મહારાષ્ટ્રમાં ઇસ્લામી કટ્ટરપંથીઓ દ્વારા છેડતીનો ઘૃણાસ્પદ વિડીયો સામે આવ્યો છે. આ કટ્ટરપંથીઓએ મુસ્લિમ છોકરીની છેડતી માત્ર એટલા માટે કરી કારણકે તે એક હિંદુ છોકરા સાથે હતી. આ ઘટના મહારાષ્ટ્રના છત્રપતિ સંભાજી નગર (પહેલા ઔરંગાબાદ)ની છે. અહીં હિજાબ પહેરેલી છોકરીની રસ્તા પર છેડતી કરવાના આરોપમાં પોલીસે ત્રણ કટ્ટરપંથીઓને પકડ્યા છે. આ કટ્ટરપંથીઓએ દૂર સુધી મુસ્લિમ છોકરીનો પીછો કર્યો, તેનો મોબાઈલ ઝૂંટવી લેવાનો પ્રયાસ કર્યો અને તેને ગાળો પણ આપી હતી. આવું તેમણે એટલા માટે કર્યું, કારણકે છોકરી એક હિંદુ છોકરા સાથે બીબી કા મકબરા જોવા ગઈ હતી.
ઇસ્લામી કટ્ટરપંથીઓ દ્વારા છેડતીનો વિડીયો સોશિયલ મીડિયા પર વાયરલ
આ ઘટના સોમવારે (24 એપ્રિલ 2023) બેગમપુરા વિસ્તારમાં બની હતી. સોશિયલ મીડિયા પર આ ઘટનાનો વિડીયો વાયરલ થઈ રહ્યો છે. પોલીસે કેસ દાખલ કરીને સમગ્ર મામલે તપાસ હાથ ધરી છે. વિડીયોમાં જોવા મળે છે કે ઇસ્લામી કટ્ટરપંથીઓ કોલેજની વિદ્યાર્થીનીને અટકાવી રહ્યા છે. તેઓ છોકરીનો હાથ પકડે છે, તેનો બેગ છીનવી લેવાનો પ્રયાસ કરે છે અને તેનો હિજાબ પણ ખેંચે છે. છોકરી રસ્તા પર જોરજોરથી ‘મને છોડી દો, મને છોડી દો’ એવી બૂમ પાડે છે. પરંતુ, છોકરાઓ આટલે સુધી ન અટકતા તેનો ફોન પણ ઝૂંટવી લે છે.
Video from Sambhaji Nagar (earlier Aurangabad) where a burqa-clad girl was molested by her co-religionists for hanging out with a “gair-Muslim” pic.twitter.com/e08mB330Sf
— Swati Goel Sharma (@swati_gs) April 27, 2023
‘તું શા માટે બીજા કોઈ ધર્મના છોકરા સાથે છો?’
ઉલ્લેખનીય છે કે, મુસ્લિમ છોકરીની છેડતી માત્ર એ કારણોસર થઈ કારણકે તે અન્ય ધર્મના છોકરા સાથે હતી. વિડીયોમાં કટ્ટરપંથીઓ એ છોકરીને એવું પૂછે છે કે, “એ છોકરો કોણ છે? તું બીજા કોઈ ધર્મના છોકરા સાથે શા માટે છો?” ત્યારબાદ તેઓ છોકરીને હેરાન કરવા લાગે છે. એમાંથી એક તો છોકરીનો હાથ પકડી લે છે અને છોકરી હાથ છોડાવવાનો પ્રયત્ન કરે છે.
"तू हिन्दू लड़के के साथ क्यों घूम रही है ?"
— Panchjanya (@epanchjanya) April 27, 2023
देखिये कैसे मुस्लिम लड़कों ने ही मुस्लिम लड़की से की छेड़छाड़।
छत्रपति संभाजीनगर में अपने दोस्त के साथ बीबी का मकबरा देखने गयी थी लड़की।
लेकिन कट्टरपंथी मुस्लिम लड़कों को ये नहीं आया पसंद , पुलिस ने मामला दर्ज कर लिया है। pic.twitter.com/9gGE6P1yP0
છોકરીએ ફરિયાદ કરવાની ના પાડી દીધી
મુસ્લિમ છોકરી સાથે થયેલી ગેરવર્તણૂકનો વિડીયો સોશિયલ મીડિયા પર વાયરલ થયા બાદ બેગમપુરા પોલીસ ઘટનાસ્થળ પર પહોંચી અને આ મામલે ત્રણ આરોપીઓની ધરપકડ કરી હતી. ડેપ્યુટી કમિશનર ઓફ પોલીસ દીપક ગિર્હેએ જણાવ્યું હતું કે, “ત્રણેય વિરુદ્ધ મહિલાનું અપમાન કરવા, તેનો પીછો કરવા, ચોરીનો પ્રયાસ કરવા, ઈજા પહોંચાડવા અને ધમકી આપવાની કલમો હેઠળ કેસ નોંધવામાં આવ્યો છે.” પોલીસે સીસીટીવી ફૂટેજ પરથી મહિલાની ઓળખ કરી હતી અને તેને ફરિયાદ નોંધાવવા કહ્યું હતું. પરંતુ તેણે ના પાડી દીધી. આ પછી, પોલીસે સ્વસંજ્ઞાન લીધું અને કેસ નોંધ્યો.
રિપોર્ટ મુજબ, પીડિતા અહેમદનગરની રહેવાસી છે, જે સંભાજી નગરમાં રહીને અભ્યાસ કરી રહી છે. છોકરીને એક પરિવારે બચાવી હતી અને તેમને પોતાના ઘરે લઈ ગયા હતા. બાદમાં પોલીસ તેને સ્ટેશન લઈને આવી હતી. ઈન્સ્પેક્ટર શિવાજી તવારેએ જણાવ્યું કે, થોડી પૂછપરછ બાદ છોકરીને તેના ઘરે પહોંચાડવામાં આવી હતી.
