Monday, May 27, 2024
More
    હોમપેજક્રાઈમસલમાન ખાનના ઘરની બહાર ફાયરિંગ મામલે 2 સામે ગુનો, કેસ ક્રાઇમ બ્રાન્ચને...

    સલમાન ખાનના ઘરની બહાર ફાયરિંગ મામલે 2 સામે ગુનો, કેસ ક્રાઇમ બ્રાન્ચને ટ્રાન્સફર કરાયો: લૉરેન્સ બિશ્નોઈ ગેંગનો હાથ હોવાની આશંકા 

    હારાષ્ટ્ર પોલીસે જણાવ્યું છે કે, સલમાન ખાનના ઘરની બહાર થયેલા ફાયરિંગ મામલે અજ્ઞાત શખ્સો વિરુદ્ધ ગુનો નોંધવામાં આવ્યો છે. IPCની કલમ 307 અને આર્મ્સ એક્ટની કલમ 3(25) હેઠળ FIR નોંધવામાં આવી છે.

    - Advertisement -

    રવિવારે (14 એપ્રિલ) મુંબઈના બાંદ્રા સ્થિત બૉલીવુડ એક્ટર સલમાન ખાનના ઘરની બહાર બે હુમલાખોરોએ ફાયરિંગ કર્યું હતું. હવે આ મામલે ઘણી મહત્વની જાણકારી સામે આવી છે. મુંબઈ પોલીસે આ મામલે બે આરોપીઓ વિરુદ્ધ હત્યાનો પ્રયાસ અને હથિયાર અધિનિયમ હેઠળનો ગુનો દાખલ કરી દીધો છે. આ સાથે જ આ કેસ ક્રાઈમ બ્રાન્ચને ટ્રાન્સફર કરવામાં આવ્યો છે. ક્રાઈમ બ્રાન્ચ 15 ટીમો બનાવીને તપાસમાં લાગી છે. દરમ્યાન પોલીસે હુમલા માટે વપરાયેલી બાઇક પણ જપ્ત કરી લીધી છે. જોકે, ગોળીબાર કરનારાઓ હજુ ઓળખાયા નથી.

    સલમાન ખાનના ઘરની બહાર ફાયરિંગ કરનાર આરોપીઓની બાઇક પોલીસે જપ્ત કરી છે. ફોરેન્સિક ટીમ તે બાઇકની તપાસ કરી છે. આ મામલે ગેંગસ્ટર લૉરેન્સ બિશ્નોઈના ભાઈ અનમોલ બિશ્નોઈ પછીના ત્રીજા કુખ્યાત અપરાધી રોહિત ગોદારાનું નામ પણ સામે આવ્યું છે. આ સાથે હુમલાખોરોની તસવીર પણ સામે આવી છે. એક આરોપી કાળી અને સફેદ ટી-શર્ટમાં દેખાઈ રહ્યો છે. તેની સાથેનો અન્ય એક આરોપી લાલ કપડાં પહેરેલો જોઈ શકાય છે. આ સાથે જ 29 ફેબ્રુઆરી 2024ના CCTV ફૂટેજ પણ સામે આવ્યા છે. જે હરિયાણાના રોહતકના એક ઢાબાના હોવાનું કહેવાય રહ્યું છે.

    આરોપીઓની સામે આવેલી તસવીર (ફોટો સાભાર: Aaj-Tak)

    તે ફૂટેજમાં વિશાલ નામનો એક શખ્સ જોવા મળી રહ્યો છે. સાથે જાણવા મળી રહ્યું છે કે, મુંબઈના CCTV ફૂટેજમાં દેખાઈ રહેલા શખ્સનો ચહેરો તેની સાથે મેચ થઈ રહ્યો છે. પોલીસને એવી શંકા છે કે, બંને ફૂટેજમાં જોવા મળી રહેલા વિશાલ ઉર્ફે કાલુએ જ સલમાન ખાનના ઘર પર ફાયરિંગ કરી હતી. ઉપરાંત પોલીસના સૂત્રો તરફથી એવી પણ માહિતી મળી છે કે, CCTV ફૂટેજમાં દેખાયેલા બંને આરોપીઓ પૈકીનો એક આરોપી ગુરુગ્રામનો હોવાની સંભાવના છે. હાલ તો પોલીસે આ મામલે અજાણ્યા શખ્સો વિરુદ્ધ જ ફરિયાદ દાખલ કરી છે.

    - Advertisement -

    ‘અજાણ્યા શખ્સો વિરુદ્ધ ગુનો દાખલ કરવામાં આવ્યો’

    આ મામલે મહારાષ્ટ્ર પોલીસે જણાવ્યું છે કે, સલમાન ખાનના ઘરની બહાર થયેલા ફાયરિંગ મામલે અજ્ઞાત શખ્સો વિરુદ્ધ ગુનો નોંધવામાં આવ્યો છે. IPCની કલમ 307 અને આર્મ્સ એક્ટની કલમ 3(25) હેઠળ FIR નોંધવામાં આવી છે. સાથે પોલીસે એવું પણ કહ્યું હતું કે, આરોપીઓએ સલમાન ખાનના ઘર પર ત્રણ રાઉન્ડ ફાયરિંગ કર્યું હતું. ઘટના સમયે અભિનેતા તેમના ઘરમાં જ હાજર હતા. સદભાગ્યે કોઈપણ પ્રકારની હાનિ થઈ નહોતી.

    સાથે એ પણ નોંધવું જોઈએ કે, આ ઘટનાની માહિતી મળતાં જ મહારાષ્ટ્રના મુખ્યમંત્રી એકનાથ શિંદેએ સલમાન ખાનનો સંપર્ક કર્યો હતો અને તેમના ખબર-અંતર પૂછ્યા હતા. શિંદેએ મુંબઈ કમિશનર સાથે પણ વાત કરી હતી. સાથે સલમાન ખાનની સુરક્ષામાં વધારો કરવાના નિર્દેશો પણ આપવામાં આવ્યા હતા.

    સલમાન ખાનના ઘર પર થયો હતો ગોળીબાર

    ઉલ્લેખનીય છે કે, રવિવારે (15 એપ્રિલ, 2024) મુંબઈના બાંદ્રા સ્થિત સલમાન ખાનના ઘરની બહાર બાઇક પર આવેલા બે અજાણ્યા હુમલાખોરોએ ત્રણ રાઉન્ડ ફાયરિંગ કર્યું હતું. આ મામલે પોલીસે જણાવ્યું હતું કે, સવારે લગભગ પાંચ વાગ્યે બે અજાણ્યા શખ્સોએ સલમાન ખાનના બાંદ્રા સ્થિત ઘરની બહાર ગોળીબાર કર્યો હતો. મુંબઈ પોલીસ ક્રાઈમ બ્રાન્ચની ટીમે સ્થળ પર પહોંચીને તપાસ શરૂ કરી હતી. આ સાથે જ ફોરેન્સિક ટીમ પણ ઘટનાસ્થળે પહોંચી ગઈ હતી.

    મહત્વની વાત એ છે કે, ઘટના બાદ ગેંગસ્ટર લૉરેન્સ બિશ્નોઈના ભાઈ અનમોલ બિશ્નોઈએ સોશિયલ મીડિયા પોસ્ટ કરીને ફાયરિંગની જવાબદારી લીધી હતી. જોકે, પોલીસે આ મામલે હજુ સુધી કોઈ પુષ્ટિ કરી નથી. પરંતુ હાલ પોલીસ વધુ તપાસમાં લાગી છે.

    - Advertisement -

    સંબંધિત લેખો

    - Advertisement -

    તાજા સમાચાર

    ચૂકશો નહીં