કોંગ્રેસમાંથી આઝાદ થયેલા ગુલામ નબી આઝાદે નવી પાર્ટી જાહેરાત કરી દીધી છે, સાથે જ તેમણે તેમના નવા રાજકીય પક્ષનું નામ અને ધ્વજની પણ જાહેરાત કરી હતી. આજે (સોમવાર 26-9-2022) ના રોજ જમ્મુ અને કાશ્મીરના ભૂતપૂર્વ મુખ્યમંત્રી ગુલામ નબી આઝાદે બનાવેલી પોતાની નવી પાર્ટીનું નામ ‘ડેમોક્રેટિક આઝાદ પાર્ટી’ (ડીએપી) રાખ્યું છે.
જમ્મુમાં ‘ભારત માતા કી જય’ના નારા સાથે નવી પાર્ટીની જાહેરાત કરતા આઝાદે કહ્યું કે તેમની પાર્ટીની વિચારધારા તેમના નામ જેવી જ હશે અને તેમાં તમામ બિનસાંપ્રદાયિક લોકોને સામેલ કરવામાં આવશે. તેમણે કહ્યું હતું કે નવી પાર્ટીના એજન્ડામાં જમ્મુ અને કાશ્મીર માટે સંપૂર્ણ રાજ્યનો દરજ્જો અને સ્થાનિક લોકો માટે જમીન અને નોકરીનો અધિકાર મેળવવાનો સંઘર્ષ પણ સામેલ છે.
गुलाम नबी आजाद ने की अपनी पार्टी के नाम की घोषणा, कहा- “हमारी किसी से कोई प्रतिस्पर्था नहीं हैं!”#Gulamnabi #Hindinews #latestnews #Newsupdate #Bharatsamacharhttps://t.co/8L93C7Ynn8
— भारत समाचार | Bharat Samachar (@bstvlive) September 26, 2022
પાર્ટીના નામ અંગે પત્રકારો સાથે વાત કરતા ગુલામ નબી આઝાદે કહ્યું હતું કે પાર્ટીના નામ માટે તેમને જમ્મુ-કાશ્મીરમાંથી 1500થી વધુ સૂચનો મોકલવામાં આવ્યા હતા. જેમાં ઉર્દૂથી લઈને સંસ્કૃત સુધીના નામો સામેલ હતા. તેમણે કહ્યું કે દરેક વ્યક્તિ ઈચ્છે છે કે પાર્ટીનું નામ લોકતાંત્રિક, શાંતિપૂર્ણ અને સ્વતંત્ર હોય. આથી તેનું નામ ‘ડેમોક્રેટિક આઝાદ પાર્ટી’ રાખવામાં આવ્યું છે.
પાર્ટીમાં આઝાદ શબ્દનું વર્ણન કરતાં તેમણે કહ્યું કે તે તેમના નામ સાથે જોડાયેલ નથી. તેનો અર્થ છે સ્વતંત્રતા. તેમણે કહ્યું કે તેમની પાર્ટી એક મુક્ત લોકતાંત્રિક પાર્ટી હશે, જે સામાન્ય લોકો સાથે જોડાયેલી હશે. આગળ તેમણે કહ્યું કે રાજનીતિમાં કોઈ દુશ્મન નથી હોતા, પરંતુ નીતિઓને લઈને મતભેદ માત્ર હોય છે.
Fast News: गुलाम नबी आजाद ने किया नई पार्टी का ऐलान | Jacqueline Fernandez को मिली जमानत | देखिए फटाफट अंदाज में 30 ख़बरें pic.twitter.com/SeVz4pV1EU
— Zee Bihar Jharkhand (@ZeeBiharNews) September 26, 2022
ઉલ્લેખનીય છે કે ગુલામ નબી આઝાદ જમ્મુ-કાશ્મીરમાંથી હટાવવામાં આવેલી કલમ 370 પર પણ પોતાનો અભિપ્રાય આપી ચૂક્યા છે. આ બાબતે તેઓએ કહ્યું છે કે આ કલમ પરત લાવી શકાતી નથી કારણ કે તેના માટે સંસદમાં બે તૃતીયાંશ બહુમતી જરૂરી છે. તેમણે વિસ્થાપિત કાશ્મીરીઓના પુનર્વસનની પણ વાત કરી હતી.
નોંધનીય છે કે આ વર્ષે 26 ઓગસ્ટના રોજ તેમણે કોંગ્રેસ પાર્ટી સાથેના તેમના પાંચ દાયકા જૂના સંબંધોને તોડી નાખ્યા હતા. પાર્ટીમાંથી રાજીનામું આપતા તેમણે કોંગ્રેસની દુર્દશા માટે રાહુલ ગાંધીને જવાબદાર ઠેરવ્યા હતા. આ વર્ષે માર્ચમાં ગુલામ નબી આઝાદને પદ્મ ભૂષણથી પણ સન્માનિત કરવામાં આવ્યા હતા.
पार्टी का नाम है ‘डेमोक्रेटिक आज़ाद पार्टी’। डेमोक्रेसी डेमोक्रेटिक के लिए है कि पूरी स्वतंत्र होगी। जिसका मैंने उल्लेख किया कि अपनी सोच होगी। किसी भी पार्टी या नेता से प्रभावित नहीं होगी और आज़ाद रहेगी: गुलाम नबी आज़ाद, जम्मू pic.twitter.com/ydykRjxeGL
— ANI_HindiNews (@AHindinews) September 26, 2022
ગુલામ નબી આઝાદ જેમણે 1973 માં ડોડા જિલ્લાની ભાલેસા બ્લોક કોંગ્રેસ સમિતિના સચિવ તરીકે રાજકારણની શરૂઆત કરી, પછીથી યુથ કોંગ્રેસના પ્રમુખ બન્યા અને 1980 માં મહારાષ્ટ્રમાંથી પ્રથમ વખત સંસદીય ચૂંટણી જીત્યા હતા. 1982માં તેઓ કેન્દ્રીય મંત્રી બન્યા અને ત્યારબાદ 2005માં જમ્મુ-કાશ્મીરના મુખ્યમંત્રી બન્યા હતા.
