આફતાબે પુષ્પેન્દ્ર બની લગ્ન કર્યા, પત્ની ગર્ભવતી થયા બાદ મોહરમના દિવસે ખુલ્યું મુસ્લિમ હોવાનું રહસ્ય: દૂધપીતી બાળકી સાથે ન્યાય માંગતી પૂજા સિંહ

ઝારખંડના ગઢવામાં લવ જેહાદનો નવો મામલો સામે આવ્યો છે. અહીં પૂજા સિંહ નામની યુવતીએ આફતાબ અંસારી નામના યુવક પર પુષ્પેન્દ્ર નામથી લગ્ન કરીને 3 વર્ષ પછી તેને નિરાધાર બનાવવાનો આરોપ લગાવ્યો છે. પીડિતાએ તેના પતિ અને તેના પરિવારના સભ્યો વિરુદ્ધ પોલીસ ફરિયાદ નોંધાવી છે. આ ફરિયાદ શનિવારે (10 સપ્ટેમ્બર 2022) ના રોજ નોંધવામાં આવી હતી.

UP – झारखंड के आफताब ने खुद को पुष्पेंद्र बता यूपी में की शादी, पोल खुलने पर लड़की को घर से निकाला- #IndiaSamachar ……..https://t.co/IPPp7aqpfE

— India Samachar ™ (@indiasamachar_) September 11, 2022

મીડિયા રિપોર્ટ્સ અનુસાર મામલો શ્રી બંશીધર નગર બ્લોકનો છે. પૂજા ઉત્તર પ્રદેશના સોનભદ્ર જિલ્લાના ચોપન પોલીસ સ્ટેશન વિસ્તારના ગુરમા ગામની વતની છે. તેણે જણાવ્યું કે આફતાબ અંસારી તેની પડોશમાં દવાની દુકાનમાં રહેતો હતો. કહેવામાં આવી રહ્યું છે કે વકીલ અંસારીના પુત્ર આફતાબ પૂજા સિંહને પોતાનું નામ પુષ્પેન્દ્ર જણાવતો હતો. આ દરમિયાન બંનેની મુલાકાત થવા લાગી અને ધીરે ધીરે આ મુલાકાત પ્રેમમાં બદલાઈ ગઈ. આફતાબ મૂળ ઝારખંડના ગઢવા મેરાલ પોલીસ સ્ટેશન વિસ્તારના સોહબરિયા ગામનો છે.

પીડિતાએ આપેલી ફરિયાદ મુજબ, આફતાબને મળ્યાના 6 મહિના પછી બંનેએ લગ્ન કર્યા અને પડોશી જિલ્લા મિર્ઝાપુરના લાલગંજમાં રહેવા ગયા અને સાથે રહેવા લાગ્યા હતા. અહીં બંને લગભગ 2 વર્ષથી ભાડાના મકાનમાં સાથે રહેતા હતા. દરમિયાન, વર્ષ 2020 માં, જ્યારે પૂજા ગર્ભવતી થઈ, ત્યારે આફતાબે તેનાથી અંતર રાખવાનું શરૂ કર્યું. પૂજા અનુસાર, આ દરમિયાન તેણે જુલાઈ 2021માં એક દીકરીને જન્મ આપ્યો હતો. આરોપ છે કે આ દરમિયાન બંને વચ્ચે ઝઘડો પણ શરૂ થયો હતો.

આફતાબના મુસ્લિમ હોવાની માહિતી પર પૂજાએ કહ્યું કે એકવાર તેના ગામમાં કોઈનું મૃત્યુ થતાં બંને એકસાથે ઝારખંડ ગયા હતા. ત્યાં તેને મૃતકના મુસ્લિમ રીતિ-રિવાજથી અંતિમ સંસ્કાર કરવા પર શંકા થઈ, ત્યારબાદ તેણે આ અંગે આફતાબને પૂછપરછ કરી હતી. આરોપ છે કે આ સવાલના જવાબમાં પુષ્પેન્દ્ર બનેલા આફતાબે પોતાને હિંદુ ગણાવ્યો હતો. પૂજાના કહેવા પ્રમાણે, આફતાબ તેને મોહરમમાં ફરીથી તેના ઘરે લઈ આવ્યો, ત્યારે તેને આફતાબના મુસ્લિમ હોવાની જાણ થઈ. કહેવામાં આવી રહ્યું છે કે આ કારણે બંને વચ્ચે ઘણો ઝઘડો થયો હતો.

પૂજાએ જણાવ્યું કે ધર્મ છુપાવીને લગ્ન કર્યાનો ખુલાસો થયા બાદ આફતાબના ગામમાં પંચાયત થઈ હતી. પંચાયતમાં આફતાબ પૂજાને પોતાની સાથે લઈ જવા રાજી થઈ ગયો. આ પંચાયત બાદ આફતાબ ફરીથી પૂજાને ઉત્તર પ્રદેશના મિર્ઝાપુર લઈ ગયો. આરોપ છે કે મિર્ઝાપુરમાં આફતાબ પૂજાને સતત હેરાન કરતો હતો અને એક અઠવાડિયામાં જ તે પૂજાને છોડીને ભાગી ગયો હતો.

જે બાદ પૂજા શુક્રવારે આફતાબને શોધતી તેના ગામ પહોંચી હતી. પૂજાના કહેવા પ્રમાણે, આફતાબના ગામમાં તેના સાસરિયાઓએ તેની સાથે ખૂબ જ ખરાબ વર્તન કર્યું અને માર માર્યો અને તેને ઘરની બહાર કાઢીમૂકી હતી. કહેવામાં આવી રહ્યું છે કે ત્યારથી પૂજા તેના માસૂમ બાળક સાથે ઘરે-ઘરે ભટકી રહી છે. આ મામલે પોલીસને જાણ કરવામાં આવી છે, જેની તપાસ કરવામાં આવી રહી છે. કહેવામાં આવી રહ્યું છે કે ઝારખંડ પોલીસે પૂજાને ફરિયાદ દાખલ કરવાની સલાહ આપીને ઉત્તર પ્રદેશ મોકલી દીધી છે.