હાલમાં ખાલિસ્તાન સમર્થકો વિદેશોમાં ભારતીય દૂતાવાસો સામે જાતજાતના પ્રદર્શન કરતા જોવા મળી રહ્યા છે. કેનેડા, લંડન બાદ હવે અમેરિકાના વોશિંગ્ટન ડીસીમાં ભારતીય દૂતાવાસ સામે પણ ખાલિસ્તાનીઓએ આવું જ એક પ્રદર્શન આયોજિત કર્યું હતું. જેને કવર કરવા પહોંચેલ એક ભારતીય મૂળના પત્રકાર પર ખાલિસ્તાનીઓએ મૌખિક અને શારીરિક હુમલો કર્યો હતો.
#WATCH | Khalistanis physically and verbally assaulted journalist Lalit K Jha outside Indian Embassy in Washington DC
— ANI (@ANI) March 26, 2023
(Video Source – Lalit K Jha)
(Note – Abusive language used) pic.twitter.com/MchTca4Kl6
આ હુમલો PTI ન્યૂઝના મુખ્ય યુએસ સંવાદદાતા લલિત કે ઝા પર કરવામાં આવ્યો હતો અને આના વિષે તેઓએ પોતે વિડીયો શેયર કરીને જાણકરી આપી હતી.
હુમલાના વિડીયો સાથેની પોતાની ટ્વીટમાં તેઓએ લખ્યું છે કે, “આભાર સિક્રેટ સર્વિસ આજે મારુ કામ કરતી વખતે મારુ રક્ષણ કરીને મારી મદદ કરવા માટે, નહિ તો કદાચ આ હું દવાખાનેથી લખી રહ્યો હોત. આ જે વ્યક્તિ દેખાય છે તેણે મારા ડાબા કાન નીચે આ બે દંડાઓ વડે માર માર્યો હતો. આ પહેલા મને શારીરિક હુમલાની શંકા જતા મેં 911 પર કોલ કર્યો હતો જેથી બે પોલીસ વાન આવી પહોંચી હતી.”
Thank you @SecretService 4 my protection 2day 4 helping do my job, otherwise I would have been writing this from hospital. The gentleman below hit my left ear with these 2 sticks & earlier I had to call 9/11 & rushed 2 police van 4 safety fearing physical assault👇. pic.twitter.com/IVcCeP5BPG
— Lalit K Jha ललित के झा (@lalitkjha) March 25, 2023
વિડીયોમાં જોઈ શકાય છે કે વોશિંગ્ટન ડીસીમાં ભારતીય દૂતાવાસ સામે પીળા જંડા લઈને પ્રદર્શન કરી રહેલા ખાલિસ્તાનીઓમાંથી 2 લોકો પત્રકત લલિત કે ઝા પાસે આવીને તેમના પર જોર જોરથી બૂમો પડી રહ્યા છે. ઉપરાંત તેઓ કેમેરા સામે જ ભારતીય સરકાર અને પ્રધાનમંત્રી નરેન્દ્ર મોદીને ગાળો દેતા સંભળાઈ રહ્યા છે. સાથે જ તેઓ પત્રકારને ધમકાવતા પણ નજરે પડે છે.
વિડીયોના અંતમાં જોઈ શકાય છે કે તે બેમાંથી એક ખાલિસ્તાની જતી વખતે પોતાના જંડાનો દંડો જાણી જોઈને એ રીતે ફેરવે છે કે તે લલિત ઝાના ડાબા કાને જોરથી વાગે છે અને તેના કરીને તેમનો મોબાઈલ પણ જમીન પર પડી જાય છે.
ગુજરાતી ઉંમરલાયક વ્યક્તિ સાથે પણ કર્યું હતું ગેરવર્તન
આ પહેલા 22 માર્ચે (સ્થાનિક સમય), સોશિયલ મીડિયા પર એક વિડિયો સામે આવ્યો જેમાં અમૃતપાલ સિંઘ પરના ક્રેકડાઉન અંગે ભારત સરકાર સામે વિરોધ પ્રદર્શન દરમિયાન લંડનમાં એક ખાલિસ્તાની તરફી શીખ એક ગુજરાતી હિંદુ સાથે દુર્વ્યવહાર કરતો જોવા મળ્યો હતો.
વાયરલ વિડીયોમાં એક ગુજરાતી હિંદુ વ્યક્તિ વિરોધ કરી રહેલા ખાલિસ્તાનીઓ સાથે વાતચીત કરવાનો પ્રયાસ કરી રહ્યો છે ત્યારે તેમાંથી એક ઉશ્કેરાઈ ગયો અને તેના પર બૂમો પાડવા લાગ્યો હતો.
Watch: In a viral video today, a radical Khalistan extremist can be seen threatening a Gujarati passerby in foreign country pic.twitter.com/H48rUYRtEH
— DeshGujarat (@DeshGujarat) March 22, 2023
ખાલિસ્તાની ઝંડો લહેરાવતા અને ‘ખાલિસ્તાન ઝિંદાબાદ’ ના નારા લગાવતા ઉશ્કેરાયેલા ખાલિસ્તાની તરફી એ કહ્યું, “તમે ગુજરાતીઓ ધ્યાનથી સાંભળો. ભાગી જાઓ, નહીં તો હું તને થપ્પડ મારીશ. લંગર લેવો હોય તો શાંતિથી લો અને ચાલ્યા જાઓ. તમારા ગૌમૂત્ર પીનારા સમુદાયે ઘણું નાટક રચ્યું છે. દરેક ગુજરાતીને કહો. જો યુદ્ધ શરૂ થશે તો આ વખતે ગુજરાતમાં લડીશું. અમે તમારા ઘરની અંદર લડીશું. હવે જાઓ અને ગૌમૂત્ર પીઓ.” બાદમાં તેણે ગુજરાતી હિન્દુ માણસને પડકાર ફેંક્યો કે તે જે કરી શકે તે કરે.
