વડાપ્રધાન નરેન્દ્ર મોદીની અધ્યક્ષતામાં આર્થિક બાબતો પરની કેબિનેટ સમિતિએ શુક્રવારે આઠ નેશનલ હાઈસ્પીડ કોરિડોર પ્રોજેક્ટ્સને મંજૂરી આપી હતી, જેનો કુલ ખર્ચ અંદાજે ₹50,655 કરોડ હશે. બેઠક બાદ કેન્દ્રીય મંત્રી અશ્વિની વૈષ્ણવે આ બાબતની માહિતી આપી. ત્યારબાદ પીએમ મોદીએ પણ સોશિયલ મીડિયા પ્લેટફોર્મ ‘X’ પર પોસ્ટ કરી હતી. તેમણે લખ્યું હતું કે, “મંત્રીમંડળે ₹50,000 કરોડથી વધુના ખર્ચે 8 નેશનલ હાઈસ્પીડ રોડ પ્રોજેક્ટ્સને મંજૂરી આપી છે. આનાથી દેશની અર્થવ્યવસ્થાને વેગ મળશે અને રોજગારની નવી તકો ઉભી થશે. આ નિર્ણય ભારતને ભવિષ્ય માટે તૈયાર કરવા અને દેશને વધુ સારી કનેક્ટિવિટી પ્રદાન કરવાની અમારી પ્રતિબદ્ધતાને પણ પ્રતિબિંબિત કરે છે.”
TRANSFORMATIVE boost to India’s infrastructure landscape!
— Narendra Modi (@narendramodi) August 2, 2024
The Cabinet's approval of 8️⃣ National High-Speed Road Corridor Projects at an expenditure of over Rs. 50,000 crore will have a MULTIPLIER EFFECT on our economic GROWTH and boost EMPLOYMENT opportunities.
It also… pic.twitter.com/fim8aNP2Tr
આ મામલે કેન્દ્રીય મંત્રી અશ્વિની વૈષ્ણવે પત્રકાર પરિષદમાં માહિતી આપતાં કહ્યું હતું કે, “140 કરોડ દેશવાસીઓએ વડાપ્રધાન નરેન્દ્ર મોદીને ઐતિહાસિક જનાદેશ આપ્યો છે. આજે દેશભરમાં 8 મોટા નેશનલ હાઇવે પ્રોજેક્ટ્સને મંજૂરી આપવામાં આવી છે. આ લગભગ 50 હજાર કરોડ રૂપિયાની પરિયોજનાઓ છે, જેને વિઝન 2047ને ધ્યાનમાં રાખીને બનાવવામાં આવી છે.”
તેમણે કહ્યું કે, “અયોધ્યાના સર્વાંગી વિકાસ માટે મેજર રિંગ રોડના પ્રોજેક્ટને મંજૂરી આપવામાં આવી છે. ગુવાહાટી શહેર માટે રિંગરોડને પુણે માટે હાઇવે માટે મંજૂરી આપવામાં આવી છે. પઠાલ ગામથી ગુમલા સુધી રાયપુર અને રાંચી માટે એક કોરિડોર બનાવવામાં આવી રહ્યો છે. આ ઉપરાંત આ હાઇવે પ્રોજેક્ટ્સમાં થરાદથી અમદાવાદ ગુજરાતમાંથી પસાર થતા દિલ્હી-મુંબઇ એક્સપ્રેસને જોડતો હાઇવે અને રાજસ્થાનના હાઇવેનો પણ સમાવેશ થાય છે. ખડગપુરથી મુર્શિદાબાદ સુધી 4 લેનનો હાઇવે બનાવવામાં આવશે. આ ઉપરાંત આગ્રાથી ગ્વાલિયરને જોડતો હાઇવે અને કાનપુરની આસપાસનો 6 લેન રિંગ રોડ પણ તેમાં સામેલ છે.”
