વડાપ્રધાન નરેન્દ્ર મોદીએ મહિલાઓને રક્ષાબંધનની ભેટ આપી છે. તેમણે મધ્યમ વર્ગ અને ગરીબોને મોટી રાહત આપવાના નિર્દેશ આપ્યા હતા, ત્યારબાદ ઘરેલુ LPG ગેસ સિલિન્ડરના ભાવમાં પ્રતિ સિલિન્ડર ₹ 200નો ઘટાડો કરવાની જાહેરાત કરવામાં આવી છે. દેશભરના લગભગ 33 કરોડ ગ્રાહકોને તેનો લાભ મળશે. દેશભરમાં 33 કરોડ ઘરેલુ ગેસ કનેક્શન આપવામાં આવ્યા છે.
પીએમ ઉજ્જવલા યોજનાના લાભાર્થીઓને બમણો લાભ
કેન્દ્ર સરકાર વતી કેબિનેટ મંત્રી અનુરાગ ઠાકુરે આ માહિતી આપી હતી. તેમણે કહ્યું કે હવે ઘરેલુ ગેસ સિલિન્ડરની કિંમત 1100 રૂપિયાને બદલે 900 રૂપિયા થઈ ગઈ છે. આટલું જ નહીં, દેશભરમાં 9.6 કરોડથી વધુ પ્રધાનમંત્રી ઉજ્જવલા યોજના (PMUY) કનેક્શન કે જેઓ પહેલાથી જ સિલિન્ડર પર 200 રૂપિયાની સબસિડી મેળવે છે, તેમને આ સિલિન્ડર માત્ર 700 રૂપિયામાં મળશે.
પ્રધાનમંત્રી નરેન્દ્ર મોદીએ દેશની તમામ મહિલાઓને આપી રક્ષાબંધનની ભેટ
— ઑપઇન્ડિયા (@OpIndia_G) August 29, 2023
બીજેપી અધ્યક્ષ જેપી નડ્ડાએ એલપીજીના ભાવ ઘટાડા અંગે ટ્વિટ કરીને આપી જાણકારી
"હવે ઉજ્જવલા લાભાર્થીઓને સિલિન્ડર દીઠ ₹ 400ની સબસિડી મળશે અને અન્ય તમામ ગ્રાહકોને પ્રતિ સિલિન્ડર ₹ 200ની છૂટ મળશે" pic.twitter.com/CeAre0Lw0e
નવા ઉજ્જવલા કનેક્શન પણ ઉપલબ્ધ થશે
આ દરમિયાન મોદી સરકારે 75 લાખ વધારાના ઉજ્જવલા કનેક્શનને પણ મંજૂરી આપી છે. આ સાથે સમગ્ર દેશમાં પ્રધાનમંત્રી ઉજ્જવલા યોજનાના કુલ લાભાર્થીઓની સંખ્યા વધીને 10.35 કરોડ થઈ જશે. અનુરાગ ઠાકુરે કહ્યું કે સરકાર ઉજ્જવલા યોજના પર 3600 રૂપિયા ખર્ચે છે. હાલમાં દેશમાં કુલ 9.6 કરોડ લાભાર્થીઓ છે. આ યોજના હેઠળ સિલિન્ડર, સ્ટવ, પાઇપ બધું જ મફતમાં ઉપલબ્ધ કરાવાય છે.
#WATCH | "PM Modi has decided Rs 200 reduction in the price of domestic LPG cylinders, for all users…this is a gift from PM Narendra Modi, to the women of the country, during the occasion of Raksha Bandhan", says Union Minister Anurag Thakur pic.twitter.com/QTy6YB0x4u
— ANI (@ANI) August 29, 2023
અનુરાગ ઠાકુરે કહ્યું કે વિશ્વમાં ગેસ અને તેલની કિંમતો ઝડપથી વધી છે. સાઉદી અરેબિયામાં, કિંમતોમાં 300% થી વધુનો વધારો થયો છે. પરંતુ મોદી સરકારમાં માત્ર 63 ટકાનો વધારો થયો છે.
દર મહિનાની પહેલી તારીખે બદલાય છે કિંમતો
ઉલ્લેખનીય કે ભારતમાં દર મહિનાની પહેલી તારીખે ગેસ કંપનીઓ પોતે જ કિંમતોમાં વધારા કે ઘટાડા વિશે માહિતી આપે છે. પરંતુ આ વખતે સરકારે એક સાથે 200 રૂપિયાનો ભાવ ઘટાડો કર્યો છે. હવે સામાન્ય કનેક્શન પર સિલિન્ડર 900 રૂપિયામાં મળશે, જ્યારે ઉજ્જવલા સ્કીમમાં તેની કિંમત માત્ર 700 રૂપિયા હશે.
