આખરે કોંગ્રેસમાંથી નારાજ થઈને રાજીનામું આપી ચૂકેલા હાર્દિક પટેલ આજે વિધિવત રીતે ભારતીય જનતા પાર્ટીમાં જોડાવા જઈ રહ્યા છે. આજે ગાંધીનગર સ્થિત ભાજપના મુખ્યમથક કમલમ્ ખાતે ભાજપ પ્રદેશ અધ્યક્ષ સીઆર પાટીલ કેસરિયો ખેસ પહેરાવીને હાર્દિક પટેલનો ભાજપ પ્રવેશ કરાવશે. જેની ભાજપ અને હાર્દિક પટેલ, બંને પક્ષેથી પુષ્ટિ કરવામાં આવી ચૂકી છે.
ભાજપમાં જોડાવા પહેલાં હાર્દિક પટેલે ટ્વિટ કરતાં કહ્યું કે, રાષ્ટ્રહિત, પ્રદેશહિત, જનહિત અને સમાજહિતની ભાવનાઓ સાથે આજે નવા અધ્યાયનો પ્રારંભ કરવા જઈ રહ્યો છું. તેઓ આગળ લખે છે કે, “ભારતના યશસ્વી વડાપ્રધાન શ્રી નરેન્દ્રભાઈ મોદીજીના નેતૃત્વમાં ચાલી રહેલા રાષ્ટ્ર સેવાના ભગીરથ કાર્યમાં નાનકડો સિપાઈ બનીને કામ કરીશ.”
राष्ट्रहित, प्रदेशहित, जनहित एवं समाज हित की भावनाओं के साथ आज से नए अध्याय का प्रारंभ करने जा रहा हूँ। भारत के यशस्वी प्रधानमंत्री श्री नरेन्द्र भाई मोदी जी के नेतृत्व में चल रहे राष्ट्र सेवा के भगीरथ कार्य में छोटा सा सिपाही बनकर काम करूँगा।
— Hardik Patel (@HardikPatel_) June 2, 2022
હાર્દિક પટેલે ગત 18 મેના રોજ કોંગ્રેસ પાર્ટીમાંથી રાજીનામું આપી દીધું હતું. તે પહેલાં તેઓ અનેક વખત કોંગ્રેસ અને સ્થાનિક નેતૃત્વ પ્રત્યે નારાજગી જાહેર કરી ચૂક્યા હતા. એક અખબારને આપેલા ઇન્ટરવ્યૂમાં તેમણે કોંગ્રેસ પ્રત્યે નારાજગી વ્યક્ત કરી હતી તો ભાજપના 370, રામમંદિર જેવા નિર્ણયોના વખાણ કર્યા હતા જેના કારણે તેઓ કોંગ્રેસ છોડશે અને હાર્દિક પટેલનો ભાજપ પ્રવેશ થશે તેવી અટકળો શરૂ થઇ ગઈ હતી.
જે બાદ અવારનવાર હાર્દિક પટેલ કોંગ્રેસ પ્રત્યે નારાજગી દર્શાવી ચૂક્યા હતા તો હાઈકમાન્ડનો પણ સંપર્ક કરી ચૂક્યા હતા. જોકે, ત્યાંથી પણ મેળ નહીં પડતા આખરે હાર્દિકે પાર્ટી છોડવાનું જ મુનાસિબ માન્યું અને પાર્ટી અધ્યક્ષ સોનિયા ગાંધીને પત્ર લખીને પક્ષના પ્રાથમિક સભ્યપદેથી રાજીનામું ધરી દીધું હતું.
જોકે, પહેલાં આંદોલનો અને પછી કોંગ્રેસ પાર્ટીમાં જોડાઈને પણ હાર્દિક પટેલ ગુજરાતમાં ભાજપનું ખાસ નુકસાન કરી શક્યા નથી કે તેને સત્તા પરથી હટાવવાના તેમના મનસૂબા સફળ થઇ શક્યા નથી. પાટીદાર અનામત આંદોલન છતાં 2017 ની વિધાનસભા ચૂંટણીમાં ભાજપની જીત થઇ હતી તો હાર્દિક પટેલ વિધિવત રીતે કોંગ્રેસમાં જોડાયા બાદ ન તો તેઓ કોંગ્રેસને ઉપર લાવી શક્યા હતા કે નહીં કોઈ ચૂંટણીમાં ભાજપને હરાવવા માટે પાર્ટીને આગળ લાવી શક્યા હતા. સ્થાનિક સ્વરાજ્યની ચૂંટણીઓ અને વિધાનસભા ચૂંટણીઓ તેનું ઉદાહરણ છે.
