અયોધ્યામાં બની રહેલા ભવ્ય રામ મંદિરના ચાલી રહેલા નિર્માણકાર્ય વચ્ચે ખાસ વાત સામે આવી છે. વિશ્વ હિંદુ પરિષદ (VHP)ના આંતરરાષ્ટ્રીય ઉપાધ્યક્ષ ચંપત રાયે પોતાના નિવેદનમાં કહ્યું છે કે અયોધ્યામાં ભગવાન રામનું નિર્માણાધીન મંદિર આ વર્ષના ડિસેમ્બર મહિનામાં પૂર્ણ થશે. તેમણે કહ્યું છે કે મંદિરમાં જે મૂર્તિ સ્થાપિત કરવામાં આવશે તે ભગવાન રામના બાળ સ્વરૂપની હશે. મૂર્તિના અભિષેક માટે તેમણે કહ્યું હતું કે વર્ષ 2024માં 15 જાન્યુઆરીથી 26 જાન્યુઆરી વચ્ચે જે પણ તારીખ નક્કી થશે તે દિવસે મૂર્તિનો અભિષેક કરવામાં આવશે. ચંપત રાયે રવિવારે (16 જુલાઈ, 2023) આ નિવેદન આપ્યું છે.
ચંપત રાયે જણાવ્યું કે “મંદિરના ગર્ભગૃહમાં જે મૂર્તિ સ્થાપિત કરવામાં આવશે તે ભગવાન રામના 5 વર્ષના બાળકનું સ્વરૂપ છે. પ્રતિમા ગ્રાઉન્ડ ફ્લોરમાં સ્થાપિત થશે. આ મૂર્તિઓનું નિર્માણ અયોધ્યામાં શરૂ પણ થઈ ગયું છે, જે ઓક્ટોબર સુધીમાં પૂર્ણ થવાની આશા છે. રામ મંદિરની ફ્રેમ આરસની છે. તેના દરવાજા મહારાષ્ટ્રથી લાવવામાં આવેલા લાકડાના બનેલા છે, જે અયોધ્યામાં જ કોતરવામાં આવી રહ્યા છે. ચંપત રાયે આશા વ્યક્ત કરી છે કે ફિનિશિંગ ટચ જેવા નાના કામો ડિસેમ્બર સુધીમાં પૂર્ણ થઈ જશે.”
गृभग्रह में भगवान की जिस प्रतिमा की प्राण-प्रतिष्ठा होगी, वह बालक रूप में होगी। सभी निर्माण कार्य अक्तूबर तक व अन्य सब कार्य दिसंबर माह में पूरे कर लिए जाएँगे।
— Champat Rai (@ChampatRaiVHP) July 16, 2023
15 जनवरी 2024 से 24 जनवरी 2024 के बीच जो भी तिथि उत्तम होगी, उस दिन भगवान की प्राण-प्रतिष्ठा कर दी जाएगी। pic.twitter.com/SpI64oVQ6G
ચંપત રાયે કહ્યું કે 15 થી 24 જાન્યુઆરી, 2024 વચ્ચેની તારીખ મૂર્તિઓના અભિષેક માટે યોગ્ય છે. ચંપત રાયે 15મી જાન્યુઆરીએ મકર સંક્રાંતિ અને એ જ મહિનાની 26મી તારીખે ગણતંત્ર દિવસ વચ્ચેની તારીખને ભગવાન રામની મૂર્તિના અભિષેક માટે શ્રેષ્ઠ સમય ગણાવી છે. આ મંદિરના પહેલા માળે ભગવાન રામનો પરિવાર બેસશે. બીજા માળે કોઈ મૂર્તિ સ્થાપિત કરવાની યોજના ન જણાવતા ચંપત રાયે કહ્યું કે મંદિરને ઉંચાઈ આપવા માટે બનાવવામાં આવી છે. ગયા મહિને 22 જૂને ચંપત રાયે મંદિરના નિર્માણાધીન કેટલાક ભાગોની તસવીરો પણ શેર કરી હતી.
प्रभु श्री राम के भव्य मंदिर निर्माण कार्य की प्रगति के कुछ छायाचित्र। pic.twitter.com/86ZXQtLEVU
— Champat Rai (@ChampatRaiVHP) June 22, 2023
ચંપત રાયે વધુમાં જણાવ્યું કે એક અંદાજ મુજબ મંદિરના નિર્માણમાં 21 લાખ ગ્રેનાઈટ, ઘનપુટ, રેતીના પથ્થર અને આરસનો ઉપયોગ કરવામાં આવી રહ્યો છે. તેમણે એવો પણ દાવો કર્યો હતો કે મંદિરના દરેક ભાગને એટલી મજબૂતીથી બનાવવામાં આવી રહ્યા છે કે તેને લગભગ 1000 વર્ષ સુધી સમારકામની જરૂર નહીં પડે.