📍 𝑵𝒆𝒘 𝑫𝒆𝒍𝒉𝒊 | Live from Cabinet Briefing
— Nitin Gadkari (@nitin_gadkari) August 2, 2024
https://t.co/SoqH47wDYw
ઉલ્લેખનીય છે કે જે પરિયોજનાઓને મંત્રીમંડળની મંજૂરી મળી છે તેમાં આગ્રા-ગ્વાલિયર નેશનલ હાઈ-સ્પીડ કોરિડોરને છ માર્ગીય બનાવવો, ખડગપુર-મોરગ્રામ નેશનલ હાઈ-સ્પીડ કોરિડોરને ચાર માર્ગીય બનાવવો અને થરાદ-ડીસા-મહેસાણા-અમદાવાદ નેશનલ હાઈ સ્પીડ કોરિડોરને 6 લેન બનાવવો સામેલ છે. સરકારના વિઝન મુજબ આ પ્રોજેક્ટથી યાતાયાતમાં તો ફાયદો થશે જ, સાથે-સાથે રોજગારની નવી તકો પણ ઉભી થશે.
શું છે પ્રોજેક્ટની વિગતે માહિતી? શું હશે તેના ફાયદા?
વડાપ્રધાન નરેન્દ્ર મોદીની અધ્યક્ષતામાં આર્થિક બાબતોની કેબિનેટ કમિટીએ શુક્રવારે આ 8 કોરિડોરના નિર્માણકાર્યને મંજૂરી આપી દીધી છે. આ હાઈસ્પીડ કોરિડોરની કુલ લંબાઈ 936 કિમી હશે. તેને બનાવવામાં ₹50,655 કરોડ રૂપિયા ખર્ચ કરવામાં આવશે. સરકારનો દાવો છે કે આ માર્ગ પ્રોજેક્ટ્સ 4.42 કરોડ દિવસ સમકક્ષ પ્રત્યક્ષ અને પરોક્ષ રોજગાર પણ ઉભા થશે.
થરાદ-ડિસા-મહેસાણા-અમદાવાદ નેશનલ હાઈ સ્પીડ કોરીડોર
આ પ્રોજેક્ટ કૂલ 214 કિલોમીટર લાંબો છે. આ પ્રોજેક્ટમાં ₹10,534 કરોડના ખર્ચે 6 લેન હાઈવે બનાવવામાં આવશે. આ હાઇવે બનતાંની સાથે જ તેને અમૃતસર જામનગર કોરિડોર અને દિલ્હી-મુંબઈ એક્સપ્રેસ હાઈવે સાથે લિંક કરી દેવામાં આવશે. આ હાઈસ્પીડ રોડ પ્રોજેક્ટથી ગુજરાતની પંજાબ, હરિયાણા, રાજસ્થાન, મહારાષ્ટ્ર વચ્ચે કનેક્ટિવિટી મજબૂત થશે અને થરાદથી અમદાવાદ વચ્ચેના અંતરમાં 20% ઘટાડો આવશે. આ ઘટાડાથી સમય અને ઇંધણ બંનેની બચત થશે. અન્ય રાજ્યો વચ્ચે વધેલી કનેક્ટિવિટીના કારણે વ્યાપાર પણ વધશે.
Under the chairmanship of PM Shri @narendramodi Ji, the Union Cabinet approved a 6-lane access-controlled Tharad-Deesa-Mehsana-Ahmedabad National High-Speed Corridor 🛣, spanning 214 km and costing ₹10,534 crore.
— Nitin Gadkari (@nitin_gadkari) August 2, 2024
The corridor enhances connectivity to Tharad, Deesa, Palanpur,… pic.twitter.com/HV1XFx67x7
અગ્રા-ગ્વાલિયર નેશનલ હાઈસ્પીડ કોરિડોર
આ 88 કિલોમીટર લાંબો એક્સેસ કંટ્રોલ ગ્રીનફિલ્ડ કોરિડોર 6 લેનનો હશે. તેને બિલ્ટ ઓપરેટ ટ્રાન્સફર મોડલ (BOT Model) પર બનાવવામાં આવશે. આ હાઈવેના નિર્માણનો અંદાજિત ખર્ચ ₹4,613 કરોડ રાખવામાં આવ્યો છે. શ્રીનગરથી કન્યાકુમારી હાઈવે પર આ બંને શહેરો વચ્ચે બનેલા નેશનલ હાઈવે પર હાલ ભારે ટ્રાફિક જોવા મળે છે. આ નવા પ્રોજેક્ટથી ટ્રાફિકની સમસ્યાનું નિરાકરણ આવી જશે. આગ્રા અને ગ્વાલિયર વચ્ચેનું અંતર લગભગ 7 ટકા અને મુસાફરીના સમયમાં લગભગ 50 ટકાનો ઘટાડો થશે.