એક તરફ ભાજપની સતત વધતી જતી લોકપ્રિયતાને અને કોંગ્રેસના સતત ઘટતા જતા ગ્રાફના કારણે આખરે હાર્દિક પટેલ હવે હાર માનીને એ જ પાર્ટીમાં જોડાઈ રહ્યા છે જે પાર્ટીના શીર્ષ નેતાઓ પ્રત્યે હંમેશા તેમણે બેફામ નિવેદનો આપ્યાં હતાં.
પાર્ટી છોડ્યા બાદ હવે હાર્દિક પટેલ ભારતીય જનતા પાર્ટીમાં જોડાઈ રહ્યા છે. જોકે, તેમના ભૂતકાળના ભાજપના નિવેદનો અને ગતિવિધિઓના કારણે ભાજપના સમર્થકો હાર્દિકને સ્વીકારવા માટે તૈયાર નથી. ભાજપ સર્મથકો હજુ પણ તેમને તેમના જૂના નિવેદનો અને ટ્વિટ યાદ કરાવી રહ્યા છે તો કોઈ માને છે કે હાર્દિકની સ્થિતિ પણ એ જ થશે જે અલ્પેશ ઠાકોરની થઇ છે.
क्या अब आप खुद को देशद्रोही कह सकते हैं? pic.twitter.com/VVUhjAzCb5
— Mukesh (@mikejava85) June 2, 2022
એક યુઝરે કહ્યું કે, ભાજપ વિચારધારાથી ભટકી ગયું છે અને તેમને આનું નુકસાન જશે. તેમણે હાર્દિકને મહત્વકાંક્ષી નેતા ગણાવ્યા હતા અને કહ્યું હતું કે તેઓ ભવિષ્યના સિદ્ધુ સાબિત થશે. વળી એક યુઝરે તેમની ઉપર રાજકારણ રમવાનો આરોપ લગાવત કહ્યું કે, પહેલાં જેમને ગાળો દેતા હતા હવે તેમની પાસે જ જઈ રહ્યા છે.
बीजेपी के लिए पनोती..
— Hindu 🚩SpeakerMadam (@SpeakerMadam1) June 2, 2022
बीजेपी अपने मूल विचारधारा से भटक गई है
नुकसान हिन्दू,बीजेपी और देश तीनों को होगा.
हार्दिक पाटीदार नेता है ही नहीं. कट्टर महत्त्वकांक्षी तथाकथित नेता है.
ये भविष्य मे बीजेपी के लिए गुजरात का सिद्धू साबित होगा
Sai hai.. pehle bjp ko gaaliya do aur congress ki jaikaar karo. Phir jisko gaaliya di hain uske paas hi chale jaao. Waah re teri politics.
— Sid (@joejoshii) June 2, 2022
જોકે, ભાજપનો એક વર્ગ એવો પણ છે જેઓ હાર્દિક પટેલને આવકારી રહ્યા છે.
Warmly welcome to BJP family,
— A C TRIVEDI (@ACTRIVEDI4) June 2, 2022
BJP પરીવાર માં હાર્દિક પટેલ નું ભવ્ય સ્વાગત છે,
જય શ્રી દ્વારકાધીશ જી
હાર્દિકભાઈ ભારતીય જનતા પાર્ટી માં આપનું ભાવભર્યું સ્વાગત છે..પરંતુ હવે આપ ના નવા અધ્યાયમાં કોઈ પણ સમાજ ને ઠેસ ના પહોંચે અને આપણા સમાજ માં લેઉવા અને કડવા પાટીદાર સમાજમાં ભાગલા પડેલ હતા તેમને આપ જ જલ્દી દૂર કરી ફરી એક નવો ઇતિહાસ રચો એવી શુભેચ્છા….
