નોંધનીય છે કે, તેમના સંબોધન દરમિયાન પટોલેએ કહ્યું, “હું પૂછવા માંગુ છું કે, અકોલા જિલ્લાના OBC સમાજના લોકો, તમને કૂતરા કહેવાવાળી ભાજપને મત આપશો?… હવે ભાજપને કૂતરો બનાવવાનો સમય આવી ગયો છે. તેઓ ખૂબ ઘમંડી થઈ ગયા છે.” આ નિવેદનનો ઘણો વિરોધ થઇ રહ્યો છે. ત્યારે નાના પટોલેના આ નિવેદન પર હરિયાણાના CMએ પલટવાર કર્યો હતો.
હરિયાણાના સીએમ નાયબ સિંઘ સૈનીએ કહ્યું, “કોંગ્રેસે ન માત્ર OBC સાથે અન્યાય કર્યો છે પરંતુ કોંગ્રેસે OBCનો વોટબેંકની રાજનીતિ માટે ઉપયોગ કર્યો પણ છે. મોદીજીએ OBCને જેટલું સન્માન આપ્યું છે એટલું કદાચ ઇતિહાસમાં કોઈએ નથી આપ્યું.” પટોલેના નિવેદન બદલ તેમને કાકાસાહેબ કાલેલકરના રિપોર્ટ અંગે જાણવા કહ્યું હતું.
#WATCH | Mumbai | On Nana Patole's 'dog' remark in Haryana CM Nayab Singh Saini says, "Congress only has done injustice with the OBCs. They used the OBCs for vote bank politics. No one in history has ever given such respect to OBCs the way Modi ji has. Maybe Nana Patole doesn't… pic.twitter.com/tOp5adTEbH
— ANI (@ANI) November 12, 2024
નાયબ સિંઘે પૂર્વ PM રાજીવ ગાંધીનો ઉલ્લેખ કરતા કહ્યું કે “તેમણે રાજીવ ગાંધીએ લોકસભામાં કરેલી ચર્ચા જોવી જોઈએ, જેમાં તેમણે 1 કલાક સુધી ઓબીસીને બંધારણીય અધિકારો અને દરજ્જો કેમ ના મળવા જોઈએ એ અંગે વાત કરી હતી. મોદીજી 2018માં OBCને બંધારણીય દરજ્જો આપવા માટે એક બિલ લાવ્યા હતા, જે લોકસભામાં પારિત થઇ ગયું પરંતુ રાજ્યસભામાં અમને જનાદેશ ન મળ્યો.”
તેમણે આગળ કહ્યું કે, “નાના પટોલેએ જણાવવું જોઈએ કે આ મામલે કોંગ્રેસનું શું સ્ટેન્ડ હતું? કોંગ્રેસે હંમેશા OBC સાથે અન્યાય કર્યો છે. કોંગ્રેસે OBCનો ઉપયોગ વોટબેંક માટે અને રેલીઓમાં સંખ્યા વધારવા માટે કર્યો છે. જયારે પણ OBCના અધિકારોની વાતો આવી કોંગ્રેસે તેને નકાર્યું છે. નરેન્દ્ર મોદીજીએ OBC આયોગ બનાવ્યો અને તેને બંધારણીય દરજ્જો આપ્યો.”
તેમણે OBC આરક્ષણનો ઉલ્લેખ કરતા કહ્યું કે, “મને આનંદ છે કે અમે OBC સમાજના બાળકોને MBBS, MDની સીટો, કેન્દ્રીય વિદ્યાલયો અને નવોદય વિદ્યાલયોમાં પણ 27%ની અનામત આપી છે. નોકરીઓમાં પણ મોદીજી અને OBCના આયોગના કારણે OBCને 27% અનામત મળી છે. OBC સમાજને બદલવાનું કામ નરેન્દ્ર મોદીજીએ કર્યું છે. કોંગ્રેસે કોઈ કામ કર્યું નથી માત્ર તેમનું શોષણ કર્યું છે.”