Under PM Shri @narendramodi Ji's chairmanship, the Union Cabinet approved the 88 km, 6-lane, access-controlled Agra-Gwalior National High-Speed Corridor 🛣, costing ₹4,613 crore.
— Nitin Gadkari (@nitin_gadkari) August 2, 2024
This project reduces the travel distance between Agra and Gwalior by 7%, cutting travel time for… pic.twitter.com/Ah5BJJGRcF
ખડગપુર-મોરેગ્રામ નેશનલ હાઈ સ્પીડ કોરીડોર
આ 231 કિલોમીટર 4 લેન એક્સેસ કંટ્રોલ કોરિડોર ₹10,247 કરોડના ખર્ચે બનાવવામાં આવશે. આ સાથે ખડગપુરથી મોરેગ્રામ હાઇવેની ક્ષમતા 5 ગણી વધી જશે. આ હાઈસ્પીડ કોરિડોરથી પશ્ચિમ બંગાળ, ઓડિશા અને આંધ્રપ્રદેશ વચ્ચેની કનેક્ટિવિટી મજબૂત થશે. અત્યારે આ અંતર કાપવામાં 9થી 10 કલાકનો સમય લાગે છે. આ હાઈવે બન્યા બાદ આ સમય ઘટીને માત્ર 3થી 5 કલાકનો થઈ જશે.
Under the chairmanship of PM Shri @narendramodi Ji, the Union Cabinet has sanctioned the construction of the 231 km long, 4-lane access-controlled Kharagpur-Moregram National High-Speed Corridor 🛣, at a cost of ₹10,247 crore.
— Nitin Gadkari (@nitin_gadkari) August 2, 2024
This project will reduce the travel distance from… pic.twitter.com/iHZBHY5ZpE
અયોધ્યા રિંગ રોડ
જાહેર થયેલી પરિયોજનામાં અયોધ્યા માટે પણ મહત્વપૂર્ણ પ્રોજેક્ટની ઘોષણા કરવામાં આવી છે. અહીં અંદાજે ₹3,935 કરોડના ખર્ચે 68 કિલોમીટરનો આ 4 લેનનો એક્સેસ કંટ્રોલ રિંગ રોડ બનાવવામાં આવશે. તે ભગવાન શ્રીરામની નગરીને અનેક રાજમાર્ગો સાથે જોડશે. આ કોરિડોર રામ મંદિર દર્શન કરવા આવતા લાખો શ્રદ્ધાળુઓ માટે વરદાનરૂપ સાબિત થશે. તે લખનૌ અને અયોધ્યાના એરપોર્ટ અને રેલવે સ્ટેશનોને પણ કનેક્ટિવિટી આપશે.
Chaired by Prime Minister Shri @narendramodi Ji, the Union Cabinet approved the 68 km long, 4-lane access-controlled Ayodhya Ring Road🛣 at a cost of ₹3,935 crore.
— Nitin Gadkari (@nitin_gadkari) August 2, 2024
This road will enhance access for pilgrims traveling to Shri Ram Mandir, situated 4 km away from the proposed Ring… pic.twitter.com/rr4FI2geKg
રાયપુર-રાંચી નેશનલ હાઈસ્પીડ કોરિડોર
આ 4-લેન એક્સેસ કંટ્રોલ કોરિડોર 137 કિમીનો હશે. તેને અંદાજે ₹4,473 કરોડના ખર્ચે પાથલગાંવથી ગુમલા વચ્ચે બનાવવામાં આવશે. આ કોરિડોર માઇનિંગ અને ઉત્પાદન ક્ષેત્રો વચ્ચે જોડાણ પ્રદાન કરવા માટે મહત્વપૂર્ણ ભાગ ભજવશે. કોરિડોર બન્યા બાદ તે આર્થિક વિકાસમાં મહત્વનું યોગદાન આપશે.
Under Prime Minister Shri @narendramodi Ji's chairmanship, the Union Cabinet sanctioned the 137 km, 4-lane, access-controlled National High-Speed section between Pathalgaon and Gumla of the Raipur-Ranchi Corridor, costing ₹4,473 crore.
