Thursday, June 20, 2024
More
    હોમપેજરાજકારણલોકસભામાં ફરી ગરજશે PM નરેન્દ્ર મોદી, રાષ્ટ્રપતિના અભિભાષણ પર ધન્યવાદ પ્રસ્તાવનો આપશે...

    લોકસભામાં ફરી ગરજશે PM નરેન્દ્ર મોદી, રાષ્ટ્રપતિના અભિભાષણ પર ધન્યવાદ પ્રસ્તાવનો આપશે જવાબ: સાંસદોને હાજર રહેવા ભાજપનો આદેશ

    PM મોદી સોમવારે (5 ફેબ્રુયારી) લોકસભામાં સંબોધન કરશે અને રાષ્ટ્રપતિના અભિભાષણ પર ધન્યવાદ પ્રસ્તાવનો ઉત્તર આપશે. બજેટ સત્રના પહેલા દિવસે 31 જાન્યુઆરીએ રાષ્ટ્રપતિ દ્રૌપદી મુર્મુએ લોકસભા અને રાજ્યસભાની સંયુકત બેઠકને સંબોધિત કરી હતી.

    - Advertisement -

    લોકસભામાં ચાલી રહેલા બજેટ સત્ર દરમિયાન PM મોદી 5 ફેબ્રુઆરીએ લોકસભામાં સંબોધન કરશે. તેઓ રાષ્ટ્રપતિના અભિભાષણ પર ધન્યવાદ પ્રસ્તાવનો ઉત્તર આપશે. ભાજપે તેના તમામ સાંસદોને આ દરમિયાન સંસદમાં હાજર રહેવા માટે ત્રણ લાઈનનું વ્હીપ જારી કર્યું છે. તાજેતરમાં ચાલી રહેલા બજેટ સત્રની શરૂઆત રાષ્ટ્રપતિ દ્રૌપદી મુર્મુના સંબોધનથી થઈ હતી. જ્યારે હવે સોમવારે (5 ફેબ્રુઆરી) PM મોદી આ સંબોધન માટે રાષ્ટ્રપતિનો આભાર માનશે.

    PM મોદી સોમવારે (5 ફેબ્રુયારી) લોકસભામાં સંબોધન કરશે અને રાષ્ટ્રપતિના અભિભાષણ પર ધન્યવાદ પ્રસ્તાવનો ઉત્તર આપશે. બજેટ સત્રના પહેલા દિવસે 31 જાન્યુઆરીએ રાષ્ટ્રપતિ દ્રૌપદી મુર્મુએ લોકસભા અને રાજ્યસભાની સંયુકત બેઠકને સંબોધિત કરી હતી. જેમાં તેમણે સરકારની ઉપલબ્ધિ અને વિઝન વિશે સંસદને જાણકારી આપી હતી. હવે વડાપ્રધાન રાષ્ટ્રપતિના ભાષણનો આભાર વ્યક્ત કરશે. આ દરમિયાન નાણામંત્રી નિર્મલા સીતારમણ વર્ષ 2024-25 માટે કેન્દ્રશાસિત પ્રદેશ જમ્મુ અને કાશ્મીરની અંદાજિત પ્રાપ્તિ અને ખર્ચની વિગતો રજૂ કરશે.

    નાણામંત્રી જમ્મુ અને કાશ્મીરનું બજેટ રજૂ કરશે

    ગૃહની કાર્યસૂચિ અનુસાર, લોકસભાના સાંસદો રવનીત સિંઘ અને રામ શિરોમણી વર્મા ગૃહની બેઠકોમાં સભ્યોની ગેરહાજરી અંગેની સમિતિની બારમી બેઠકોની વિગતો રજૂ કરશે. એ ઉપરાંત 14 ડિસેમ્બર 2023ના રોજ, સાંસદ પીપી ચૌધરી અને એનકે પ્રેમચંદ્રન ‘પ્રાદેશિક અને આંતરરાષ્ટ્રીય સ્તરે વૈશ્વિક આતંકવાદનો મુકાબલો’ વિષય પર વિદેશી બાબતોની સમિતિ (સત્તરમી લોકસભા)નો 28મો અહેવાલ રજૂ કરશે. ભાજપ સાંસદ રાજીવ ચંદ્રશેખર કૌશલ્ય વિકાસ મંત્રાલય સાથે સંબંધિત ‘પ્રશિક્ષણ મહાનિર્દેશાલયની કામગીરી’ પર શ્રમ, કાપડ અને કૌશલ્ય વિકાસ પરની સ્થાયી સમિતિના 49મા અહેવાલમાં સમાવિષ્ટ ભલામણોના અમલીકરણની સ્થિતિ અંગે નિવેદન આપશે.

    - Advertisement -

    કેન્દ્રીય મંત્રી ભૂપેન્દ્ર યાદવ રાજ્યસભામાં જળ (પ્રદૂષણ નિવારણ અને નિયંત્રણ) અધિનિયમ, 1974માં સુધારો કરવા માટે જળ (પ્રદૂષણ નિવારણ અને નિયંત્રણ) સંશોધન બિલ, 2024 રજૂ કરશે. લોકસભા ચૂંટણી પહેલાં છેલ્લું સત્ર આ વર્ષે એપ્રિલ-મેમાં યોજાય તેવી અપેક્ષા છે, જે 10 દિવસના સમયગાળામાં આઠ બેઠકોમાં ચાલશે અને 9 ફેબ્રુઆરીએ સમાપ્ત થઈ શકે છે. ઉપરાંત નાણામંત્રી નિર્મલા સીતારમણ કેન્દ્રશાસિત પ્રદેશ જમ્મુ અને કાશ્મીરનું બજેટ અને અતિરિક્ત ગ્રાન્ટ ડિમાન્ડ રજૂ કરશે. જેમાં કેન્દ્રશાસિત પ્રદેશ જમ્મુ અને કાશ્મીરની અંદાજિત પ્રાપ્તિ અને ખર્ચની વિગતો રજૂ કરવામાં આવશે. એ સિવાય ડૉ. જિતેન્દ્ર સિંઘ જાહેર પરીક્ષાઓ (અન્યાયી અર્થ નિવારણ) બિલ, 2024 રજૂ કરશે. આ બધી બાબતોને લઈને ભાજપે તમામ સાંસદોને સંસદમાં હાજર રહેવા માટે વ્હીપ પણ જારી કર્યું છે.

    - Advertisement -

    સંબંધિત લેખો

    - Advertisement -

    તાજા સમાચાર

    ચૂકશો નહીં