PM મોદીનો પૂર્વ રાષ્ટ્રપતિને પત્ર, ગત તા. 25 જુલાઈ 2022ના રોજ, દેશને દ્રૌપદી મુર્મુના રૂપમાં 15મા રાષ્ટ્રપતિ મળ્યાની સાથે જ વિદાય લઈ રહેલા રાષ્ટ્રપતિ રામ નાથ કોવિંદના કાર્યકાળની પુર્ણાહુતી થઇ. તમામ નેતાઓએ રામનાથ કોવિંદના કાર્યકાળ વિશે વાત કરી. પરંતુ આ દરમિયાન જે શબ્દો તેમના હૃદયને સૌથી વધુ સ્પર્શી ગયા તે અન્ય કોઈના નહીં પરંતુ PM મોદીનો પૂર્વ રાષ્ટ્રપતિને પત્ર માં ઉલ્લેખાયેલા હતા.
24 જુલાઈના રોજ લખાયેલો આ પત્ર પૂર્વ રાષ્ટ્રપતિ રામનાથ કોવિંદે આજે (26 જુલાઈ) પોતાના ટ્વિટર પર શેર કર્યો હતો. તેમણે લખ્યું હતું કે, “વડાપ્રધાનના આ પત્ર મને ખૂબ જ સ્પર્શી ગયો છે. હું તેમના દયાળુ અને હૃદયસ્પર્શી શબ્દોને સાથી નાગરિકોએ મારા પર જે પ્રેમ અને આદર વરસાવ્યો છે તેના પ્રતિબિંબ તરીકે લઉં છું. ,
ઉલ્લેખનીય છે કે આ પત્રમાં વડાપ્રધાન નરેન્દ્ર મોદીએ રાષ્ટ્રપતિ રામનાથ કોવિંદના કાર્યકાળના વખાણ કરવા સાથે તેમનો આભાર પણ વ્યક્ત કર્યો છે. પીએમ મોદીએ કહ્યું છે કે જે સમયે આખું વિશ્વ કોરોના મહામારીની ઝપેટમાં હતું, તે સમયે તેઓ શાંતિ અને એકતાના સ્ત્રોત બન્યા હતા.
This letter from Prime Minister @narendramodi has deeply touched me. I take his kind and heartfelt words as a reflection of love and respect fellow citizens have showered on me. I am sincerely grateful to you all. pic.twitter.com/8GBBMnwvYf
— Ram Nath Kovind (@ramnathkovind) July 26, 2022
વડા પ્રધાને પત્રમાં એ પણ ઉલ્લેખ કર્યો છે કે કેવી રીતે રામનાથ કોવિંદ, પ્રથમ નાગરિક તરીકે, દેશના સૌથી નબળા વર્ગની સંભાળ રાખતા હતા અને સર્વોચ્ચ પદ પર પહોંચ્યા બાદ પણ માટી અને અહીંના લોકો સાથે જોડાયેલા રહ્યા હતા. પીએમએ કહ્યું કે જે રીતે રામનાથ કોવિંદે રાષ્ટ્રપતિ રહીને રાજભવનને લોકભવન બનાવવા માટે ઘણા પ્રયત્નો કર્યા તે ગૌરવ અપાવે તેવી બાબત છે.
આ પછી, તેમણે તાજેતરની પરોખ મુલાકાતનો પણ ઉલ્લેખ કર્યો જ્યાં તેમણે જોયું હતું કે રામ નાથ કોવિંદે તેમનું ઘર જરૂરિયાતમંદ, ખાસ કરીને ગરીબ અને પછાત વર્ગોને સમર્પિત કર્યું છે. તેમણે એમ પણ કહ્યું કે રાષ્ટ્રપતિ તરીકે રામનાથ કોવિંદ જે રીતે તેમની (PM મોદી) માતાને મળ્યા તે ક્ષણ ખરેખર તેમના માટે હૃદયસ્પર્શી હતી. તેમણે કહ્યું હતું કે છેલ્લા 5 વર્ષમાં તેમણે સમયાંતરે રામનાથ કોવિંદ પાસે અનેક વાર સલાહ લીધી હતી. તેઓ ભવિષ્યમાં પણ આમ કરવાનું ચાલુ રાખશે.
પીએમએ પૂર્વ રાષ્ટ્રપતિ માટે લખ્યું હતું કે, “તેમણે તેમના કાર્યકાળ દરમિયાન ઉચ્ચ ધોરણો સ્થાપિત કર્યા. તમારા વડાપ્રધાન તરીકે સેવા આપવા બદલ મને ગર્વ છે. દેશના રાષ્ટ્રપતિ તરીકેનો તમારો કાર્યકાળ ઈમાનદારી અને કામગીરી, સંવેદનશીલતા અને સેવાની ભાવનાથી ભરેલો હતો. હું, સમગ્ર રાષ્ટ્ર વતી, રાષ્ટ્રપતિ તરીકેના તમારા શાનદાર કાર્યકાળ અને લાંબા જાહેર જીવન માટે તમને અભિનંદન આપું છું.”
