Saturday, June 25, 2022
More
    હોમપેજન્યૂઝ રિપોર્ટવડોદરાની નફીસા બની આયેશા: અમદાવાદ રિવરફ્રન્ટ પરથી કુદવાની હિંમત ન ચાલતા વિડીયો...

    વડોદરાની નફીસા બની આયેશા: અમદાવાદ રિવરફ્રન્ટ પરથી કુદવાની હિંમત ન ચાલતા વિડીયો રેકોર્ડ કરી પરત ફરી, વડોદરાના ઘરે ફાંસો ખાધો

    વડોદરાની નફીસાને તેના બોયફ્રેન્ડ રમીઝે દગો આપતા અમદાવાદ રિવરફ્રન્ટ પર વિડીયો ઉતાર્યો અને પછી વડોદરા પરત થઈને ગળે ફાંસો ખાઈ લેવાની ઘટના બની છે.

    અમદાવાદની આયેશા જેવો જ કિસ્સો વડોદરામાં બનેલો જોવા મળ્યો છે. અમદાવાદના રમીઝ શેખ સાથે પ્રેમ કરનારી વડોદરાની નફીસા દ્વારા બે દિવસ પહેલા આત્મહત્યા કરી લેવામાં હતી. આત્મહત્યા પહેલા અમદાવાદ રિવરફ્રન્ટ પર તેણે રેકોર્ડ કરેલો વિડીયો વાઇરલ થયો છે.

    વડોદરાના તાંદલજા વિસ્તારમાં રહેતી નફીસા નામની યુવતીને પ્રેમીએ તરછોડતાં અમદાવાદ રિવરફ્રન્ટ પર આત્મહત્યાના પ્રયાસ કર્યા બાદ પોતાની વ્યથા ઠાલવતો વીડિયો તેણે બનાવ્યો હતો. જોકે ત્યાર બાદ વડોદરા પરત ફરી યુવતીએ ગળેફાંસો ખાઈને આત્મહત્યા કરી લેતાં જે.પી. રોડ પોલીસ સ્ટેશનમાં ફરિયાદ દાખલ કરવામાં આવી હતી.

    નોંધનીય છે કે અમદાવાદના આ જ રિવરફ્રન્ટ પરથી આયેશા નામની યુવતીએ 25 ફેબ્રુઆરી 2021ના રોજ પતિના ત્રાસથી કંટાળીને રિવરફ્રન્ટ પર વીડિયો બનાવી આપઘાત કરી લીધો હતો. જે બાદ આ વર્ષે જ તેના આરોપી પતિ આરીફ ખાનને કોર્ટે 10 વર્ષની સજા સંભળાવી હતી.

    - Advertisement -

    હવે ફરી એકવાર એવી જ ઘટના બની છે, જેમાં વડોદરાના તાંદલજા વિસ્તારમાં રહેતી નફીસા ખોખરે અમદાવાદના શેખ રમીઝ અહેમદ નામના યુવકે પ્રેમમાં દગો આપતાં અમદાવાદ રિવરફ્રન્ટ પર પોતાની વ્યથા ઠાલવતો વીડિયો બનાવ્યો હતો તેમજ બે વખત આત્મહત્યાનો પ્રયાસ કર્યો હતો. જોકે ત્યાર બાદ નફીસા વડોદરા પરત આવી ગઇ હતી અને 20 જૂન 2022ના રોજ ઘરમાં ફાંસો ખાઇ આપઘાત કરી લીધો હતો. આ બનાવ બાદ યુવતીનાં પરિવારજનોએ આજે વડોદરાના જે.પી. પોલીસ સ્ટેશનમાં ફરિયાદ નોંધાવી છે તેમજ નફીસાએ રિવરફ્રન્ટ પર જે વીડિયો બનાવ્યો હતો એ પણ મીડિયા સમક્ષ આવ્યા છે.

    રિવરફ્રન્ટ પર પોતાના પ્રેમીએ દગો દીધાનો વિડીયો બનાવતી વખતે વડોદરાની નફીસા કહી રહી છે કે “રમીઝ, તુમને મેરે સાથ બહુત બુરા કિયા હૈ, મતલબ બહુત બુરા કિયા હૈ, શાદી કા હા કહે કે મુઝે પટાતે રહે, આયે હી નહીં, એ તો ગલત હૈ ના યાર. બહોત ગલત હૈ, એસા નહીં કરના ચાહીએ થા તુમ્હે. જિંદગીમેં મૈંને તુમસે સબસે જ્યાદા પ્યાર કિયા, ઔર તુમને યે કિયા મેરે સાથ. મુઝે ઇતના બડા ધોકા દિયા.”

    વડોદરાની નફીસા આગળ કહેતી સંભળાય છે કે, “મુઝે લગા તુમ સબસે અલગ હો, પર તુમ સબકે જૈસે હી હો. તુમમેં ઔર સબમેં કોઇ ફરક નહીં હૈ. પુરી દુનિયા કો પતા ચલ જાને કે બાદભી તુમને મેરા હાથ નહીં થામા. બહોત બુરે હો તુમ. મુઝે નહીં આતા સમજ મેં. તુમ્હારે ઘરવાલેં ભી કહેતે હૈ હમારા કોઇ કોન્ટેક્ટ નહીં હૈ. તમ્હે પરસો દેખા થા, વહાં પર, તમ્હારે કપડે સુખે હુએ થે વહાં પર.”

    બીજા વિડીયોમાં નફીસા રડતાં રડતાં આગળ કહેતી દેખાય છે કે, “કિતની બુરી હાલત કરદી હૈ. ન ઘર કી રહી, ન ઘાટ કી. ચાર દિનોં સે યહાં ભટક રહી હું. તુમ્હે ઢુંઢ રહી હું. મૈંને તો પુલીસ કો ભી નહીં બતાયા… મેં ક્યા બોલું.”

    સંબંધિત લેખો

    - Advertisement -

    તાજા સમાચાર

    ચૂકશો નહીં