કટ્ટરપંથી સંગઠન PFI સામે એક તરફ કાર્યવાહી શરૂ કરવામાં આવી છે ત્યાં બીજી તરફ સંગઠનના સમર્થકો હિંસા પર ઉતરી આવ્યા છે અને ઠેરઠેર વિરોધ પ્રદર્શનના નામે અરાજકતા ફેલાવવાના પ્રયાસો કરવામાં આવી રહ્યા છે. હવે PFIની એક રેલીમાં ‘પાકિસ્તાન ઝિંદાબાદ’ અને ‘અલ્લાહુ અકબર’ના નારા લગાવવામાં આવ્યા હોવાનું સામે આવ્યું છે. આ ઘટનાના વિડીયો વાયરલ થયા છે.
આ ઘટના પુણેની છે. અહીં પીએફઆઈના સમર્થકોએ શહેરમાં જિલ્લા કલેક્ટર ઓફિસની બહાર નારાબાજી કરી હતી. આ લોકો સંગઠન સામે થયેલી ઇડી અને એનઆઈએની કાર્યવાહીનો વિરોધ કરવા માટે એકઠા થયા હતા. ત્યાં આપત્તિજનક નારા પણ સાંભળવા મળ્યા હતા.
#WATCH | Maharashtra: ‘Pakistan Zindabad’ slogans were heard outside the District Collector’s office yesterday in Pune City where PFI cadres gathered against the recent ED-CBI-Police raids against their outfit. Some cadres were detained by Police; they were arrested this morning. pic.twitter.com/XWEx2utZZm
— ANI (@ANI) September 24, 2022
PFIની રેલીમાં થયેલ આ નારાબાજીના કેટલાક વિડીયો સામે આવ્યા છે. જેમાં ‘અલ્લાહુ અકબર’ અને ‘પાકિસ્તાન ઝિંદાબાદ’ના નારા લાગતા સાંભળવા મળે છે. ન્યૂઝ એજન્સી ANI દ્વારા પોતાના અધિકારીક ટ્વિટર હેન્ડલ પરથી આ વિડીયો શૅર કરવામાં આવ્યો છે.
પોલીસે કાર્યવાહી શરૂ કરી
વિડીયો વાયરલ થયા બાદ પોલીસે કાર્યવાહી શરૂ કરી છે અને જવાબદારો સામે કેસ દાખલ કર્યો છે. પુણે પોલીસે જણાવ્યા અનુસાર, એનઆઈએના દરોડાને લઈને જિલ્લા કલેક્ટર કાર્યાલય સામે ધરણા પ્રદર્શન કરવા બદલ પુણેના રિયાઝ સૈયદ નામના એક વ્યક્તિ સાથે અન્ય 60-70 પીએફઆઈ કાર્યકર્તાઓ સામે કેસ દાખલ કરવામાં આવ્યો છે.
Maharashtra | Case registered against a man named Riyaz Sayyad along with 60-70 other PFI workers in Pune city for unlawful gathering to protest in front of District Collector office yesterday over NIA raids on PFI: Pune Police
— ANI (@ANI) September 24, 2022
પુણેના પોલીસ કમિશનરે જણાવ્યું હતું કે, આ વિડીયો પુણેના નામે વાયરલ થઇ રહ્યો છે. જેની સત્યતા તપાસવામાં આવી રહી છે. વિડીયો ચોક્કસ ક્યાંનો છે તે પણ તપાસવામાં આવી રહ્યું છે. જે બાદ આગળની કાર્યવાહી કરવામાં આવશે.
તમિલનાડુ-કેરળમાં RSS કાર્યકર્તાઓના ઘરે બૉમ્બમારો
તમિલનાડુમાં પીએફઆઈના ‘આતંકવાદીઓએ’ એક આરએસએસ પદાધિકારીના ઘર પર બૉમ્બ ફેંક્યો હતો. આરએસએસ કાર્યકર્તાઓના ઘર-ઓફિસ પર બૉમ્બ ફેંકવાની આ ચોવીસ કલાકમાં ત્રીજી ઘટના છે. આ ઘટના ચેન્નાઇ પાસેના તામ્બરમમાં આરએસએસના જિલ્લા મહામંત્રીના ઘરે પેટ્રોલ બૉમ્બ ફેંકવામાં આવ્યો હતો. પોલીસ હવે આરોપીઓને શોધી રહી છે.
Tamil Nadu | Petrol Bomb hurled on RSS functionary Seetharaman’s residence at Chitlapakkam in Tambaram near Chennai. Efforts underway to nab two unidentified people who threw petrol bomb: Tambaram Police https://t.co/pMNC2zw3XG pic.twitter.com/LFh98DQv3p
— ANI (@ANI) September 24, 2022
આ પહેલાં કોઈમ્બતૂરના એક ગામમાં આ જ પ્રકારની ઘટના બની હતી. ત્યાં પણ કેટલાક લોકોએ આરએસએસના પદાધિકારીના ઘર પર બૉમ્બમારો કર્યો હતો. જોકે, ઘટનામાં કોઈને ઇજા પહોંચી ન હતી. આ ઉપરાંત, કેરળમાં પણ આવી ઘટના સામે આવી હતી.
પીએફઆઈ પર કાર્યવાહી બાદ સતત આ પ્રકારની હિંસાની ઘટનાઓ દેશના જુદા-જુદા ભાગોમાંથી સામે આવી રહી છે. ગઈકાલે પણ કેરળમાં અમુક વિસ્તારોમાં હિંસાત્મક પ્રદર્શનો થયાં હતાં અને ઉપદ્રવીઓએ જાહેર સંપત્તિ તેમજ સરકારી-ખાનગી વાહનોને પણ નુકસાન પહોચાડ્યું હતું. દરમિયાન, કેરળમાં એક સરકારી બસના ડ્રાઈવરની આંખ પણ ફોડી નાંખવામાં આવી હતી.
