ગુજરાત વિધાનસભા ચૂંટણીમાં હવે ગણતરીના દિવસો જ બાકી છે એવામાં જે પાર્ટી પોતાને કોંગ્રેસ કરતા વધુ મજબૂત બતાવી રહી હતી તે આમ આદમી પાર્ટીને હવે તેના સૌથી મજબૂત પકડવાળા સુરતમાંથી જ જાકારો મળી રહ્યો છે.
મંગળવારે એક વિડીયો સામે આવ્યો હતો જેમાં સુરતના આમ આદમી પાર્ટીના કાર્યકર્તાઓ AAP અને કેજરીવાલ વિરોધી બેનરો લઈને નારા લગાવતા નજરે પડતા હતા અને બાદમાં તેઓએ આપના બેનર, ખેસ, ઝંડા અને ટોપીઓની હોળી કરી હતી.
આમ આદમી પાર્ટી ના કાર્યકરો એ સુરતમાં પોસ્ટર ઝંડા ની હોળી કરી………….
— The Politics Files (@Politics_Files) November 22, 2022
કાર્યકરો નો આરોપ:- કેજરીવાલ એ કાર્યકરો ને ટિકિટ ની લાલચ આપીને મહેનત કરાવી છેલ્લે પાર્ટીમાં નવા આવેલા લોકોને ટિકિટો વેચી દીધી pic.twitter.com/LPt3Vnhqhw
વિડીયોમાં આપ કાર્યકર્તાઓ આ સામગ્રીમાંમાં હોળી કરતા કરતા સપથ લેતા સંભળાય છે કે, “અમે આજીવન કોઈ વાર આમ આદમી પાર્ટીને વોટ નહીં આપીએ.” સાથે જ લોકો ‘કેજરીવાલ મુર્દાબાદ’, ‘આમ આદમી પાર્ટી મુર્દાબાદ’, ‘કેજરીવાલ હાય હાય’ અને ‘આમ આદમી પાર્ટી હાય હાય’ જેવા નારાઓ પણ લગાવી રહ્યા છે.
સાથે તેમણે એવી કસમ પણ ખાધી હતી કે તેઓ એવી મહેનત કરશે કે આખા ગુજરાતમાં આમ આદમી પાર્ટીને એક પણ બેઠક ના મળે. સાથે જ તેઓ કેજરીવાલ સમેત આમ આદમી પાર્ટીને પાછી દિલ્હી ભેગી કરવાની વાત કરી રહ્યા હતા.
આ પહેલા પણ થઇ ચુક્યો છે સુરતમાં આપનો વિરોધ
2 દિવસ પહેલા જ બીજો એક વિડીયો સામે આવ્યો હતો જેમાં આમ આદમી પાર્ટીના કાર્યકર્તાઓ સુરત ટેક્ષટાઇલ માર્કેટ ખાતે વોટ માંગવા પહોંચ્યા હતા જ્યાં આખા માર્કેટ એક જ સ્વરે તેમનો વિરોધ કર્યો હતો.
સુરત ટેકસટાઇલ માર્કેટમાં લોકોએ આમ આદમી પાર્ટી નો વિરોધ કર્યો
— The Politics Files (@Politics_Files) November 19, 2022
મોદી મોદી ના નારા લગાવીને કાર્યકરો ને ભગાડ્યા pic.twitter.com/rLOc8E0xvW
વીડિયોમાં સાંભળી શકાય છે એમ આખું માર્કેટ આ આમ આદમી પાર્ટીના કાર્યકર્તાઓ સામે ‘મોદી-મોદી’ ના નારાઓ લગાવીને તેમનો વિરોધ કરી રહ્યા છે.
આ ઉપરાંત સુરતની જે બેઠક પરથી આમ આદમી પાર્ટીના ગુજરાત અધ્યક્ષ ગોપાલ ઇટાલિયા ઉભા રહ્યા છે તે કતારગામ વિસ્તારની ઘણી સોસાયટીઓમાં ભાજપ સમર્થનના બેનર લાગી ચુક્યા છે.
— Nilesh Malsana (@nileshmalsana) November 23, 2022
બેનરમાં લખેલું વંચાય છે કે, ‘અમારી સોસાયટીમાં વિનુભાઈ મોરડિયા (ભાજપ ઉમેદવાર) સિવાય કોઈએ મત માંગવા આવવું નહીં.”
આમ, એક સમયે જે સુરત આમ આદમી પાર્ટીનો ગઢ ગણાતું હતું ત્યાં હવે પ્રજા તો ઠીક પણ આમ આદમી પાર્ટીના કાર્યકર્તાઓ પણ આપની વિરુદ્ધમાં ઉભેલા જોવા મળી રહ્યા છે. રાજનીતિમાં પરિવર્તન લાવવાની વાત કરનાર આમ આદમી પાર્ટી હવે ગુજરાતની રાજનીતિમાં દેખાઈ પણ નહીં તેવા સંજોગો ઉભા થઇ રહ્યા છે.