— Nitin Gadkari (@nitin_gadkari) August 2, 2024
This corridor connects mining areas in… pic.twitter.com/vvz8Ds6Oda
કાનપુર રિંગરોડ
આ 47 કિલોમીટર 6 લેનના એક્સેસ કંટ્રોલ રિંગ રોડને ₹3,298 કરોડ રૂપિયાના ખર્ચે બનાવવામાં આવશે. આ કોરિડોર પૂર્વના ઔદ્યોગિક શહેર કાનપુરને વર્તમાનન ટ્રાફિકની પળોજણમાંથી મુક્ત કરશે. તે કાનપુરને અનેક એક્સપ્રેસ વે અને હાઇવેને પણ જોડશે. તેનાથી ઉત્તર પ્રદેશ, બિહાર, દિલ્હી, ઝારખંડ અને પશ્ચિમ બંગાળ વચ્ચે પરિવહન પણ ઝડપી બનશે.
Under Prime Minister Shri @narendramodi Ji's chairmanship, the Union Cabinet sanctioned the 47 km, 6-lane, access-controlled Ring Road🛣 around Kanpur, costing ₹3,298 crore.
— Nitin Gadkari (@nitin_gadkari) August 2, 2024
This road bypasses existing traffic, decongesting the city and facilitating smoother travel. It also… pic.twitter.com/ncvTCiRGGd
ગુવાહાટી બાયપાસ અને રિંગરોડ
121 કિલોમીટર લાંબા આ 4 લેન એક્સેસ કંટ્રોલ પ્રોજેક્ટને ₹5,729 કરોડના ખર્ચે તૈયાર કરવામાં આવશે. પ્રોજેક્ટ અંતર્ગત બ્રહ્મપુત્રા નદી પર નવો પુલ પણ બનાવવામાં આવશે. આ પ્રોજેક્ટ પૂર્વોત્તર રાજ્યો માટે એક ખૂબ જ મહત્વપૂર્ણ સાબિત થશે.
Chaired by Prime Minister Shri @narendramodi Ji, the Union Cabinet approved the 121 km, 4-lane, access-controlled Guwahati Ring Road at a cost of ₹5,729 crore.
— Nitin Gadkari (@nitin_gadkari) August 2, 2024
This ring road will alleviate traffic congestion in Guwahati, a key city in the North East, and provide an alternative… pic.twitter.com/4ixJJcSYxd
નાસિક-પૂણે કોરિડોર
પુણેના નાસિક ફાટા અને ખેડ વચ્ચે 30 કિલોમીટર લાંબો 8 લેનનો એલિવેટેડ હાઇ સ્પીડ કોરિડોર ₹7,827 કરોડના ખર્ચથી બનાવવામાં આવશે. આ રસ્તો આ બંને શહેરો વચ્ચે આવતા ઔદ્યોગિક કેન્દ્રોને જોડશે. આ સાથે જ પિંપરી ચિંચવાડ નજીક થતા અત્યંત ટ્રાફિક જામનો પણ અંત લાવશે.
आदरणीय पंतप्रधान श्री @narendramodi जी यांच्या अध्यक्षतेखाली केंद्रीय मंत्रिमंडळाने 7,827 कोटी रुपये किंमतीच्या व 30किमी लांबीच्या, 8-लेन एलिव्हेटेड नाशिक फाटा-खेड कॉरिडॉरला मंजुरी दिली आहे. हा कॉरिडॉर पुणे, पिंपरी-चिंचवड आणि चाकण यांसारख्या प्रमुख आर्थिक केंद्रांना जोडेल,… pic.twitter.com/2DmTvUUsBQ
— Nitin Gadkari (@nitin_gadkari) August 2, 2024
ઉલ્લેખનીય છે કે આ તમામ હાઈવે બન્યા બાદ તે દેશના વિકાસમાં મહત્વનો ભાગ ભજવશે. કેન્દ્રની વડાપ્રધાન નરેન્દ્ર મોદીના નેતૃત્વવળી સરકાર વિઝન 2047ને ધ્યાનમાં રાખીને આ પરિયોજના લાવવામાં આવી છે. આનાથી દેશની અર્થવ્યવસ્થાને વેગ મળશે અને રોજગારની નવી તકો ઉભી થશે. આ નિર્ણય ભારતને ભવિષ્ય માટે તૈયાર કરવા અને દેશને વધુ સારી કનેક્ટિવિટી પ્રદાન કરશે.
