મહારાષ્ટ્રના શિવસેના (ઉદ્ધવ જૂથ) નેતા અને પૂર્વ મુખ્યમંત્રી ઉદ્ધવ ઠાકરેના પુત્ર આદિત્ય ઠાકરેએ (Aditya Thackeray) તાજેતરમાં જ એક ઇન્ટરવ્યુમાં મહારાષ્ટ્રમાં કોઈ મૉબ લિન્ચિંગ (Mob Lynching) ન થતું હોવાનો દાવો કર્યો. જે સોશિયલ મીડિયા પર ચર્ચામાં છે. લોકો તેમને તેમના પિતાના સમયમાં પાલઘરમાં (Palghar) થયેલું સાધુઓનું લિન્ચિંગ યાદ કરાવી રહ્યા છે.
વાસ્તવમાં આદિત્ય ઠાકરેએ તાજેતરમાં ‘ધ લલ્લનટોપ’ને એક ઇન્ટરવ્યુ આપ્યો હતો. જેમાં તેમણે વાતચીત દરમિયાન કહ્યું, “આ બધી વાતો ચાલી રહી છે…મૉબ લિન્ચિંગની…ક્યારેય મહારાષ્ટ્રમાં મૉબ લિન્ચિંગ વિશે સાંભળ્યું છે? નથી સાંભળ્યું..”
આટલી સાત સેકન્ડની ક્લિપ વાયરલ થઈ રહી છે અને હવે લોકો આદિત્યને પાલઘરના સાધુઓનું લિન્ચિંગ યાદ કરાવી રહ્યા છે.
‘ફેક્ટ્સ’ નામથી જાણીતા એક યુઝરે આદિત્યને ટેગ કરીને પૂછ્યું કે, તો પછી પાલઘરમાં સાધુઓ સાથે શું બન્યું હતું?
.@AUThackeray to Palghar mei Sadhuo ke saath kya hua? pic.twitter.com/gvFE5lR4NU
— Facts (@BefittingFacts) November 9, 2024
પત્રકાર અજિત ભારતી વ્યંગ્ય કરતાં લખે છે કે, “ન્યૂયોર્કના પાલઘરમાં સાધુઓની હત્યા ગવર્નર ઉદ્વવ કુઓમોના કાર્યકાળમાં થઈ હતી.”
न्यूयॉर्क के पालघर में साधुओं की हत्या गवर्नर उद्धव कुओमो के कार्यकाल में हुई थी। pic.twitter.com/GxTQ7bmPF3
— Ajeet Bharti (@ajeetbharti) November 9, 2024
અન્ય એક વ્યક્તિએ આદિત્યને પૂછ્યું કે પાલઘર શું પોલેન્ડમાં આવેલું છે, જેના વિશે તેમને ખબર જ નથી?
@AUThackeray, PALGHAR, Poland mai hai key?pic.twitter.com/jU2k01OsWt pic.twitter.com/aKgNKjadE1
— भारत Thought (@BharatThought) November 9, 2024
અન્ય એક યુઝરે આદિત્ય ઠાકરેને ટાંકીને કહ્યું કે, “આ પણ ઠીક છે, કારણ કે મૉબ લિન્ચિંગ માત્ર મુસ્લિમોનું જ માનવામાં આવે છે. હિંદુઓનાં મોત મૉબ લિન્ચિંગમાં નથી આવતાં. એટલે તેમને પાલઘર યાદ નથી.”
महाराष्ट्र मैं कभी मॉब लिंचिंग के बारे मैं सुना है
— STAR Boy TARUN (@Starboy2079) November 9, 2024
हमारे राज मैं कभी भी मॉब लिंचिंग नहीं हुई
– आदित्य ठाकरे
ये सही भी है क्योंकि मॉब लिंचिंग सिर्फ मुस्लिमों की ही मानी जाती है, हिंदू की मौत मॉब लिंचिंग मैं नहीं आती, इसलिए इस पेंगुइन को पालघर याद नहीं आया pic.twitter.com/ZYxaWkVxPt
આંધ્રપ્રદેશ ભાજપના પ્રવક્તા વિનુષા રેડ્ડીએ લખ્યું કે, “આવું ડાઉનફૉલ? હિંદુ રાષ્ટ્રવાદી બાળાસાહેબ ઠાકરેના પૌત્રને પાલઘરના હિંદુ સાધુઓના જીવનની કોઈ કિંમત પણ નથી અને યાદ પણ કરવા માંગતા નથી અને મહારાષ્ટ્રમાં કોઈ લિન્ચિંગ ન થયું હોવાનો ઇનકાર કરી રહ્યા છે.
What a downfall.!!!
— DrVinushaReddy(Modi ka Pariwar) (@vinushareddyb) November 9, 2024
Grandson of a Hindu nationalist #balasahebthackeray is not even considering the lives of Hindu Sadhus of Palghar worth remembering and denying any lynching incident in Maharashtra. pic.twitter.com/JyCEKKCbHf
ઉલ્લેખનીય છે કે કોરોનાના સમયમાં 16 એપ્રિલ, 2020ના રોજ મહારાષ્ટ્રથી સુરત જતા સાધુઓને પાલઘર પાસે રોકીને તેમનું લિન્ચિંગ કરવામાં આવ્યું હતું. વોટ્સએપ ઉપર એવી અફવા ફેલાવવામાં આવી હતી કે વિસ્તારમાં ચોર ફરી રહ્યા છે અને ગામલોકોએ સાધુઓને ચોર માનીને ગાડીમાંથી ઉતરીને માર માર્યો અને આખરે તેમનાં મૃત્યુ થયાં હતાં.
ઘટનામાં બે સાધુઓ કલ્પવૃક્ષગિરી મહારાજ અને સુશીલગિરી મહારાજ અને તેમના ડ્રાઇવર નિલેશનાં મોત થયાં હતાં. જેમાંથી કલ્પવૃક્ષગિરિ મહારાજની ઉંમર 70 કરતાં વધુ હતી.
આ ઘટનાથી દેશભરના હિંદુઓમાં આક્રોશ વ્યાપી ગયો હતો અને ત્યારબાદ તપાસમાં જે ઢીલ રાખવામાં આવી, તેના કારણે ઉદ્ધવ ઠાકરે સરકાર પર પણ ઘણા સવાલો ઉઠ્યા હતા. પછીથી જ્યારે મહારાષ્ટ્રમાં એકનાથ શિંદેની શિવસેના અને ભાજપની સરકાર આવી ત્યારે મામલાની તપાસ CBIને સોંપવામાં આવી હતી.
