ભારતીય ક્રિકેટ ટીમ માટે રમતા ક્રિકેટર રવિન્દ્ર જાડેજાએ ગઈકાલે સોશિયલ મીડિયા મારફતે કન્યા કેળવણી માટે સામાજિક કાર્ય અંગે અગત્યની જાહેરાત કરી હતી. તેમણે પુત્રી નિધ્યાનાબાના પાંચમા જન્મદિવસે જામનગર પોસ્ટ ઑફિસ ખાતે 101 દીકરીઓના સુકન્યા સમૃદ્ધિ ખાતા ખોલાવ્યાં હતાં. રવિન્દ્ર જાડેજા અને પત્ની રિવાબા જાડેજાએ આ દીકરીઓના ખાતામાં એક ખાતાદીઠ 11 હજાર રૂપિયા ડિપોઝીટ કરાવ્યા હતા.
રવિન્દ્ર જાડેજાએ આ જાહેરાત ટ્વિટર, ફેસબુક, ઇન્સ્ટાગ્રામ પર પોસ્ટ મૂકીને કરી હતી. આ સાથે તેમણે વડાપ્રધાન નરેન્દ્ર મોદી તેમજ રાજ્ય સરકારના મંત્રી દેવુસિંહ ચૌહાણનો પણ આભાર માન્યો હતો.
— Ravindrasinh jadeja (@imjadeja) June 8, 2022
જોકે, રવિન્દ્ર જાડેજાના આ ટ્વિટ બાદ અમુક યુઝરોએ આને નિવૃત્તિની જાહેરાત માની લીધી હતી. તેથી કેટલાક લોકો તેમને નિવૃત્તિ ન લેવાનું કહી રહ્યા હતા. બીજી તરફ, કેટલાક કોંગ્રેસ સમર્થકોએ જાડેજાની મશ્કરી કરી હતી અને આમાં પણ રાજકારણ ઘૂસાડી દીધું હતું. જોકે, ઘણા લોકોએ રવિન્દ્ર જાડેજા અને તેમની પત્નીના આ કાર્યને બિરદાવ્યું હતું.
એક યુઝરે જાડેજાના ટ્વિટ નીચે રિપ્લાય કરીને તેમને નિવૃત્તિ ન લેવા માટે અપીલ કરી હતી અને કહ્યું હતું કે તેઓ તેમને રમતા જોવા માંગે છે. જોકે, પછીથી અન્ય એક યુઝરે સ્પષ્ટતા કરી હતી. આવા અનેક ટ્વિટ જોવા મળ્યાં હતાં.
તો એક યુઝરે રવિન્દ્ર જાડેજાએ લખેલા લાંબા પેરેગ્રાફને લઈને કહ્યું કે કોઈ આટલો લાંબો પેરેગ્રાફ પોસ્ટ કરે તો સામાન્ય રીતે એવું જ લાગે છે કે નિવૃત્તિની જાહેરાત કરી હશે.
આતિફ નામના એક યુઝરે રવિન્દ્ર જાડેજાને આની જાહેરાત કરવા પર પ્રશ્નો ઉભા કર્યા હતા અને કહ્યું કે સારી બાબત છે પણ તેની જાહેરાત કરવાની શું જરૂર છે? જોકે, પ્રજાના પૈસે અખબારોના પહેલા પાનાં પર મસમોટી જાહેરાતો આપતી સરકારો વિશે ઘણીવાર એક વર્ગ ચૂપ થઇ જતો હોય છે.
Achchi baat hai usko advertise karne ki kya zaroorat hai?
— aatif (عاطف) (@mdaatif_) June 8, 2022
તો મોહમ્મદ મહેબૂબ નામના એક યુઝરે રવિન્દ્ર જાડેજા પર રાજકારણ કરવાનો આરોપ લગાવી એમ પણ કહ્યું હતું કે તેમને પત્ની રિવાબા માટે ગુજરાત વિધાનસભા ચૂંટણીમાં ભાજપ તરફથી ટિકિટ જોઈતી હોવાના કારણે તેઓ આમ કરી રહ્યા છે. તો એક યુઝરે જાડેજા પર સત્કાર્ય કર્યું હોવા છતાં પણ ‘કેટલામાં વેચાયા?’ જેવા પ્રશ્નો કરીને અપમાનજનક ટિપ્પણી પણ કરી હતી.