— hiren moradiya_official🇮🇳 (@mordiya00) June 2, 2022
બીજી તરફ, જે કોંગ્રેસી સમર્થકો માટે આજ સુધી હાર્દિક પટેલ અગત્યના નેતા હતા તેઓ હવે હાર્દિકે પાર્ટી છોડી દીધા બાદ અને ખાસ કરીને ભાજપમાં જોડાવાની તૈયારી કરી રહ્યા બાદ તેમની મજાક ઉડાવી રહ્યા છે તો સોશિયલ મીડિયા ઉપર ગુસ્સો ઠાલવી રહ્યા છે.
कांग्रेस ने आपको गुजरात में आपको नौजवानों का नेता बनाया, विश्वास जताया, संगठन में अहम पद दिया लेकिन आप कांग्रेस के नहीं हो सके आपके ही शब्दों में कहूं तो आज आप बीजेपी की जूती बनने को तैयार हो गए है
— Shanker Pandey (@ShankerPandey5) June 2, 2022
પાટીદાર અનામત આંદોલનના કારણે ઉપર આવેલા હાર્દિક પટેલે ભાજપનો જ વિરોધ કરી આખરે ભાજપનો ખેસ ધારણ કરતા યુઝરો તેને લઈને પણ પ્રતિક્રિયા આપી રહ્યા છે.
नेता बस अपना फायदा देखता है श्री हार्दिक पटेल जी अब भाजपा में शामिल होने जा रहे हैं वह भाजपा जहां से हार्दिक पटेल ने भाजपा को बुरा भला कहते थे वहीं भाजपा हार्दिक पटेल के लिए दूध की धूनी हो गई है हार्दिक पटेल पटेल समुदाय के साथ खिलवाड़ किया है
— Shivam Patel (@ShivamPatelc) June 2, 2022
હાર્દિક પટેલના આવવાથી ભાજપને નુકસાન છે કે નહીં તે બાબત અનિશ્ચિત છે પરંતુ એક બાબત નિશ્ચિત છે કે હાર્દિક પટેલ માટે આગળ કપરાં ચઢાણ છે. કારણ કે જાણવા મળ્યા મુજબ તેઓ વિધાનસભા ચૂંટણીમાં ઝંપલાવી શકે છે. ભાજપની ટિકિટ મળવાથી તેમને ફાયદો તો થશે પરંતુ બીજી તરફ સમર્થકોની નારાજગી હાર્દિક પટેલને અસર કરી શકે છે. એ જ કારણ છે કે ઘણા માની રહ્યા છે કે હાર્દિક પટેલ પણ ભાજપમાં આવીને અલ્પેશ ઠાકોરની જેમ હાંસિયામાં ધકેલાઈ જશે. કારણ કે, અલ્પેશ ઠાકોર જે બેઠક પરથી ધારાસભ્ય હતા, તે જ બેઠક પર ફરી ચૂંટણી લડીને હાર્યા હતા.
તો શું હાર્દિક પટેલનું પણ એમ જ થશે? હાર્દિકને આવનારી વિધાનસભાની ચૂંટણીમાં ટીકીટ મળશે એ અત્યારે તો કોઇપણ કહી શકે તેમ નથી. વળી, હાર્દિક પટેલનું ગુજરાતમાં રાજકીય કદ હવે એટલું બધું પણ મોટું નથી કે તે ભાજપમાં જોડાવા પૂર્વે અન્ય દિગ્ગજ કોંગ્રેસી નેતાઓની જેમ ટીકીટની માંગણી કરી શકે. આમ, અત્યારે તો એવું લાગે છે કે હાર્દિક પટેલનું ભાજપમાં જોડાવું એ ભાજપ માટે નહીં નફો નહીં નુકશાન જેવું રહેશે પરંતુ હાર્દિક પટેલને પોતાનું રાજકીય અસ્તિત્વ ટકાવી રાખવા માટે ભાજપનો સાથ જે તેના માટે અનિવાર્ય હતો તે તેને જરૂર મળી ગયો છે.
હાર્દિક પટેલના ભાજપ જોડાણથી શું થશે તે તો આવનારો સમય જ કહેશે અને આપણે બધા બહુ જલ્દીથી એ આવનાર સમયના સાક્ષી બનીશું.
