અરૂણાચલ પ્રદેશના તવાંગમાં ભારતીય અને ચીનની સેના વચ્ચે થયેલ ઘર્ષણને લઈને રાહુલ ગાંધીએ આપેલા નિવેદનને લઈને વિવાદે જોર પકડ્યું છે. એક તરફ રાહુલ ગાંધીની ટીકા થઇ રહી છે તો હવે ભાજપે પણ રાહુલ ગાંધી ઉપર નિશાન સાધ્યું છે. ઉપરાંત, ભાજપ પ્રવક્તા ગૌરવ ભાટિયાએ રાહુલ ગાંધીને કોંગ્રેસમાંથી કાઢી મૂકવાની પણ માંગ કરી છે.
શનિવારે (17 ડિસેમ્બર 2022) એક પ્રેસ કોન્ફરન્સ સંબોધતાં ભાજપ પ્રવક્તા ગૌરવ ભાટિયાએ રાહુલ ગાંધીની ટિપ્પણીને સેનાનું મનોબળ તોડનારી ગણાવીને ઉમેર્યું કે જો મલ્લિકાર્જુન ખડગે ‘રિમોટ કંટ્રોલ્ડ’ ન હોય તો તેમણે રાહુલ ગાંધીને પાર્ટીમાંથી કાઢી મૂકવા જોઈએ. તેમણે એમ પણ કહ્યું કે, ચીની સૈનિકોએ નહીં પરંતુ ભારતીય સૈનિકોએ ચીનીઓને માર માર્યો હતો અને તેમને ખદેડી મૂક્યા હતા, જેની ઉપર દરેક ભારતવાસીને ગર્વ છે.
ભાજપ પ્રવક્તાએ એમ પણ કહ્યું કે, જો કોંગ્રેસ રાહુલ ગાંધી સામે કોઈ પગલાં ન ભરે તો તેનો અર્થ એ થશે કે હજુ પણ ત્યાં પૂર્વ અધ્યક્ષ જ સર્વોપરી છે અને રાહુલ ગાંધીનું આ નિવેદન પાર્ટીની માનસિકતા છતી કરે છે. તેમણે એમ પણ કહ્યું કે, કોંગ્રેસ રાજકીય પાર્ટી ઓછી અને ભારતવિરોધી પ્રવૃત્તિઓનો અડ્ડો વધુ બની ગઈ છે.
एक भारतीय होने के नाते और भारतीय जनता पार्टी को भारत की सेना पर गर्व है, हमारा गरूर है सेना… जो जवान सीमा पर चीन की सेना को पीट रहे हैं, उनको अपनी ताकत दिखा रहे हैं… उस समय पर भारत के ‘जयचंद’ राहुल गांधी हमारी सेना का मनोबल तोड़ने का काम क्यों कर रहे हैं।
— BJP (@BJP4India) December 17, 2022
– श्री @gauravbh pic.twitter.com/zpLzAiRyoM
ગૌરવ ભાટિયાએ કહ્યું કે, ભારતીય હોવાના નાતે ભાજપને ભારતની સેના પર ગર્વ છે અને સેના આપણું અભિમાન છે. આપણા જવાનો સરહદ પર ચીનના જવાનોને માર મારી રહ્યા છે અને શક્તિ દેખાડી રહ્યા છે ત્યારે ભારતના ‘જયચંદ’ રાહુલ ગાંધી આપણી સેનાનું મનોબળ તોડવાનું કામ કેમ કરી રહ્યા છે?
ભાજપ તરફથી ગૌરવ ભાટિયાએ કહ્યું કે, એવું લાગી રહ્યું છે કે રાહુલ ગાંધીએ દુશ્મન દેશો સાથે સમજૂતી કરી છે કે જ્યારે-જ્યારે ભારતીય સેના પોતાનું પરાક્રમ બતાવશે ત્યારે રાહુલ ગાંધી અને કોંગ્રેસ તેનું મનોબળ તોડવાનું કામ કરશે. તેમની ચીન સાથે સમજૂતી થઇ છે અને મને એવું કોઈ નિવેદન નથી જોવા મળી રહ્યું જ્યારે કોંગ્રેસ, રાહુલ ગાંધી કે સોનિયા ગાંધીએ ચીનની ટીકા કરી હોય.
राहुल गांधी देश को बताएं कि वो अपना ‘जयचंद’ वाला चरित्र कब छोड़ेंगे। साल 2007 में संसद में एक प्रश्न पूछा गया था तब तत्कालीन कांग्रेस सरकार ने बताया था कि 38 हजार स्क्वयार किलोमीटर की जमीन और कुल 43180 स्क्वयार किलोमीटर जमीन कांग्रेस शासन के दौरान चीन ने कब्जाई है। pic.twitter.com/uYTeNa4scv
— BJP (@BJP4India) December 17, 2022
તેમણે ઉમેર્યું કે, રાહુલ ગાંધી દેશને જણાવે કે તેઓ પોતાનું ‘જયચંદ’વાળું ચરિત્ર ક્યારે ત્યાગશે. વર્ષ 2007માં સંસદમાં એક પ્રશ્ન પૂછવામાં આવ્યું હતું ત્યારે તત્કાલીન કોંગ્રેસ સરકારે જણાવ્યું હતું કે 38 હજાર સ્કવેર કિલોમીટર જમીન અને કુલ 43,180 સ્કેવર કિલોમીટર જમીન કોંગ્રેસની સરકાર દરમિયાન ચીને કબ્જે કરી લીધી હતી.
ઉલ્લેખનીય છે કે શુક્રવારે (17 ડિસેમ્બર 2022) એક નિવેદનમાં રાહુલ ગાંધીએ કહ્યું હતું કે, અરૂણાચલ પ્રદેશમાં ચીન આપણા જવાનોને મારી રહ્યું છે. તેમન આ વિવાદાસ્પદ નિવેદનનો દેશભરમાંથી વિરોધ થઇ રહ્યો છે.
