રવિવારે (28 ઓગસ્ટ) એશિયા કપની પ્રથમ મેચમાં ભારતે પાકિસ્તાનને પાંચ વિકેટે હરાવ્યું હતું. ભારતની જીત બાદ જ્યાં સમગ્ર ભારતમાં ખુશીનો માહોલ છે, ત્યાં પાકિસ્તાનમાં મૌન છે. સોશિયલ મીડિયા પર લોકો અલગ-અલગ વાતો લખી રહ્યા છે. હદ ત્યારે થઈ જ્યારે પાકિસ્તાનના પૂર્વ વડાપ્રધાન ઈમરાન ખાનના નજીકના સહયોગી અને ઈમરાન ખાનની સરકારમાં મંત્રી ફવાદ ચૌધરીએ પણ આ મેચ વિશે પોતાનો અભિપ્રાય આપ્યો. તે પણ એવો અભિપ્રાય હતો જેના પર તેઓ પોતે ઘેરાયા હતા.
મેચમાં ભારતે પાકિસ્તાનને 5 વિકેટે હરાવ્યા બાદ પાકિસ્તાનના પૂર્વ સૂચના અને પ્રસારણ મંત્રી ફવાદ ચૌધરી વર્તમાન સરકાર પર ગુસ્સે થયા છે. પાકિસ્તાનની મેચ હાર્યાની થોડીવાર બાદ ફવાદ ચૌધરીએ એક ટ્વિટ કર્યું હતું. તેનું ટ્વીટ જોઈને લોકો આશ્ચર્યચકિત થઈ ગયા. કારણ કે તેણે ક્રિકેટ/રમતોમાં ખરાબ પ્રદર્શન માટે પણ પાકિસ્તાનની વર્તમાન સરકારને જવાબદાર ગણાવી હતી. શાહબાઝ સરકાર પર નિશાન સાધતા તેમણે તેને મનહૂસ અને કમનસીબ ગણાવી છે.
ٹیم کا قصور نہیں امپورٹڈ حکومت ہی منحوس ہے #IndiaVsPakistan
— Ch Fawad Hussain (@fawadchaudhry) August 28, 2022
ફવાદ ચૌધરીએ ઉર્દુમાં ટ્વીટ કર્યું કે દુબઈમાં મેચ હારવી એ ટીમની ભૂલ નથી, પરંતુ દેશની વર્તમાન સરકાર જ મનહૂસ છે.
સોશિયલ મીડિયા પર થયા ટ્રોલ
ફવાદ ચૌધરીએ આટલું બધું લખવું પડ્યું અને પછી તેમની પોતાની ટ્રોલિંગ શરૂ થઈ. એક યુઝરે તેના ટ્વીટ પર પોતાનો અભિપ્રાય આપ્યો અને લખ્યું, “તમે કદાચ ભૂલી રહ્યા છો કે જ્યારે અમે સેમિફાઇનલમાં હારી ગયા, ત્યારે તમે તે સમયે સરકારમાં હતા. તો શું તમે પણ…..???”
آپ شاید بھول رہے ہیں کہ جب ہم سیمی فائنل ہارے تھے اس وقت حکومت میں آپ تھے۔ تو کیا آپ بھی ۔۔۔۔۔۔؟؟
— Maliha Javaid Dar (@JavaidMaliha) August 28, 2022
આ સિવાય અન્ય એક યુઝરે કમેન્ટ કરી કે, “જ્યારે તમારા પિતા (ઈમરાન ખાન) 1992નો વર્લ્ડ કપ જીત્યા ત્યારે મુસ્લિમ લીગ સત્તામાં હતી. જ્યારે પાકિસ્તાન ચેમ્પિયન્સ ટ્રોફી જીત્યું ત્યારે પણ. તો તમે જાણો છો કે મનહૂસ કોણ છે?”
Using the same insane logic: Pakistan has won 3 major ICC tournaments.
— Basit Subhani (@BasitSubhani) August 28, 2022
– World Cup 1992, Nawaz Sharif was the Prime Minister.
– T20 World Cup 2009, Yousaf Raza Gillani was the Prime Minister.
– Champions Trophy 2017, Nawaz Sharif was the Prime Minister. https://t.co/Q6Vq2Emm61 pic.twitter.com/XFZGELEhcf
આ પહેલા પણ ફવાદે ક્રિકેટ પર પોતાના જ્ઞાનની અમીવર્ષા કરેલી છે
2020માં જયારે થોડા સમય માટે આઈસીસી વર્લ્ડ ટેસ્ટ ચેમ્પિયનશીપમાં પાકિસ્તાનની ટિમ જયારે ભારત કરતા એક નંબર આગળ હતી ત્યારે પણ તેને ઇમરાન સરકારની સિદ્ધિ ગણાવીને ફવાદે ભાંગરો વાટ્યો હતો.
Revival of Pak Cricket under leadership of Imran Khan was another landmark of PTI Govt, revival of aunt Cricket and professional management in PCB led to great changes in cricket team today once again we are a formidable force in the World Cricket https://t.co/5me1g1Zu5P
— Ch Fawad Hussain (@fawadchaudhry) July 21, 2022
ફવાદે ત્યારે ટ્વીટ કરીને લખ્યું હતું કે, “ઈમરાન ખાનના નેતૃત્વમાં પાક ક્રિકેટનું પુનરુત્થાન એ પીટીઆઈ સરકારનું વધુ એક સીમાચિહ્ન હતું, પીસીબીમાં ક્રિકેટ અને પ્રોફેશનલ મેનેજમેન્ટના પુનરુત્થાનથી ક્રિકેટ ટીમમાં મોટા ફેરફારો થયા છે આજે ફરી એકવાર આપણે વિશ્વ ક્રિકેટમાં એક પ્રચંડ શક્તિ છીએ.”
