Monday, May 20, 2024
More
    હોમપેજન્યૂઝ રિપોર્ટ‘અમે કૂતરા છીએ, અમને અમારી ઓળખ આપો’: રેલ્વે સ્ટેશનની બહાર કૂતરા જેવા...

    ‘અમે કૂતરા છીએ, અમને અમારી ઓળખ આપો’: રેલ્વે સ્ટેશનની બહાર કૂતરા જેવા પોશાક પહેરીને એકઠા થયેલા સેંકડો લોકો ભસવા લાગ્યા

    મીડિયા રિપોર્ટ્સ અનુસાર, વાયરલ વીડિયો બર્લિનના પોટ્સડેમર પ્લેટ્ઝ રેલવે સ્ટેશનનો છે. 'કેનાઇન બીઇંગ્સ' ગ્રુપ દ્વારા અહીં એક કાર્યક્રમનું આયોજન કરવામાં આવ્યું હતું. આ જૂથ એવા લોકોના અધિકારો માટે અવાજ ઉઠાવે છે જેઓ પોતાને કૂતરા માને છે.

    - Advertisement -

    તાજેતરમાં જર્મનીની રાજધાની બર્લિનમાં એક વિચિત્ર ઘટના સામે આવી છે. જ્યાં એક રેલ્વે સ્ટેશનની બહાર સેંકડો લોકો એકઠા થયા અને પછી કૂતરાની જેમ ભસવા લાગ્યા. આ લોકો પોતાની જાતને કૂતરા તરીકે ઓળખવા માટે એકઠા થયા હતા. આ સમગ્ર ઘટનાનો વીડિયો સોશિયલ મીડિયા પર હાલ વાયરલ થઈ રહ્યો છે.

    મીડિયા રિપોર્ટ્સ અનુસાર, વાયરલ વીડિયો બર્લિનના પોટ્સડેમર પ્લેટ્ઝ રેલવે સ્ટેશનનો છે. ‘કેનાઇન બીઇંગ્સ’ ગ્રુપ દ્વારા અહીં એક કાર્યક્રમનું આયોજન કરવામાં આવ્યું હતું. આ જૂથ એવા લોકોના અધિકારો માટે અવાજ ઉઠાવે છે જેઓ પોતાને કૂતરા માને છે.

    કૂતરાના કપડા પહેર્યા, ભેગા થઈને જોર જોરથી ભસ્યા

    વાયરલ વીડિયોમાં લોકો અવાજો કાઢતા અને કૂતરાની જેમ ભસતા સાંભળી શકાય છે. વળી, લોકો નકલી માસ્ક, પૂંછડી અને કૂતરાં જેવાં કપડાં પહેરેલા જોવા મળે છે. જણાવવામાં આવી રહ્યું છે કે આ કાર્યક્રમમાં લગભગ 1000 લોકોએ ભાગ લીધો હતો.

    - Advertisement -

    જો કે, X કોમ્યુનિટી ઘટનાના વીડિયોને લઈને અલગ જ વાર્તા કહી રહી છે. એક્સ કોમ્યુનિટીનું કહેવું છે કે આ વીડિયો ફોલ્સમ યુરોપનો છે. આમાં ગે પુરુષો સામેલ હતા. આમાં ભાગ લેનારા લોકો પોતાને કૂતરા નથી માનતા, પરંતુ લોકોએ કૂતરા જેવા દેખાતા કપડા પહેર્યા હતા.

    માણસમાંથી કૂતરા જેવું દેખાવા ખર્ચ્યા 22,000 ડોલર

    અહેવાલો કહે છે કે બર્લિનમાં આ કાર્યક્રમનું આયોજન જાપાનમાં એક માણસ કૂતરા બની જવાના સમાચાર સામે આવ્યા બાદ કરવામાં આવ્યું હતું. ખરેખર, જાપાનમાં રહેતા એક વ્યક્તિએ પોતાને કૂતરા જેવો દેખાવા માટે 22,000 ડોલર એટલે કે લગભગ 18 લાખ રૂપિયા ખર્ચ્યા હતા. આ વ્યક્તિ સામાન્ય લોકોથી દૂર રહેવાનું પસંદ કરે છે અને તેને ટોકો તરીકે ઓળખવામાં આવે છે.

    ટોકોની યુટ્યુબ પર ‘આઈ વોન્ટ ટુ બી એનિમલ’ નામની ચેનલ છે. તેના 56,000 થી વધુ સબ્સ્ક્રાઇબર્સ છે. ટોકોએ લગભગ એક વર્ષ પહેલા એક વીડિયો શેર કર્યો હતો અને કહ્યું હતું કે તે નાનપણથી જ કૂતરો બનવા માંગતો હતો. આ સિવાય ઘણા મીડિયા રિપોર્ટ્સમાં ટોકોના કૂતરા બનવાના સપનાની વાત કરવામાં આવી છે.

    પોતાનું સપનું પૂરું કરવા માટે, ટોકોએ જાપાનની કંપની ઝેપેટ પાસેથી ક્રૂડ કોલી આઉટફિટ એટલે કે કૂતરા જેવા પોશાકની ખરીદી કરી હતી. જેપેટ સામાન્ય રીતે ટીવી કમર્શિયલ અને ફિલ્મો માટે કોસ્ચ્યુમ ડિઝાઇન અને ઉત્પાદનમાં કામ કરે છે.

    નોંધનીય છે કે વર્ષ 2016માં ‘ધ સિક્રેટ લાઈફ ઓફ હ્યુમન પિપ્સ’ નામની ડોક્યુમેન્ટ્રી રિલીઝ થઈ હતી. આ ડોક્યુમેન્ટરીમાં એવા લોકોનું જીવન બતાવવામાં આવ્યું છે જેઓ કૂતરા જેવા પોશાક પહેરીને જીવવાનું પસંદ કરે છે. જેમાં સમગ્ર યુરોપમાંથી અનેક લોકોએ ભાગ લીધો હતો. આ લોકોએ પોતાનું નામ પણ કૂતરા જેવું રાખ્યું હતું.

    - Advertisement -

    સંબંધિત લેખો

    - Advertisement -

    તાજા સમાચાર

    ચૂકશો નહીં