આંદામાન અને નિકોબારના પત્રકાર ઝુબેર અહેમદનું અવસાન થયું છે. તે ‘ધ સન્ડે આઈલેન્ડર’ નામના ઓનલાઈન ન્યૂઝ પોર્ટલના એડિટર હતા. તે શુક્રવારે (8 જુલાઈ, 2022) એક શાળામાં મૃત હાલતમાં મળી આવ્યા હતા. તે શાળામાં મેનેજર તરીકે કામ કરતાં હતા. એવું કહેવામાં આવી રહ્યું છે કે તેમનો મૃતદેહ જમીન પર પડ્યો હતો અને તેના ગળામાં દોરડું બાંધેલું હતું.
આ પહેલા તે ગુરુવારે બપોરે 3:30 વાગ્યે તેમના ઘરે પહોંચ્યા હતા અને તેમના પરિવાર સાથે સમય વિતાવ્યો હતો. તે પછી તે બહાર ગયા હતા અને પાછા આવ્યા જ નહીં. તે દક્ષિણ આંદામાનના વિમ્બર્લીગંજનો રહેવાસી હતા.
આંદામાન ક્રોનિકલ મીડિયા સંસ્થાએ તેના નિવેદનમાં કહ્યું, “અત્યંત દુખ અને શોક સાથે અમારે આ આઘાતજનક સમાચાર જાહેર કરવા પડ્યા છે. આ સમાચારે અમને હચમચાવી દીધા છે. જાણીતા પત્રકાર અને કાર્યકર્તા અને અમારા સારા મિત્ર ઝુબેર અહેમદે અંતિમ શ્વાસ લીધા. અમારે આ દુ:ખદ સમાચાર વિશે જણાવવું પડ્યું તે કલ્પના બહાર છે.”
It is with great sorrow and grief that I am announcing the sad and shocking news, which has made me tremble. Noted Journalist, activist and a good friend of mine @zubairpbl breathed his last today. I could never imagine that I would be announcing this saddest news. RIP my friend! pic.twitter.com/tXpvLL1F3O
— Andaman Chronicle (@AndamanNews) July 7, 2022
‘આંદામાન ક્રોનિકલ’ના એડિટર ડેનિસ જાઈલ્સે આ નિવેદન જારી કરીને કહ્યું કે ઝુબેર અહેમદ પોતાની પાછળ પત્ની અને ત્રણ બાળકોને છોડી ગયા છે. તેના નજીકના મિત્રોનું કહેવું છે કે તે ડિપ્રેશનમાં હતા. તે ‘નેશનલ ઇન્સ્ટિટ્યૂટ ઑફ મેન્ટલ હેલ્થ એન્ડ ન્યુરોલોજિકલ સાયન્સ (નિમ્હાન્સ)’ના ડૉક્ટરો દ્વારા સૂચવવામાં આવેલી દવા લઈ રહ્યા હતા. તેઓ સાપ્તાહિક મેગેઝિન શરૂ કરવા માંગતા હતા, પરંતુ તે યોજના સાકાર થઈ શકી નહીં. આંદામાન અને નિકોબાર મીડિયા ફેડરેશન (ANMF) એ તેમના મૃત્યુને અચાનક, અકાળ અને દુ:ખદ ગણાવ્યું છે.
તે સોશિયલ મીડિયા પર પણ એક્ટિવ હતા. જેઓ તેમને ઓળખતા હતા તેઓએ કહ્યું કે તેમને ‘શોધખોળના પત્રકારત્વ’માં રસ હતો. ‘આંદામાન શેખા’એ તેમને આ ટાપુ સમૂહના જ્ઞાનકોશ તરીકે ઓળખાવ્યા હતા. કહેવાય છે કે તેઓ સામાજિક મુદ્દાઓ પર ખુલીને વાત કરતા હતા. જો કે, તે AltNewsના સમર્થક હતા અને તેના સ્થાપક મોહમ્મદ ઝુબેરની ધરપકડ બાદ તેને ટેકો આપ્યો હતો. તેમનું છેલ્લું મીડિયા ટ્વીટ AltNews ને દાન વિશે હતું.
Salute the whole team of @altnews @zoo_bear @free_thinker for exposing the charade! Truth will prevail! pic.twitter.com/6FzNAm1FBL
— Zubair Ahmed (@zubairpbl) June 27, 2022
પોતાની ટ્વિટમાં પેમેન્ટનો સ્ક્રીનશોટ શેર કરતી વખતે, તેમણે લખ્યું હતું, “અલ્ટન્યૂઝની આખી ટીમ, મોહમ્મદ ઝુબેર અને પ્રતિક સિંહાને ખુલાસાઓ માટે મારી સલામ. સત્યનો વિજય થશે.”
