દિલ્હીના મહિલા આયોગનાં વડાં સ્વાતિ માલિવાલ સાથે છેડતીની ઘટના બની હોવાના અહેવાલો મળ્યા છે. તેમણે દાવો કર્યો છે કે એક ગાડીના ડ્રાઈવરે નશાની હાલતમાં તેમની છેડતી કરી અને જ્યારે તેમણે તેને પકડી લીધો તો ગાડીના કાચમાં તેમનો હાથ બંધ કરીને ઘસડ્યાં હતાં.
कल देर रात मैं दिल्ली में महिला सुरक्षा के हालात Inspect कर रही थी। एक गाड़ी वाले ने नशे की हालत में मुझसे छेड़छाड़ की और जब मैंने उसे पकड़ा तो गाड़ी के शीशे में मेरा हाथ बंद कर मुझे घसीटा। भगवान ने जान बचाई। यदि दिल्ली में महिला आयोग की अध्यक्ष सुरक्षित नहीं, तो हाल सोच लीजिए।
— Swati Maliwal (@SwatiJaiHind) January 19, 2023
સ્વાતિ માલિવાલે ટ્વિટર મારફતે જાણકારી આપતાં કહ્યું કે, તેઓ બુધવારે (18 જાન્યુઆરી 2023) દિલ્હીમાં મહિલા સુરક્ષાની સ્થિતિ જાણવા માટે ગયાં હતાં. ત્યારે એક ગાડીના ડ્રાઈવરે નશાની હાલતમાં તેમની છેડતી કરી અને જ્યારે તેમણે તેને પકડી લીધો તો ડ્રાઈવરે તેમનો હાથ ગાડીમાં ફસાવીને ઘસડ્યાં હતાં. તેમણે ટિપ્પણી કરીને કહ્યું કે, દિલ્હીમાં મહિલા આયોગની અધ્યક્ષ જ સુરક્ષિત ન હોય તો વિચારવું રહ્યું.
બીજી તરફ, આ મામલે પોલીસે પણ સંજ્ઞાન લીધું છે અને આરોપીની ધરપકડ કરી લીધી છે. દિલ્હી પોલીસના જણાવ્યા અનુસાર, સ્વાતિને 10થી 15 મીટર સુધી ઘસડવામાં આવ્યાં હતાં. આ ઘટના ગુરુવારે મળસ્કે AIIMSના ગેટ નંબર 2 પાસે બની હોવાનું કહેવાય છે.
(DCW chief)Swati Maliwal,dragged by car for 10-15 meters,at around 3.11 am opp AIIMS gate 2, after her hand got stuck in car’s window as driver, Harish Chandra, suddenly pulled up glass window while she was reprimanding him as he asked her to sit in his car: Delhi Police pic.twitter.com/fZh5GXhbIP
— ANI (@ANI) January 19, 2023
પોલીસ અધિકારીએ જણાવ્યું હતું કે, ડ્રાઈવરની ઓળખ હરીશ ચંદ્ર તરીકે થઇ છે અને તેની ધરપકડ કરી લેવામાં આવી છે. ઘટના અંગે જણાવતાં કહેવામાં આવ્યું કે, તેણે સ્વાતિને પોતાની કારમાં બેસવા માટે કહ્યું હતું અને જેથી તેઓ તેને ઠપકો આપતાં હતાં ત્યારે તેણે અચાનક કારનો કાચ ચડાવી દીધો હતો અને જેના કારણે સ્વાતિ માલિવાલનો હાથ ફસાઈ ગયો હતો. સ્વાતિ તેમની ટીમ સાથે ફૂટપાથ નજીક ઊભાં હતાં ત્યારે આ ઘટના બની હોવાનું કહેવાય છે.
ઘટના બાદ પોલીસે FIR દાખલ કરીને 47 વર્ષીય આરોપીની ધરપકડ કરી લીધી હતી. તેમજ પીડિત અને આરોપી બંનેનાં મેડિકલ પરીક્ષણ પણ કરવામાં આવ્યાં હતાં.
ઉલ્લેખનીય છે કે નવા વર્ષની શરૂઆતમાં જ દિલ્હીમાં એક ઘટના સામે આવી હતી જ્યાં એક યુવતીને એક કાર દ્વારા 12 કિલોમીટર સુધી ઘસડવામાં આવી હતી. કારે યુવતીની ગાડીને ટક્કર મારી હતી, જેના કારણે તે કાર નીચે ફસાઈ ગઈ હતી. ત્યારબાદ ગાડી 12 કિલોમીટર સુધી યુવતીને ઘસડતી રહી હતી. પછીથી જાણવા મળ્યું હતું કે કારમાં સવાર યુવકો નશાની હાલતમાં હતા. જ્યારે યુવતી મૃત્યુ પામી હતી. આ તમામની બીજા દિવસે ધરપકડ કરી લેવામાં આવી હતી.
