જમ્મુ-કાશ્મીરમાં અમરનાથ ગુફા પાસે શુક્રવારે (8 જુલાઈ 2022) સાંજે લગભગ સાડા પાંચ વાગ્યાની આસપાસ વાદળ ફાટવાની દુર્ઘટના બની હતી. અત્યાર સુધીમાં આ દુર્ઘટનામાં 16 લોકોનાં મોત થઇ ચૂક્યાં છે, જ્યારે અન્ય ઘણા લોકો લાપતા હોવાનું કહેવાય છે. હાલ ભારતીય સેનાના નેતૃત્વમાં એનડીઆરએફ, એસડીઆરએફ અને આઇટીબીપીની ટીમો રાહત-બચાવકાર્યમાં જોતરાયેલી છે. તો બીજી તરફ, દુર્ઘટનાને પગલે અમરનાથ યાત્રા આગામી આદેશ સુધી સ્થગિત કરી દેવામાં આવી છે.
ગઈકાલે વાદળ ફાટવાની ઘટના બન્યા બાદ જ રાહત-બચાવકાર્ય શરૂ કરી દેવામાં આવ્યું હતું, જે આખી રાત પણ ચાલ્યું હતું. શનિવારે સવારથી રેસ્ક્યુ ઓપરેશનમાં તેજી આવી છે. અત્યાર સુધીમાં 16નાં મોતની પુષ્ટિ કરવામાં આવી છે, જયારે 40 લોકો લાપતા છે તો 100થી વધુ લોકોને ઇજા પહોંચી છે, જેમાંથી 12ની સ્થિતિ ગંભીર છે. ઇજાગ્રસ્તોને શ્રીનગરની હોસ્પિટલમાં દાખલ કરવામાં આવી રહ્યા છે. વાયુસેનાના એમઆઈ-17 હેલિકોપ્ટર દ્વારા ઇજાગ્રસ્તોને લઇ જવામાં આવી રહ્યા છે.
ભારતીય વાયુસેનાએ 29 લોકોને બચાવી લીધા હતા, જેમાંથી 9 લોકો ગંભીર રીતે ઈજાગ્રસ્ત હોવાનું જણાવ્યું હતું.
#AmarnathCloudburst | 29 people rescued of which 9 were heavily injured: IAF officials pic.twitter.com/SiQRuU8uy8
— ANI (@ANI) July 9, 2022
ભારતીય વાયુસેનાએ અમરનાથ ગુફા સ્થળે બચાવકાર્યો માટે શ્રીનગરથી 2-2 ALH ધ્રુવ અને MI-17 V5 હેલિકોપ્ટર તહેનાત કર્યાં છે. ઉપરાંત, એક AN-32 અને Ilyushin-76 ટ્રાન્સપોર્ટ એરક્રાફ્ટ ચંદીગઢમાં સ્નેટડબાય મોડ પર રાખવામાં આવ્યાં છે.
Indian Air Force has deployed 2 each ALH Dhruv and Mi-17 V5 helicopters from Srinagar for the rescue ops in Amarnath cave site. One AN-32 and Ilyushin-76 transport aircraft on stand by in Chandigarh for further requirements: IAF officials
— ANI (@ANI) July 9, 2022
NDRFના ડીજી અતુલ કરવાલે જણાવ્યું કે, વરસાદ હજુ પણ ચાલુ જ છે, પરંતુ બચાવકાર્યમાં કોઈ અડચણ આવી રહી નથી. 100 થી વધુ માણસો સાથે એનડીઆરએફની 4 ટીમો સતત બચાવકાર્યમાં જોડાયેલી છે તેમજ સાથે ભારતીય સેના, એસડીઆરએફ, સીઆરપીએફ અને અન્ય બળો પણ બચાવકાર્યમાં લાગેલા છે.
16 confirmed deaths, about 40 still seem to be missing. No landslide, but rain continues, though no problem in rescue work. 4 NDRF teams with over 100 rescuers in rescue work. Besides, Indian Army, SDRF, CRPF & others continue to rescue: NDRF DG Atul Karwal#AmarnathCloudburst pic.twitter.com/D23oKK9EA8
— ANI (@ANI) July 9, 2022
જણાવવામાં આવી રહ્યું છે કે હજુ પણ કાટમાળમાં કેટલાક લોકો દબાયેલા હોવાની આશંકા છે. જમ્મુ-કાશ્મીર પોલીસની માઉન્ટેન સ્ક્વૉડ કાટમાળની અંદર જવાના પ્રયત્નો કરી રહી છે, પરંતુ પાણીનો પ્રવાહ વધુ છે તેમજ ઠંડુ પણ વધુ છે. હાલ ટીમો સ્થળ પર રેસ્ક્યુ ઓપરેશનમાં લાગેલી છે.
બીજી તરફ, અનેક લોકોને સેનાએ બચાવી લીધા છે અને સુરક્ષિત સ્થળોએ ખસેડી દીધા છે. અમરનાથના રસ્તેથી બચાવવામાં આવેલા લોકોએ સંગમ બેઝ પહોંચીને ભારતીય સેનાના પ્રયાસોની પ્રશંસા કરી હતી અને તેમના જીવ બચાવવા બદલ જવાનોનો આભાર માન્યો હતો.
#WATCH | Baltal: People who were safely evacuated from #Amarnath cave to Panjtarni, Sangam base, appreciated the efforts of Indian Army pic.twitter.com/KpxmXCXzRX
— ANI (@ANI) July 9, 2022
બીજી તરફ, અમરનાથ દુર્ઘટના વાદળ ફાટવાની સંભાવનાને જોતાં રામબન જિલ્લાના તમામ એસડીએમ અને મામલતદારોને હાઈ-એલર્ટ પર રહેવા માટે આદેશ આપવામાં આવ્યા છે. તેમજ જમ્મુ-કાશ્મીર પ્રશાસને તમામ સ્વાસ્થ્ય કર્મચારીઓની રજા રદ કરી દીધી છે.
Jammu & Kashmir | In view of possible incidents of cloudbursts, all SDMs, Tehsildars of Ramban district have been ordered to remain on high alert pic.twitter.com/g4vdzrZoeB
— ANI (@ANI) July 9, 2022
