાણા (2 બેઠકો), રાજસ્થાન (4 બેઠકો) અને કર્ણાટક (4 બેઠકો)માં બેઠકો કરતાં વધુ ઉમેદવારો મેદાનમાં ઉતરતા ચૂંટણી વધુ રસપ્રદ બની છે. બીજી તરફ ક્રોસ વોટિંગની પણ ચર્ચા ચાલી રહી છે. 15 રાજ્યોની 57માંથી 41 બેઠકો પર રાજ્યસભા ચૂંટણી માટે ઉમેદવારો પહેલેથી જ બિનહરીફ ચૂંટાઈ આવ્યા છે.
કોંગ્રેસે રાજસ્થાનથી રણદીપ સુરજેવાલા, મુકુલ વાસનિક અને પ્રમોદ તિવારીને મેદાનમાં ઉતાર્યા છે. રાજ્યમાં રાજ્યસભાની 4 બેઠકો છે અને તે માટે 5 ઉમેદવારો મેદાનમાં છે. ભાજપ સમર્થિત ઉમેદવાર સુભાષ ચંદ્રાની એન્ટ્રીથી સ્પર્ધા રસપ્રદ બની છે. આંકડાઓની વાત કરીએ તો રાજસ્થાનમાં એક રાજ્યસભા સીટ માટે 41 ધારાસભ્યોના સમર્થનની જરૂર છે. કોંગ્રેસ પાસે 109 ધારાસભ્યો છે. અપક્ષ ધારાસભ્યોના સમર્થનથી 125 વોટ તેમની પાસે હોવાનો પાર્ટી દાવો કરી રહી છે. સુભાષ ચંદ્રાએ ઉમેદવારી કર્યા બાદ કોંગ્રેસે સમર્થક ધારાસભ્યોને ઉદયપુરની હોટલમાં લાવવા પડ્યા હતા તેમજ આમેર, જયપુરમાં ઈન્ટરનેટ સેવા પણ ગુરુવારે (9 જૂન 2022) રાત્રે 9 વાગ્યાથી શુક્રવારની રાત્રે 9 વાગ્યા સુધી સ્થગિત કરવી પડી હતી.
Rajasthan | Internet services have been suspended in Jaipur’s Amer area for 12 hours till 9 am of 10th June in view of Rajya Sabha elections: District Administration pic.twitter.com/WwpjdqZoGB
— ANI MP/CG/Rajasthan (@ANI_MP_CG_RJ) June 9, 2022
મહારાષ્ટ્રમાં અસદુદ્દીન ઓવૈસીની પાર્ટી AIMIM એ 6 બેઠકો પર મતદાન પહેલાં શિવસેનાની આગેવાની હેઠળની મહા વિકાસ અઘાડીને સમર્થન આપવાની જાહેરાત કરી છે. AIMIM મહારાષ્ટ્રના પ્રમુખ ઈમ્તિયાઝ જલીલે શુક્રવારે કહ્યું, “અમારી પાર્ટી AIMIMએ ભાજપને હરાવવા માટે મહારાષ્ટ્રમાં રાજ્યસભાની ચૂંટણી માટે મહા વિકાસ અઘાડીને મત આપવાનો નિર્ણય કર્યો છે. મહારાષ્ટ્રના અમારા બે AIMIM ધારાસભ્યોને કોંગ્રેસના ઉમેદવાર ઈમરાન પ્રતાપગઢીને મત આપવાનું કહેવામાં આવ્યું છે.”
To defeat BJP, our party AIMIM has decided to vote for Maha Vikas Aghadi (MVA) in the Rajya Sabha elections in Maharashtra. Our 2 AIMIM Maharashtra MLAs have been asked to vote for the Congress candidate Imran Pratapgarhi: Imtiaz Jaleel, AIMIM Maharashtra president pic.twitter.com/avKeuj88dG
— ANI (@ANI) June 10, 2022
અહીં અગત્યનું છે કે એક સમયે શિવસેના દ્વારા ઓવૈસી બંધુઓને રાક્ષસો કહ્યા હતા અને કહ્યું હતું કે તેઓ મુસ્લિમોમાં ઝેર ભરવાનું કામ કરી રહ્યા છે. શિવસેનાના મુખપત્ર ‘સામના’ના એક લેખમાં ઓવૈસી ભાઈઓ રાષ્ટ્રને મોટું જોખમ હોવાનું કહેવામાં આવ્યું હતું. તેમજ એમ પણ કહેવામાં આવ્યું હતું કે ઓવૈસી ભાઈઓના મનમાં પાકિસ્તાનના ધ્વજનો લીલો રંગ ભરેલો છે અને ‘ભારત માતા કી જય’ બોલવાનો ઇનકાર કરવા બદલ ઓવૈસીનું માથું કાપી નાંખવું જોઈએ. આજે ભાજપને હરાવવા માટે આ બંને પક્ષો સાથે થઇ ગયા છે.
AIMIM is a demon. The green colour of Pakistan’s flag has filled up the minds of the Owaisi brothers. Asaduddin Owaisi should be beheaded for refusing to chant Bharat Mata ki Jai. – Shiv Sena
— Anand Ranganathan (@ARanganathan72) June 10, 2022
Today, the same Shiv Sena is taking the support of AIMIM for the Rajya Sabha elections.
હરિયાણામાં પણ અલગ જ ખેલ ચાલી રહ્યો છે. અહીં કોંગ્રેસના ધારાસભ્યોને રાયપુરથી પરત લાવતી વખતે તેમને લોટમાં મીઠું નંખાવીને કોંગ્રેસ ઉમેદવાર અજય માકનના સમર્થનમાં મત આપવા માટેના સમ આપવામાં આવ્યા હતાં. હરિયાણાના કોંગ્રેસ ધારાસભ્યોની છત્તીસગઢની એક રિસોર્ટમાં રાખવામાં આવ્યા હતા. ગુરુવારે તેમને હરિયાણા લાવવામાં આવ્યા હતા. હરિયાણામાં બે રાજ્યસભા બેઠકો માટે મતદાન થનાર છે. કોંગ્રેસ તરફથી અજય માકન ઉમેદવાર છે. કુલ ત્રણ ઉમેદવારોએ ઉમેદવારી કરતા ત્યાં પણ ચૂંટણી રસપ્રદ બની છે.