Saf saf bolo bhaiya ki wife ke liye ticket 🎟 chahiye, gujrat election me.
— Mohammad Mahboob (@Mohamma93761707) June 8, 2022
कितने में बिका रवींद्र जडेजा
— brij mohan_Dpcc (@brijmoh67585237) June 8, 2022
‘સ્માર્ટ બોય’ નામના એક યુઝરે તો રવિન્દ્ર જાડેજાને ભાજપમાં જોડાઈ જવા સુધીની સલાહ આપી દીધી હતી. અફરોઝ નામના એક યુઝરે જાડેજા પર ભાજપમાંથી વિધાનસભા ચૂંટણી લડવાની તૈયારી કરતા હોવાનો આરોપ લગાવ્યો હતો અને કટાક્ષ કરતા કહ્યું કે, બીજો વિકલ્પ હંમેશા ખુલ્લો રાખવો જોઈએ.
Bhai, Tu BJP join karle. We understand all this. Bahut dekhe tere jaise
— SmartBoy (@SmartboyZiki) June 8, 2022
बीजेपी से विधानसभा चुनाव की तैयारी, हाँ वैसे भी कैरियर ढलान पे है तो दूसरे ऑप्शन भी खुला रखना बेहतर ही है https://t.co/XidNwpNdpk
— Afroz Pasha Adv.🇮🇳 (@AfrozITM) June 8, 2022
જોકે, તે સિવાય બહુમતી યુઝરોએ રવિન્દ્ર જાડેજા અને તેમની પત્નીના આ નિર્ણયને આવકાર્યો હતો અને તેમની પ્રશંસા કરી હતી. યુઝરોએ કહ્યું કે જન્મદિવસે ખોટા ખર્ચ કરવા કરતાં સમાજને લાભ થાય તેવું કાર્ય કરીને જાડેજા દંપતીએ સમાજને નવી રાહ ચીંધી છે. તેમણે જાડેજાના કન્યા કેળવણી ક્ષેત્રે કરેલા આ કાર્યને ‘ઉત્કૃષ્ટ’ અને ‘બિરદાવવાલાયક’ ગણાવ્યું હતું.
ખૂબ જ ઉત્કૃષ્ઠ અને બિરદાવવા જેવું કાર્ય કર્યું છે જેનાથી જન્મદિવસ નિમિતે થતાં ખોટા ખર્ચા કરતા જરૂરિયાતમંદો ને એક મદદ થાય સમાજ ને નવો રાહ ચીંધ્યો છે તમારા આ કાર્ય થી અનેક લોકો ને પ્રેરણા મળશે🙏🙏👌👌
— Ajubha (@Ajubha33) June 8, 2022
वह जडेजा भाई आपने और आपकी धर्म पत्नी ने तो करोड़ों लोगों का दिल जीत लिया l
— Santosh Yadav (@Santosh29516) June 8, 2022
જોકે, ડાબેરીઓ રવિન્દ્ર જાડેજા પર તૂટી પડ્યા હોય તેવો આ પ્રથમ કિસ્સો નથી. આ પહેલાં જાડેજાએ પોતાની સંસ્કૃતિ પર ગર્વ કરતો એક વિડીયો અપલોડ કર્યો હતો, જે બાદ લેફ્ટ લિબરલો દ્વારા તેમને નિશાન બનાવવામાં આવ્યા હતા.
નોંધનીય છે કે સુકન્યા સમૃદ્ધિ યોજના વર્ષ 2015 માં ‘બેટી બચાઓ, બેટી પઢાઓ’ અભિયાન હેઠળ વડાપ્રધાન નરેન્દ્ર મોદી દ્વારા લૉન્ચ કરવામાં આવી હતી. આ યોજના હેઠળ દીકરીઓના અભ્યાસ માટે આકર્ષક વ્યાજદરો અને કરમાં પણ રાહત આપવામાં આવે છે.
