AAPના ગઢ પંજાબમાં ખાલિસ્તાન સમર્થકો ફરી એકવાર માથું ઉંચકી રહ્યા છે. અહીં ભટિંડામાં વન વિભાગની ઓફિસની દિવાલ પર ખાલિસ્તાનના સમર્થનમાં નારા લખવામાં આવ્યા છે. એવું કહેવામાં આવી રહ્યું છે કે આ સૂત્રો રાત્રે લખવામાં આવ્યા હતા. મીડિયા અહેવાલો અનુસાર, રવિવારે (2 ઓક્ટોબર 2022) ભટિંડાના વિભાગીય વન કાર્યાલયની દિવાલ પર ખાલિસ્તાન તરફી અને ભારત વિરોધી સૂત્રો લખવામાં આવ્યા છે. આ દિવાલ પર ‘ખાલિસ્તાન ઝિંદાબાદ, પાકિસ્તાન ઝિંદાબાદ’ ‘હિન્દુસ્તાન મુર્દાબાદ’ લખવામાં આવ્યું છે. જોકે માહિતી મળતાંની સાથે જ સ્થાનિક પોલીસ દ્વારા આ સૂત્રોને ભૂંસી નાખવામાં આવ્યા છે. પણ AAPના ગઢ પંજાબમાં ખાલિસ્તાન ફરી સક્રિય થતું હોવાનું નજરે પડી રહ્યું છે.
આ મામલામાં ભટિંડાના વરિષ્ઠ પોલીસ અધિક્ષક જયબાલન ઇ.એ જણાવ્યું હતું કે ખાલિસ્તાન તરફી સૂત્રો લખવામાં આવ્યા હોવાના અહેવાલો મળ્યા છે. આ મામલે તપાસ શરૂ કરવામાં આવી છે. તપાસના આધારે આગળની કાર્યવાહી કરવામાં આવશે.
આ સૂત્રોચ્ચાર પાછળ પ્રતિબંધિત ખાલિસ્તાન સમર્થક આતંકવાદી સંગઠન ‘સિખ્સ ફોર જસ્ટિસ’ (SFJ)નો હાથ સામે આવ્યો છે. આ દાવો આ સંગઠનના નેતા ગુરપતવંત સિંહ પન્નુએ પોતે કર્યો છે. આની જવાબદારી લેતા પન્નુએ એક વીડિયો પણ જાહેર કર્યો છે. આ વીડિયોમાં પન્નુએ કહ્યું છે કે ભટિંડામાં ‘હિન્દુસ્તાન મુર્દાબાદ ખાલિસ્તાન-પાકિસ્તાન ઝિંદાબાદ’ અને શીખ, મુસ્લિમ ભાઈ-ભાઈ’ લખવામાં આવ્યું છે. તેણે એમ પણ કહ્યું છે કે પંજાબ, હરિયાણા અને હિમાચલ પ્રદેશમાં ખાલિસ્તાન પર જનમત સંગ્રહ 26 જાન્યુઆરી 2023થી શરૂ થઈ રહ્યો છે.
Khalistan-Pakistan” Zindabad Slogans In Bathinda, Stronghold of AAP
— PONAM SINGH (@PONAMSINGH13) October 2, 2022
New York,2 Oct 2022
Secessionist group “Sikhs For Justice” (SFJ) released a raw footage of “Khalistan-Pakistan” Zindabad slogans inscribed at Divisional Forest Officer Bathinda, a stronghold of AAP. pic.twitter.com/ReGJwOnXrz
ગુરપતવંત સિંહ પન્નુએ આ વીડિયોમાં એમ પણ કહ્યું છે કે જૂન 1984માં શ્રી દરબાર સાહિબ પર થયેલા હુમલા બાદ શીખો અને ભારત વચ્ચે મોટી રેખા ખેંચાઈ ગઈ છે. તેમણે દાવો કર્યો હતો કે તે સમયે 100,000 થી વધુ ખાલિસ્તાન તરફી શીખોએ સ્વતંત્રતા માટે તેમના જીવનનું બલિદાન આપ્યું હતું. તેણે જાહેર કર્યું કે શીખ્સ ફોર જસ્ટિસની ગ્લોબલ ખાલિસ્તાન લોકમત, ટોરોન્ટોમાં 6 નવેમ્બરના રોજ મતદાન સાથે, પંજાબને ભારતીય કબજામાંથી મુક્ત કરવા માટે જરૂરી પગલું છે.
ગુરપતવંત સિંહના આ નવા વીડિયોથી ફરી એકવાર સ્પષ્ટ થઈ ગયું છે કે ખાલિસ્તાની આતંકવાદીઓ સંપૂર્ણપણે પાકિસ્તાનના ઈશારે કામ કરી રહ્યા છે. નોંધનીય છે કે ખાલિસ્તાની આતંકવાદીઓ અલગ દેશ બનાવવાની માંગ સાથે ‘કથિત શીખ ભૂમિ’ને ભારતથી અલગ કરવાનું કાવતરું ઘડી રહ્યા છે. આ સંબંધમાં દરેક જગ્યાએ ખાલિસ્તાન તરફી નારા અને પોસ્ટર લગાવવામાં આવ્યા છે.
