મહારાષ્ટ્ર વિધાનસભા ચૂંટણીમાં (Maharashtra Assembly Elections) ભાજપને પૂર્ણ બહુમતી (BJP) મળ્યા બાદ ઓલ ઇન્ડિયા એકતા ફોરમના (All India Ekta Forum) પ્રમુખ અને ઇસ્લામિક ઉપદેશક મૌલવી સજ્જાદ નોમાનીના (Sajjad Nomani) સૂર બદલાતા દેખાઈ રહ્યા છે. તેમણે પોતાના પાછલા નિવેદન માટે લિખિત માફી માંગી છે જેમાં તેમણે ભાજપનું સમર્થન કરતા મુસ્લિમોનો બહિષ્કાર કરવાનું નિવેદન આપ્યું હતું. જોકે ભાજપે જીત મેળવી ત્યારે હવે સજ્જાદની શાન ઠેકાણે આવી રહી હોય એમ લાગી રહ્યું છે. તેમણે કહ્યું હતું કે, “મારું નિવેદન કોઈ સમાજ વિરુદ્ધ નથી કે ફતવો નથી, છતાં કોઈની લાગણી દુભાઈ હોય તો હું મારા શબ્દો પાછા લઉં છું.”
ઇસ્લામિક ઉપદેશક મૌલવી સજ્જાદ નોમાનીએ તેમના નિવેદન અંગે પત્ર સ્વરૂપે લિખિત માફી માંગી છે. સજ્જાદ નોમાનીએ લખ્યું હતું કે, “ભાજપને સમર્થન કરતા મુસ્લિમોનો બહિષ્કાર કરવાના મારા નિવેદનની અત્યારે ખૂબ ચર્ચા થઈ રહી છે. મેં આ નિવેદન ખાસ સંદર્ભમાં ઘણા લોકોના પ્રશ્નોના જવાબમાં આપ્યું હતું.”
તેમણે આગળ લખ્યું હતું કે, “મારું આ નિવેદન એવ લોકો માટે હતું જેમને લોકસભા ચૂંટણી દરમિયાન મત આપવાના મૌલિક અધિકારથી રોકવામાં આવ્યા હતા.” આગળ લખ્યું છે કે “મારું આ નિવેદન મહારાષ્ટ્ર ચૂંટણી પહેલાનું સપ્ટેમ્બર 2024નું છે.”
તેણે માફી માંગતા લખ્યું હતું કે, “મારું આ નિવેદન કોઈ સમાજ માટે નહોતું અને ન તો કોઈ પ્રકારનો ફતવો હતો. મારા નિવેદનથી જો કોઈની ભાવનાઓને ઠેસ પહોંચી હોય તો હું તેના માટે માફી માંગુ છું.”
ભાજપનું સમર્થન કરનારનો બહિષ્કાર કરવા કરી હતી ઉશ્કેરણી
નોંધનીય છે કે મહારાષ્ટ્ર ચૂંટણી પહેલા મૌલાન સજ્જાદ નોમાનીએ એવું નિવેદન આપ્યું હતું કે, “અમે 269 બેઠકો પર મહા વિકાસ અઘાડીના ઉમેદવારોને સમર્થન આપવાનો નિર્ણય કર્યો છે.” તેમણે કહ્યું કે હતું કે, “જો તમારા વિસ્તારમાં કોઈ મુસલમાન ભાજપને વોટ આપે છે તેનો દરેક જગ્યાએથી બહિષ્કાર કરો. તેનું હુક્કાનું પાણી બંધ કરો.” તેમના આ નિવેદનનો વિડીયો સોશિયલ મીડિયા પર ખૂબ વાયરલ થયો હતો, જેનો વિરોધ પણ થયો હતો.
WATCH –pic.twitter.com/2XBhsscqcP
— Times Algebra (@TimesAlgebraIND) November 24, 2024
આ જ નિવેદન દરમિયાન તેમણે દિલ્હીમાં પર ભાજપની સરકારને લઈને કહ્યું હતું કે, “જો મહારાષ્ટ્રમાં ભાજપની હાર થશે તો દિલ્હીની સરકાર લાંબો સમય ટકશે નહીં. જિહાર મરકઝને મત આપો અને તમે લોકોએ મહા વિકાસ અઘાડીને સમર્થન આપવું જોઈએ. ઉદ્ધવ, શરદ, રાહુલ અને નાના પટોલેને સમર્થન આપો.” સજ્જાદે આ નિવેદન આપ્યા બાદ ભારે વિરોધ થયો હતો. ત્યારે મહારાષ્ટ્રમાં ભાજપની જીત બાદ હવે તેમણે તેમના શબ્દો પાછા ખેંચ્યા અને વિવાદાસ્પદ નિવેદન મામલે લિખિત માફી માંગીને સફાઈ આપવાનો પ્રયાસ કર્યો છે.
